Air India: Confusion on board.. Bomb note on tissue paper
Air India: ఢిల్లీలోని ఇందిరాగాంధీ అంతర్జాతీయ విమానాశ్రయం నుంచి గుజరాత్‌లోని వడోదరకు వెళ్లేందుకు ఎయిర్ ఇండియా విమానం స్టార్ట్ అయ్యింది. ఇంతలోనే ఆ విమానం వాష్‌రూంలో బాంబ్ అని రాసి ఉన్న టిష్యూ పేపర్ విమాన సిబ్బందికి కనిపించింది. ప్రస్తుతం ఇది కలకలం రేపుతుంది. విమాన సిబ్బంది వెంటనే అప్రమత్తమై ప్రయాణికులను దించేశారు. సీఐఎస్‌ఎఫ్‌తో పాటు ఢిల్లీ పోలీసులకు కూడా సమాచారం అందించారు.
ఇది కూడా చూడండి: NTR: ఎన్టీఆర్ భారీ విరాళం.. ఆ ఊరి గుడికే ఎందుకు?
భద్రతా సిబ్బంది వెంటనే విమానంలో తనిఖీలు చేపట్టారు. అయితే విమానంలో అనుమానంగా కనిపించే వస్తువులేవీ కనిపించలేదన్నారు. భద్రతా సంస్థలు పూర్తిస్థాయిలో తనిఖీలు చేపట్టాయి. ఎలాంటి సమస్య లేదని తెలిపాయి. అయతే ఊహించని ఈ అంతరాయం వల్ల ప్రయాణికులకు కలిగే అసౌకర్యాన్ని తగ్గించేందుకు కృషి చేశామని, వాళ్లకి వసతి సౌకర్యం కల్పించామని, సిబ్బంది భద్రతకు కట్టుబడి ఉన్నామని ఎయిర్ ఇండియా ఓ ప్రకటనలో తెలిపింది.
ఇది కూడా చూడండి: Kalki 2898AD: ఇక ‘కల్కి’ వంతు.. ఫస్ట్ సింగిల్ లోడింగ్?
