Music director final for Prabhas' next movie?
Prabhas: ప్రభాస్ నుంచి వస్తున్న మోస్ట్ అవైటేడ్ మూవీ సలార్ డిసెంబర్ 22న రిలీజ్ కాబోతోంది. రీసెంట్‌గా సలార్ ట్రైలర్ రిలీజ్ చేయగా డిజిటల్ రికార్డులు అన్నీ బ్రేక్ అయ్యాయి. ఇక ఈ సినిమా తర్వాత నాగ్ అశ్విన్ ‘కల్కి’తో ఆడియెన్స్ ముందుకు రాబోతున్నాడు డార్లింగ్. ఆ తర్వాత మారుతి సినిమా రిలీజ్ కానుంది. ఈ సినిమాలన్నీ కంప్లీట్ అవగానే సందీప్ రెడ్డి వంగతో ‘స్పిరిట్’ను సెట్స్ పైకి తీసుకెళ్లనున్నాడు. వచ్చే ఏడాది సెప్టెంబర్‌లో స్పిరిట్ షూటింగ్ స్టార్ట్ కానుంది. ఇక ఈ సినిమా తర్వాత ప్యూర్ లవ్ స్టోరీ చేయబోతున్నాడు ప్రభాస్. ఈ మధ్య కాలంలో వచ్చిన లవ్ స్టోరీస్ సినిమాల్లో హను రాఘవపూడి తెరకెక్కించిన ‘సీతారామం’ ది బెస్ట్‌గా నిలిచింది. ఈ సినిమా తర్వాత మరో ప్రాజెక్ట్ అనౌన్స్ చేయలేదు హను రాఘవపూడి. ప్రస్తుతం ప్రభాస్‌తో కల్కి నిర్మిస్తున్న వైజయంతీ సంస్థ వారు.. హను రాఘవపూడి, ప్రభాస్ కాంబినేషన్లో భారీ ప్రాజెక్ట్ సెట్ చేసే పనిలో ఉన్నారు.
చదవండి: Nitin: ఆయన వల్లే నేను హీరోగా వున్నాను.. హీరో కామెంట్స్ వైరల్
టాలెంటెడ్ డైరెక్టర్ చెప్పిన కథకు ప్రభాస్ ఇంప్రెస్ అయినట్లు సమాచారం. ఈ సినిమా కథ ‘వరల్డ్ వార్ 2’ నేపథ్యంలో ఉంటుందని తెలుస్తోంది. ప్రస్తుతం దర్శకుడు పూర్తిస్థాయిలో స్క్రిప్ట్ సిద్ధం చేసే పనిలో ఉన్నాడు. మ్యూజిక్ డైరెక్టర్ విషయంలో కూడా ఒక నిర్ణయం తీసుకున్నట్లుగా తెలుస్తోంది. సీతారామం సినిమాకు అద్భుతమైన మ్యూజిక్ అందించిన విశాల్ చంద్రశేఖర్‌ను ఫైనల్ చేసే ఛాన్స్ ఉన్నట్లుగా సమాచారం. గతంలో ఈ ఇద్దరి కాంబినేషన్లో వచ్చిన సినిమాలు మ్యూజికల్ హిట్‌గా నిలిచాయి. అందుకే ఇప్పుడు.. ప్రభాస్ సినిమాకు కూడా అతన్నే ఫిక్స్ చేసే అవకాశం ఉన్నట్లుగా తెలుస్తోంది. ఒకవేళ ఈ కాంబినేషన్ సెట్ అయితే మాత్రం.. విశాల్ చంద్రశేఖర్‌కి బంపర్ ఆఫర్ అనే చెప్పాలి.
