అసలే ఆచార్య ఫ్లాప్‌తో నిరాశలో ఉన్నారు మెగా ఫ్యాన్స్‌. అలాంటి వారిపై పుండు మీద కారం చల్లినంత పని చేస్తున్నారు మెగాస్టార్. దాంతో అంతకంతకు మండిపోతున్నారు అభిమానులు. ఆర్ఆర్ఆర్ సినిమాలో రామ్ చరణ్‌ను చూసి మురిసిపోయిన మెగా ఫ్యాన్స్‌.. ఆ వెంటనే ఆచార్య చూసి డీలా పడిపోయారు. అప్పటి నుంచి మెగా హీరోల అప్ కమింగ్ సినిమాల కోసం ఈగర్‌గా వెయిట్ చేస్తున్నారు. ఈ క్రమంలో మెగాస్టార్ నటించిన ‘గాడ్ ఫాదర్’ అనే మూవీ రిలీజ్‌కు రెడీ అవుతోంది. మోహన్ రాజా దర్శకత్వంలో.. మళయాళ హిట్ మూవీ ‘లూసిఫర్’ రీమేక్‌గా తెరకెక్కిన ఈ సినిమా.. అక్టోబర్ 5న రిలీజ్ కానుంది. అయినా ఇప్పటి వరకు ఈ సినిమ పై పెద్దగా బజ్ లేదు. పైగా గాడ్ ఫాదర్ టీమ్ మెగా ఫ్యాన్స్‌కు మరింత మండిపోయేలా చేస్తోంది.
‘గాడ్ ఫాదర్’లో సల్మాన్ ఖాన్, చిరంజీవి స్టెప్పులేసిన ‘థార్ మార్’ సాంగ్ విషయంలో మెగా ఫ్యాన్స్‌కు కోపం కట్టలు తెంచుకుందనే చెప్పాలి. ముందుగా లిరికల్ సాంగ్ వస్తుందని ప్రోమో కూడా రిలీజ్ చేశారు. ప్రమోషన్స్ కూడా బాగానే చేశారు. కానీ లాస్ట్ మినిట్‌లో టెక్నికల్ ప్రాబ్లమ్స్ వల్ల లిరికల్ సాంగ్ త్వరలో వస్తుందని.. ఆడియో సాంగ్‌ను స్పాటిఫై యాప్‌లో విడుదల చేశారు. అది కూడా చెప్పిన టైమ్ కంటే లేట్‌గా విడుదల చేయడంతో మరింత ఫైర్ అవుతున్నారు. మెగా మాస్ స్టెప్పుల కోసం ఎంతో ఆశగా ఎదురుచూశామని.. కానీ ఇలా చేస్తారనుకోలేదని అంటున్నారు. అంతేకాదు ఇదేదో స్పాటిఫై యాప్‌ను ప్రమోట్ చేసే ప్లాన్‌లో భాగంగా ఉందని కామెంట్ చేస్తున్నారు. ఏదైనా ఉంటే ముందే పర్ఫెక్ట్ ప్లానింగ్ చేసుకోవాలంటున్నారు. ఇదిలా ఉంటే.. తమన్ తన పాటను తానే కాపీ కొట్టాడని ట్రోల్స్ చేస్తున్నారు నెటిజన్స్. ఈ పాట రవితేజ క్రాక్‌ చిత్రంలోని ‘డండనకర నకర.. నకర’ పాటలాగే ఉందని అంటున్నారు. అయితే తమన్ పై ఇలాంటి కామెంట్స్ రావడం కొత్తేం కాదు.. కానీ గాడ్ ఫాదర్ టీమ్ మాత్రం మెగా డిసప్పాయింట్ చేశారనే చెప్పాలి.
