ఆదిపురుష్ అప్డేట్ కావాలంటూ.. డైరెక్టర్‌ ఓం రౌత్‌ను సోషల్ మీడియాలో ఓ రేంజ్‌లో ట్రోల్ చేస్తున్నారు ప్రభాస్ ఫ్యాన్స్. అయినా ఇప్పటి వరకు ఓం రౌత్ నుంచి ఎలాంటి రెస్పాన్స్ లేదు. అయితే ఎట్టకేలకు అప్డేట్ ఇచ్చేందుకు ముహూర్తం ఫిక్స్ చేసినట్టు తెలుస్తోంది. బాహుబలి తర్వాత ప్రభాస్ చేసిన సాహో, రాధే శ్యామ్ సినిమాలు బాక్సాఫీస్ దగ్గర బోల్తా కొట్టేశాయి. ఆ రెండు ఫ్లాప్స్ తర్వాత వస్తున్న సినిమా కావడంతో.. ఆదిపురుష్ పై భారీ ఆశలు పెట్టుకున్నారు అభిమానులు. కానీ ఒకే ఒక్క టీజర్ అంచనాలను తారుమారు చేసింది. బిగ్ స్క్రీన్ పై స్పెషల‌్‌గా త్రీడిలో టీజర్ చూపించిన.. ఫలితం లేకపోయింది. అందుకే మళ్లీ గ్రాఫిక్స్‌ పై దృష్టి పెట్టాడు ఓం రౌత్. జూన్ 16న ఆదిపురుష్‌ను ప్రపంచ వ్యాప్తంగా భారీ స్థాయిలో రిలీజ్ చేయబోతున్నారు. ఎట్టిపరిస్థితుల్లోను మరోసారి ఈ సినిమాను పోస్ట్‌పోన్ చేసే ఆలోచనలో లేరు. అందుకే వీలైనంత త్వరగా ప్రమోషన్స్ స్టార్ట్ చేయాలని భావిస్తున్నారట. ఈ క్రమంలో.. శ్రీరామ నవమికి సాలిడ్ అప్డేట్ ఇవ్వబోతున్నట్టు తెలుస్తోంది. మార్చి 30న ఆదిపురుష్ నుంచి కొత్తగా టీజర్ లేదా.. సాంగ్ వచ్చే ఛాన్స్ ఉందని అంటున్నారు. అప్పటి నుంచి సరికొత్త అప్డేట్స్‌తో ప్రమోషన్స్ పై ఫోకస్ చేయబోతున్నారట. దాంతో ప్రభాస్ ఫ్యాన్స్‌కు పండగేనని చెప్పొచ్చు. అయితే లాస్ట్ ఇయర్ కూడా శ్రీరామనవమికి ఇలాంటి ప్రచారమే జరిగింది. కానీ చివరకి ఓం రౌత్ డిసప్పాయింట్ చేశాడు. దాంతో అప్టేట్ గురించి అధికారిక ప్రకటన వచ్చే వరకు.. నమ్మలేమంటున్నారు డార్లింగ్ ఫ్యాన్స్. అయితే ఈసారి రిలీజ్ టైం దగ్గర పడింది కాబట్టి.. శ్రీరామనవమికి అదిరే ట్రీట్ ఉంటుందని చెప్పొచ్చు. అతి త్వరలోనే దీనిపై క్లారిటీ రానుంది.
