ఇండస్ట్రీలో తమకు క్రేజ్ ఉన్నప్పుడే క్యాష్ చేసుకోవాలని చూస్తుంటారు స్టార్ హీరో, హీరోయిన్లు. ఇప్పుడు ఇదే జాబితాలో ఉంది ఓ యంగ్ జోడీ నిఖిల్, అనుపమా పరమేశ్వరన్. ఈ ఇద్దరికి కార్తికేయ 2 మూవీ భారీ హిట్ అందించింది. దాంతో ఈ జంట గాల్లో తేలిపోతోంది. అందుకే డబుల్ డోస్ ఇస్తూ.. మేకర్స్‌కు షాక్ ఇస్తోందట ఈ జంట. చందు మొండేటి దర్శకత్వంలో రూపొందిన కార్తికేయ 2 సినిమా భారీ విజయాన్ని సొంతం చేసుకున్న సంగతి తెలిసిందే. ఊహించని విధంగా నిఖిల్ కెరీర్లో వంద కోట్లకు పైగా వసూళ్లను సాధించిన ఈ సినిమా.. ఒక్క బాలీవుడ్‌లోనే దాదాపు 30 కోట్ల కొల్లగొట్టినట్టు ట్రేడ్ వర్గాల అంచనా. ఇదిలా ఉంటే నిఖిల్‌తో పాటు అనుపమ పరమేశ్వరన్‌కు కార్తికేయ 2 మంచి స్టార్ డమ్ తీసుకొచ్చింది.
ముఖ్యంగా నిఖిల్‌కు దేశవ్యాప్తంగా మంచి గుర్తింపు తీసుకొచ్చింది. దాంతో ఈ కుర్ర హీరోకి బాలీవుడ్ ఆఫర్లు కూడా వస్తున్నట్టు తెలుస్తోంది. ఈ క్రమంలో నిఖిల్ భారీగా రెమ్యూనరేషన్ పెంచేసినట్టు సమాచారం. ఇంతకు ముందు అందుకుంటున్న పారితోషికానికి డబుల్ డిమాండ్ చేస్తున్నాడట. ఇక కార్తికేయ2లో హీరోయిన్‌గా నటించిన క్యూట్ బ్యూటీ అనుపమా పరమేశ్వరన్ కూడా ఫుల్లుగా డిమాండ్ చేస్తోందట. అంతకు ముందు ఎన్ని సినిమాలు చేసినప్పటికీ.. కార్తికేయ 2నే అనుపమ కెరీర్ బెస్ట్ మూవీగా నిలిచిపోయింది. దాంతో అటు హిందీతో పాటు తెలుగులోను అమ్మడికి వరుస ఆఫర్లు వస్తున్నాయట. అందుకే తన క్రేజ్‌ను ఇప్పుడే క్యాష్ చేసుకోవాలని చూస్తోందట. ఇలా ఈ ఇద్దరు ఒకేసారి తమ పారితోషికాన్ని డబుల్ చేసి మేకర్స్‌కు షాక్ ఇస్తున్నట్టు టాక్. ప్రస్తుతం నిఖిల్, అనుపమా కలిసి 18 పేజెస్ అనే సినిమాలో నటిస్తున్నారు. ఈ సినిమా కూడా హిట్ అయితే వీళ్లకు మరింత డిమాండ్ పెరగనుందని చెప్పొచ్చు.
