ఈ ఏడాదిలో బాలీవుడ్ (Bollywood) నుంచి రెండు వెయ్యి కోట్ల సినిమాలు ఇచ్చాడు షారుఖ్ ఖాన్ (Sharukh Khan). ఇక ఇప్పుడు సల్మాన్ ఖాన్ మరో వెయ్యి కోట్ల సినిమాతో రాబోతున్నాడు. ‘ఏక్ థా టైగర్’, ‘టైగర్ జిందా హై’, ‘వార్’, ‘పఠాన్’ తర్వాత స్పై యూనివర్స్ ఫ్రాంచైజీలో భాగంగా యశ్ రాజ్ ఫిలిమ్స్ నిర్మిస్తున్న లేటెస్ట్ ఫిల్మ్ టైగర్ 3. కత్రినా కైఫ్ హీరోయిన్‌గా నటిస్తున్న ఈ సినిమా.. మనీష్ శర్మ దర్శకత్వంలో తెరకెక్కుతోంది. దాదాపు షూటింగ్ పార్ట్ పూర్తి చేసుకున్న ఈ సినిమా దీపావళికి రిలీజ్ కానుంది.
చదవండి: Hero Vishal: కేంద్ర సెన్సార్ బోర్డుకు లంచం ఇచ్చా..ఆధారాలతో బయటపెట్టిన హీరో విశాల్
ఇప్పటివరకు ఈ సినిమా నుంచి వచ్చిన అప్డేట్స్ అంచనాలు భారీగా పెంచేశాయి. తాజాగా మరో టీజర్‌ను రిలీజ్ చేశారు. టైగర్ కా మెసేజ్ పేరుతో రిలీజ్ అయిన ఈ టీజర్ అదిరిపోయింది. ‘నా అసలు పేరు అవినాష్ సింగ్ రాథోడ్! మీ అందరికీ నేను ‘టైగర్’ని. 20 ఏళ్లుగా నా జీవితాన్ని ఇండియా సంరక్షణ కోసం వెచ్చించాను.. అంటూ సల్మాన్ చేసిన యాక్షన్ అదిరిపోయింది. టైగర్ దేశ ద్రోహి? టైగర్ మీద ఆర్మీ ఎందుకు ఎటాక్ చేసింది? అనేదే సినిమా కథగా తెలుస్తోంది.
చదవండి: Agent Movie: మళ్లీ ‘ఏజెంట్’కి చిక్కులే..!
దీంతో ఏక్ థా టైగర్’, ‘టైగర్ జిందా హై’ సినిమాలకు ఏమాత్రం తగ్గకుండా ‘టైగర్ 3’ ఉంటుందని చెప్పొచ్చు. ఖచ్చితంగా ఈ సినిమా 1000 కోట్లు రాబడుతుందని బాలీవుడ్ వర్గాలు చెబుతున్నాయి. పైగా ఈ సినిమాలో షారుఖ్ ఖాన్ కూడా గెస్ట్ అప్పియరెన్స్ ఇస్తున్నాడు. పఠాన్ సినిమాలో సల్మాన్ ఖాన్ క్యామియో ఇచ్చాడు. దీంతో పఠాన్, జవాన్ తర్వాత.. వెయ్యి కోట్ల బొమ్మ ఇదేనని అంటున్నారు. అలాగే సలార్ కంటే ముందు రానున్న వెయ్యి కోట్ల సినిమా ఇదే అంటున్నారు.
