ఎన్టీఆర్ హీరోగా నటిస్తున్న “దేవర” సినిమా ఆన్లైన్ బుకింగ్స్ ఆంధ్రప్రదేశ్‌లో తెఓపెన్ అయ్యాయి. సాధారణంగా, ఎలాంటి స్టార్ హీరో సినిమాల బుకింగ్స్ అయినా హైదరాబాద్‌లో ముందుగా ప్రారంభమవుతుంటాయి, తర్వాత మాత్రమే ఆంధ్రప్రదేశ్‌లో అందుబాటులోకి వస్తాయి. కానీ, “దేవర” చిత్ర నిర్మాతలు ప్రత్యేక షోలు, టిక్కెట్ ధరల కోసం అనుమతులు పొందడంతో, ఈ సినిమాకు సంబంధించి ఆంధ్రప్రదేశ్‌లోనే ముందస్తు బుకింగ్స్ ప్రారంభమయ్యాయి.
ఒంగోలు, గుంటూరులో కొన్ని థియేటర్లలో “దేవర”కి బుకింగ్స్ ఓపెన్ చేసారు. మిగతా థియేటర్లు, ప్రాంతాలు రేపు ప్రారంభమయ్యే అవకాశముంది. ఎన్టీఆర్ అభిమానులు ఆరు సంవత్సరాల తర్వాత ఆయన సోలో రిలీజ్‌కి ఎంతో ఆసక్తిగా ఎదురుచూస్తున్నారు. ఈ సినిమా మాస్ మేజిక్‌ని అనుభవించడానికి ఫ్యాన్స్ సిద్ధంగా ఉన్నారు.
ఇప్పటికే విడుదలైన సాంగ్స్, ఇతర ప్రమోషనల్ కంటెంట్ సినిమా గురించి పాజిటివ్ బజ్ సృష్టిస్తున్నాయి. “దేవర” సినిమా గురించి ఏదైనా వార్త వస్తే, అభిమానుల్లో ఉత్సాహం పెరుగుతోంది. హైదరాబాదులో బుకింగ్స్ ప్రారంభమయ్యేందుకు టిక్కెట్ ధరల సంబంధిత ఆదేశం (GO) విడుదల అయిన తర్వాత జరుగుతుందని సమాచారం.
సెప్టెంబర్ 27న ప్రపంచవ్యాప్తంగా రికార్డు రిలీజ్ అవబోతుంది దేవర. ఈ సినిమాకు కొరటాల శివ దర్శకత్వం, అనిరుద్ మ్యూజిక్ అందించారు.
