Madhyapradesh : మధ్యప్రదేశ్‌లోని శివపురిలోని జవహర్ కాలనీలో దారుణం చోటు చేసుకుంది. ఓ తండ్రి తన కొడుకు పై కర్ర, కత్తితో అతి కిరాతకంగా దాడి చేశాడు. తనను అడ్డుకోబోయిన తల్లి, తమ్ముడిని కూడా ఆ తండ్రి తీవ్రంగా కొట్టాడు. దాడిలో గాయపడిన యువకుడిని స్థానికులు చికిత్స నిమిత్తం జిల్లా ఆస్పత్రికి తరలించారు. కొడుకుపై దాడి చేసిన తర్వాత తండ్రి రూరల్ పోలీస్ స్టేషన్‌కు చేరుకుని తన కొడుకులిద్దరిపై కేసు నమోదు చేశాడు. ఈ ఘటనపై సమాచారం అందుకున్న పోలీసులు జిల్లా ఆస్పత్రికి చేరుకుని కుమారుడి ఫిర్యాదు మేరకు తండ్రిపై కూడా కేసు నమోదు చేశారు.
చదవండి:Congress : ఓట్లకు బదులు డబ్బులు అడుక్కుంటున్న కాంగ్రెస్ నాయకులు
గురువారం సాయంత్రం తన భర్త బలరామ్ ఇంట్లోనే ఉన్నాడని బాధితుడి తల్లి షీలా కుష్వాహా తెలిపింది. కూలర్‌ను శుభ్రం చేసి అందులో నీళ్లు నింపమని తన భర్త కొడుకు కపిల్ కుష్వాహను ఆదేశించినట్లు చెప్పింది. దీనిపై కపిల్ కాసేపటి తర్వాత కూలర్‌ను శుభ్రం చేసి నీళ్లతో నింపుతానని చెప్పాడు. దీంతో కోపోద్రిక్తుడైన భర్త కొడుకుపై వేధింపులకు దిగాడు. దీనిపై కుమారుడు నిరసన తెలపడంతో భర్త మొదట కుమారుడిని కర్రలతో అతి కిరాతకంగా కొట్టాడు. అప్పటికీ కోపం చల్లారకపోవడంతో కొడుకుపై కత్తితో దాడి చేశాడు. ఈ సమయంలోనే తల్లి షీలా కుష్వాహా, మరో కుమారుడు జీతేంద్ర.. కపిల్‌ను కాపాడేందుకు ప్రయత్నించారు. అతడు వారిని కూడా తీవ్రంగా కొట్టాడు. కర్రలు, కత్తులతో దాడి చేయడంతో కపిల్ తీవ్రంగా గాయపడ్డాడు. బలరామ్ కుష్వాహా తన కుమారుడిపై కత్తితో దాడి చేసి రూరల్ పోలీస్ స్టేషన్‌కు చేరుకున్నాడు. అక్కడ తన ఇద్దరు కుమారులపై కూడా కేసు పెట్టాడు. అనంతరం కపిల్ కుష్వాహ ఫిర్యాదు మేరకు అతని తండ్రి బలరామ్ కుష్వాహపై దేహత్ పోలీస్ స్టేషన్ కేసు నమోదు చేసింది.
చదవండి:CM Revanth Reddy: ఫోన్ ట్యాపింగ్ చేసి భార్యభర్తల మాటలు విన్నారు.. సీఎం రేవంత్ రెడ్డి
