మలయాళ యువ నటుడు షేన్ నిగమ్ క్రైమ్ థ్రిల్లర్ ‘దృఢం’ జూన్ 12 నుంచి జియోహాట్స్టార్లో స్ట్రీమింగ్ కానుంది. మే 8న థియేటర్లలో విడుదలై మంచి రెస్పాన్స్ తెచ్చుకున్న ఈ చిత్రం మలయాళంతో పాటు తెలుగు, తమిళం, కన్నడ, హిందీ భాషల్లో అందుబాటులోకి రానుంది. ఇందులో సాన్య, శోభి తిలకన్ కీలక పాత్రలు పోషించారు.
‘పెద్ది’ సినిమా టికెట్ ధరల పెంపు, అదనపు షోలకు అనుమతి ఇచ్చినందుకు ఏపీ, తెలంగాణ ప్రభుత్వాలకు రామ్ చరణ్ కృతజ్ఞతలు తెలిపాడు. ఇరు రాష్ట్రాల సీఎంలు రేవంత్ రెడ్డి, చంద్రబాబు, డిప్యూటీ సీఎంలు భట్టి విక్రమార్క, పవన్ కళ్యాణ్, సినిమాటోగ్రఫీ మంత్రులకు సోషల్ మీడియా ద్వారా థాంక్స్ చెప్పాడు. ఈ సినిమా గురువారం విడుదలవుతుండగా, ఇవాళ రాత్రి నుంచే ప్రీమియర్లు షురూ కానున్నాయి.
విశాఖ జిల్లా ఆనందపురం వద్ద జరిగిన రోడ్డు ప్రమాదంలో డ్యాన్స్ మాస్టర్ పండు రెండు కాళ్లకు తీవ్ర గాయాలయ్యాయి. ప్రస్తుతం అతను విశాఖపట్నం మెడికవర్ ఆసుపత్రిలో చికిత్స పొందుతున్నాడు. పండు ఆరోగ్య పరిస్థితిపై వైద్యులు స్పందిస్తూ.. పరీక్షల అనంతరం కాళ్లకు సర్జరీ చేయాల్సి ఉంటుందని, ఇందుకోసం ఏర్పాట్లు చేస్తున్నట్లు తెలిపారు. ఆయన పూర్తిగా కోలుకోవడానికి 6 నెలల విశ్రాంతి అవసరమని చెప్పారు.
నటి ఖుష్బూ, దర్శకుడు సుందర్ సి. దంపతులు తమిళనాడు ముఖ్యమంత్రి విజయ్ను మర్యాదపూర్వకంగా కలిశారు. తమ కుమార్తె అవంతిక, కాబోయే అల్లుడు శ్రవణ్ శ్రీనివాసన్ల వివాహ పత్రికను సీఎంకు అందజేసి, పెళ్లికి రావాలని ఆహ్వానించారు. ఈ సందర్భంగా విజయ్ను తన ప్రియమైన సోదరుడిగా అభివర్ణించిన ఖుష్బూ, బిజీ షెడ్యూల్లోనూ ఆప్యాయంగా కలిసి ఆశీస్సులు అందించినందుకు ధన్యవాదాలు తెలిపారు.
‘బిచ్చగాడు’ వంటి హిట్ తర్వాత విజయ్ ఆంటోని, దర్శకుడు శశి కాంబోలో ‘వంద దేవుళ్ళు’ మూవీ రాబోతుంది. ఈ మూవీలో స్వాసిక అజయ్, కావ్య, శక్తి నటిస్తున్నారు. ఇప్పటికే పాటలు, టీజర్తో మంచి అంచనాలు పెంచిన ఈ చిత్రాన్ని తెలుగు, తమిళ భాషల్లో జూన్ 19న విడుదల చేయనున్నట్లు మేకర్స్ ప్రకటించారు. ఈ మేరకు పోస్టర్ షేర్ చేయగా.. ఆకట్టుకుంటోంది.
నటుడు రాఘవ లారెన్స్ కుమార్తె రాఘవి మాత్రం మెగాఫోన్ పట్టేందుకు సిద్ధమైంది. అసిస్టెంట్ డైరెక్టర్గా పని చేయకుండానే నేరుగా దర్శకురాలిగా మారబోతున్నట్లు టాక్. దీనికోసం అమెరికాలో డైరెక్షన్ కోర్సు పూర్తి చేసిన రాఘవి, తన టెక్నాలజీ నాలెడ్జ్పై నమ్మకంతో భారీ రిస్క్ తీసుకుంటున్నట్లు సమాచారం. ఆమె చేయబోయే సినిమాను లారెన్స్ స్వయంగా నిర్మించనున్నాడట.
రణ్వీర్ సింగ్ ‘డాన్ 3’ వివాదం కొలిక్కి వచ్చింది. ఆయనపై విధించిన నిషేధాన్ని ఉపసంహరించుకుంటున్నట్లు FWICE ప్రకటించింది. రణ్వీర్ లీగల్ నోటీసులు పంపిన తర్వాతే ఈ నిర్ణయం తీసుకుంది. పరిశ్రమలో ఎవరిపైనా నిషేధం విధించే హక్కు తమకు లేదని, సమస్యను సామరస్యంగా పరిష్కరించుకోవాలని ఈ సందర్భంగా FWICE సూచించింది.
తమిళనాడు సీఎం విజయ్ వారసుడు జాసన్ సంజయ్ దర్శకుడిగా మారిన విషయం తెలిసిందే. సందీప్ కిషన్ హీరోగా ‘సిగ్మా’ అనే మూవీని తెరకెక్కిస్తున్నాడు. దీనిపై సందీప్ మాట్లాడుతూ.. 25 ఏళ్లకే సంజయ్కు సినిమాపై ఉన్న క్లారిటీ, ఓపిక తనను ఆశ్చర్యపరిచాయన్నాడు. చూడటానికి వాళ్ల నాన్నలాగే ఉండే సంజయ్.. పెద్ద స్టార్ వారసుడైనా ఎంతో వినయంగా ఉంటాడని ప్రశంసించాడు.
హీరో రామ్ పోతినేని తన 23వ మూవీ ‘RAPO-23’తో దర్శకుడిగా మారుతున్నాడు. 20 ఏళ్ల సినీ ప్రయాణం తర్వాత ఈ నిర్ణయం సహజంగానే జరిగిందని రామ్ తాజాగా తెలిపాడు. 18 ఏళ్లకే ఇండస్ట్రీకొచ్చి ఎన్నో ఎత్తుపల్లాలు చూశానన్నాడు. రిస్క్ తీసుకోవడం అలవాటేనని, అందుకే ఈ మైండ్ బ్లోయింగ్ సైకలాజికల్ యాక్షన్ థ్రిల్లర్కు కథ, స్క్రీన్ప్లే అందిస్తూ, హీరోగా నటిస్తూ మెగాఫోన్ పడుతున్నట్లు తెలిపాడు.
రామ్ చరణ్ ‘పెద్ది’ జూన్ 4న విడుదలవుతున్న సందర్భంగా తెలుగు రాష్ట్రాల్లో పండుగ వాతావరణం నెలకొంది. ముఖ్యంగా HYD కూకట్పల్లిలోని అర్జున్ థియేటర్ వద్ద అభిమానులు చరణ్ క్యారెక్టర్ను పోలిన భారీ విగ్రహాన్ని ప్రతిష్టించి, ‘శ్రీ కొణెదెల రామ్ చరణ్ దేవాలయం’ అని బోర్డు పెట్టారు. ఈ విగ్రహానికి క్షీరాభిషేకాలు, హారతులు ఇస్తూ జాతరను తలపిస్తున్నారు. ఈ ఫొటోలు SMలో వైరలవుతున్నాయి.
కింగ్ ఆఫ్ పాప్ మైఖేల్ జాక్సన్ బయోపిక్ ‘మైఖేల్’ ప్రపంచవ్యాప్తంగా రూ.7,100 కోట్లతో బ్లాక్బస్టర్గా నిలిచింది. థియేటర్లలో అదరగొట్టిన ఈ చిత్రం జూన్ 9 నుంచి బుక్మైషో స్ట్రీమ్లో డిజిటల్ ప్రీమియర్గా రానుంది. ఇంగ్లీష్, హిందీలో రెంటల్ విధానంలో అందుబాటులో ఉంటుంది. అదే రోజు అమెజాన్ ప్రైమ్, ఆపిల్ టీవీల్లోనూ రెంటల్ బేసిస్పై విడుదలయ్యే అవకాశం ఉంది.
రామ్ చరణ్ ‘పెద్ది’ మూవీ భారీ విజయం సాధించాలని కోరుకుంటూ, చిత్ర బృందానికి పవన్ కళ్యాణ్ ఆల్ ది బెస్ట్ చెప్పారు. దీనిపై చరణ్ స్పందిస్తూ సోషల్ మీడియాలో భావోద్వేగ పోస్ట్ పెట్టాడు. ‘మీ ఆత్మీయ శుభాకాంక్షలకు ధన్యవాదాలు పవన్ కళ్యాణ్ గారూ.. మీ మాటలు నాకు, మా పెద్ది చిత్ర బృందం మొత్తానికి ఎంతో విలువైనవి. మీ ప్రేమ, మద్దతు, ఆశీస్సులకు మేము ఎల్లప్పుడూ కృతజ్ఞులం’ అంటూ ట్వీట్ చేశాడు.
కుంభమేళా మోనాలిసా, ఫర్మాన్ఖాన్ల మతాంతర వివాహ కేసులో కేరళ హైకోర్టు కీలక వ్యాఖ్యలు చేసింది. MPలో నమోదైన కిడ్నాప్, పోక్సో కేసుల నేపథ్యంలో ప్రాణహాని ఉందంటూ ఈ జంట ముందస్తు బెయిల్ పిటిషన్ వేసింది. దీనిపై స్పందించిన న్యాయమూర్తి.. “మీరు కేరళలో ఉండటం మీ అదృష్టం” అనగా, అందుకే వీరు బతికున్నారని లాయర్ పేర్కొన్నారు. కోర్టు తీర్పును రిజర్వ్ చేసింది.
ప్రభాస్, సందీప్ రెడ్డి వంగాల ‘స్పిరిట్’ మూవీ షూటింగ్ HYDలో జోరుగా సాగుతోంది. ఈ ఏడాది నవంబర్ కల్లా షూట్ ముగించి, 2027 మార్చి 5న సినిమాను రిలీజ్ చేయాలని ప్లాన్ చేస్తున్నారు. కాగా, అక్టోబర్ 23న ప్రభాస్ బర్త్డే సందర్భంగా పవర్ఫుల్ టీజర్ విడుదల కానుందట. దీంతో ఈసారి రెబెల్ స్టార్ బర్త్డేకి థియేట్రికల్ బ్లాస్ట్ ఖాయమని ఫ్యాన్స్ ఖుషీ అవుతున్నారు.
‘పెద్ది’ ప్రమోషన్స్లో దర్శకుడు బుచ్చిబాబు ఆసక్తికర వ్యాఖ్యలు చేశాడు. ‘ఈ కథను పూర్తిగా చరణ్ కోసమే రాశాను. ఆయన కోరుకున్నట్టుగానే ఇదొక స్పోర్ట్స్ డ్రామా. ఇది కల్పిత కథే అయినా.. విజయనగరం కుర్రాడిని చూస్తున్నట్లే ఉంటుంది. మూవీలో చరణ్ ఎప్పుడో కానీ కనిపించడు, అంతా పెద్ది పాత్ర హవానే నడుస్తుంది. అతని ఆట, పాట, భావోద్వేగాలతో సాగే పక్కా కమర్షియల్ చిత్రమిది’ అని అన్నాడు.
