Vyuham movie release on March 2.. RGV tweet
RGV tweet: వివాదాలకు కేరాఫ్ అడ్రస్ అయిన రాంగోపాల్ వర్మ తాజాగా రూపొందించిన చిత్రం వ్యూహం. ప్రస్తుతం ఈ సినిమా విడుదల తేదీ విషయంలో స్పష్టత వచ్చేసింది. విడుదలపై సస్పెన్స్ వీడిపోయింది. వరుస వాయిదాలతో విడుదల ఆలస్యమైన ఈ సినిమా ఎట్టకేలకు థియేటర్లకు రానుంది. కోర్టు పర్మిషన్ ఇవ్వడంతో మార్చి 2న ఈ సినిమాను విడుదల చేసేందుకు నిర్మాతలు ఏర్పాట్లు చేస్తున్నారు. వ్యూహం విడుదల విషయాన్ని తెలియజేస్తూ రాంగోపాల్ వర్మ ఓ ట్వీట్ చేశారు. కేంద్ర సెన్సార్ బోర్డు జారీ చేసిన సర్టిఫికెట్ ను చూపిస్తూ.. పట్టు వదలని విక్రమార్కుడిని అంటూ రాంగోపాల్ వర్మ ట్వీట్ చేశారు. మార్చి 2న వ్యూహం సినిమా థియేటర్లలో విడుదల చేయనున్నట్లు క్లారిటీ ఇచ్చారు.
చదవండి:Taapsee pannu: ప్రియుడితో పెళ్లికి రెడీ అయిన తాప్సీ
ఏపీ రాజకీయాల చుట్టూ తిరిగే ఈ సినిమాను మొదటి నుంచీ వివాదాలు చుట్టుముట్టాయి. వైఎస్ రాజశేఖర రెడ్డి మరణానంతరం ఏపీలో చోటుచేసుకున్న రాజకీయ పరిణామాల నేపథ్యంలో వ్యూహం సినిమాను రాంగోపాల్ వర్మ తెరకెక్కించారు. అయితే, ఈ సినిమాపై టీడీపీ, జనసేన వర్గాలు తీవ్ర అభ్యంతరం వ్యక్తం చేశాయి. జగన్ పొలిటికల్ మైలేజీ కోసం తమ నాయకులను కించపరిచేలా చూపించాడంటూ ఇరు పార్టీలకు చెందిన నేతలు ఆర్జీవీపై మండిపడుతున్నారు. ఈ సినిమాను విడుదల చేయకుండా ఆపాలని పలువురు తెలుగుదేశం పార్టీ నేతలు కోర్టుకెక్కారు. దీంతో గతేడాది డిసెంబర్ 29 న విడుదల కావాల్సిన సినిమా వాయిదాలు పడుతూ వచ్చింది. ఎట్టకేలకు రెండు నెలల తర్వాత థియేటర్లలోకి రానుంది. కోర్టు ఆదేశాలతో సినిమా విడుదలను పలుసార్లు వాయిదా వేసిన ఆర్జీవీ.. పట్టు వదలకుండా పోరాటం చేశారు. ఎట్టకేలకు వ్యూహం విడుదలకు అనుమతి తెచ్చుకున్నారు.
చదవండి:Chiranjeevi: చిరంజీవి చేతి వాచ్ ఏంతో తెలిస్తే షాక్ అవుతారు.
