కోలీవుడ్ స్టార్ హీరో విజయ్(Vijay) ‘వారసుడు(Varasudu)’ అనే సినిమా చేస్తున్న సంగతి తెలిసిందే. వంశీ పైడి పల్లి దర్శకత్వంలో తెరకెక్కుతున్న ఈ సినిమాను.. ప్రముఖ నిర్మాత దిల్ రాజు నిర్మిస్తున్నారు. దాంతో విజయ్ చేస్తున్న ఫస్ట్ స్ట్రెయిట్ తెలుగు ఫిల్మ్ ఇదే అని అనుకున్నారు. కానీ గతంలో దిల్ రాజు, ఇటీవల దర్శకుడు వంశీ పైడిపల్లి.. ఈ సినిమా తమిళ్ సినిమా అని తేల్చేశారు. ఇక ఇప్పుడు దాన్ని నిజం చేస్తు తమిళ్‌లోనే ఫస్ట్ సింగిల్ ప్రోమో రిలీజ్ చేశారు. తమిళ్‌లో ‘వరిసు’ పేరుతో తెరకెక్కుతున్న ఈ సినిమాను తెలుగులో డబ్బింగ్‌గా తీసుకురాబోతున్నారు.
తాజాగా ఈ సినిమా నుంచి ఫస్ట్ సింగిల్ ప్రోమోను విడుదల చేసింది. ‘రంజితమే’ అంటూ సాగే ఈ పాటను తమన్ కంపోజ్ చేయగా.. హీరో విజయ్‌నే పాడడం ఈ సాంగ్ స్పెషాల్టీ. గతంలో ‘బీస్ట్’ సినిమాలో ఒక పాట పాడిన విజయ్.. ఇప్పుడు ‘వరిసు’ కోసం మరోసారి గొంతు సవరించుకున్నారు. ఇక ‘రంజితమే’ ప్రోమోలో విజయ్ వేసిన హుక్ స్టెప్ అదిరిపోయేలా ఉందంటున్నారు. ఈ పాటకు జానీ మాస్టర్ కొరియోగ్రఫీ చేశారు. ఫుల్ సాంగ్‌ను నవంబర్ 5న విడుదల చేయనున్నట్లు ప్రకటించారు.
అయితే ఈ సాంగ్ ప్రోమోని కేవలం తమిళ వర్షన్‌ మాత్రమే రిలీజ్ చేయడంతో.. తెలుగు వెర్షన్ రిలీజ్ చేయకపోవడంపై సోషల్ మీడియాలో పలు రకాల కామెంట్స్ వినిపిస్తున్నాయి. ఇది పక్కా డబ్బింగ్ సినిమా అంటున్నారు తెలుగు ఆడియెన్స్. ఇకపోతే.. రష్మిక మందన్నా హీరోయిన్‌గా నటుస్తున్న ఈ సినిమాను.. వచ్చే సంక్రాంతికి రిలీజ్ చేసేందుకు ప్లాన్ చేస్తున్నారు.
ఇది కూడా చూడండి: ‘ఎన్టీఆర్(NTR)-కొరటాల(koratala)’ కథ మారిందా!?
