ప్రభాస్ ఫ్యాన్స్ ఎప్పుడెప్పుడా అని ఎదురు చూస్తున్న సమయం రానే వస్తోంది. మరో 100 రోజుల్లో పాన్ ఇండియా బాక్సాఫీస్ బద్దలవబోతోంది. బాహుబలి తర్వాత ప్రభాస్ కమిట్ అయిన మోస్ట్ అవైటేడ్ ప్రాజెక్ట్ ఆదిపురుష్.. డార్లింగ్ చేస్తున్న ఫస్ట్ బాలీవుడ్ ఫిల్మ్ ఇదే. అందుకే ఆదిపురుష్ పై భారీ అంచనాలున్నాయి. ఈ సినిమా నుంచి ఏ చిన్న అప్డేట్ వచ్చిన సోషల్ మీడియా షేక్ అయిపోతోంది. మేకర్స్ నుంచి అప్డేట్స్ లేకపోయినా.. ఫ్యాన్స్ మాత్రం ట్రెండ్ చేస్తునే ఉన్నారు. ఇక ఈ సినిమా రిలీజ్‌కు వంద రోజులు మాత్రమే ఉండడంతో.. ప్రజెంట్ ట్విట్టర్లో ఆదిపురుష్ హ్యాష్‌ ట్యాగ్‌ ట్రెండింగ్‌లో ఉంది. దీంతో ఆదిపురుష్ పై హైప్ ఏ మాత్రం తగ్గలేదనే చెప్పాలి. జూన్ 16న ఆదిపురుష్ రిలీజ్‌కు రెడీ అవుతోంది. అయితే అయోధ్యలో గ్రాండ్‌గా టీజర్ రిలీజ్ చేసిన తర్వాత.. బాగా ట్రోలింగ్‌కు గురయ్యాడు డైరెక్టర్ ఓం రౌత్. అందుకే ఈ సినిమాను మరో ఆరునెలలు పోస్ట్ పోన్ చేశాడు. ఈసారి గ్రాఫిక్స్ పనులు చాలా పర్ఫెక్ట్ జరుగుతున్నట్టు తెలుస్తోంది. ఇప్పటికే పోస్ట్ ప్రొడక్షన్ వర్క్ చివరి దశకు చేరుకున్నాయి. ఉగాది లేదా శ్రీరామనవమి సందర్భంగా ఆదిపురుష్ నుంచి మరో టీజర్ లేదా.. సాంగ్ రిలీజ్ చేసే ఆలోచనలో ఉన్నారు. అప్పటి నుంచే ప్రమోషన్స్ స్టార్ట్ చేయాలని భావిస్తోందట చిత్ర యూనిట్. ఎలాగు సినిమా రిలీజ్‌కు వంద రోజులే ఉంది కాబట్టి.. త్వరలోనే ఆదిపురుష్ నుంచి అప్డేట్ రావడం పక్కా. ఇక రామాయణం ఆధారంగా తెరకెక్కుతున్న ఈ సినిమాలో.. ప్రభాస్ రాముడిగా నటిస్తుండగా.. సీత పాత్రలో కృతి సనన్ నటిస్తోంది. రావణుడిగా సైఫ్ అలీఖాన్ నటిస్తున్నాడు. దాదాపు 500 కోట్ల భారీ బడ్జెట్‌తో.. ఓంరౌత్ ఈ చిత్రాన్ని విజువల్ వండర్‌గా రూపొందిస్తున్నాడు. మరి 100 రోజుల్లో బాక్సాఫీస్ దగ్గర ఆదిపురుష్ ఎలాంటి వండర్స్ క్రియేట్ చేస్తుందో చూడాలి.
