Kiara Advani in Prashanth Neel NTR 31 movie
NTR 31: గ్లోబల్ స్టార్ ఎన్టీఆర్ ఇమేజ్ ఏ రేంజ్‌లో దూసుకెళ్తుందో చూస్తూనే ఉన్నాము. ప్రస్తుతం రెండు మూడు సినిమాలతో ఫుల్ బిజీగా ఉన్నారు. అంతే కాకుండా ఆర్ఆర్ఆర్ మూవీ తరువాత పాన్ ఇండియా రేంజ్ ఇమేజ్ తెచ్చుకున్నారు. దాంతో ఇప్పుడు వార్ 2 చిత్రంతో హిందీలో అరంగేట్రం చేస్తున్నారు. తొలిసారు హృతిక్ రోషన్‌తో స్క్రీన్ షేర్ చేసుకోబోతున్నారు. తాజాగా ఆయన సినిమాకు సంబంధించి ఓ వార్త చెక్కర్లు కొడుతుంది. బాలీవుడ్ హాట్ బ్యూటీ కియారా అద్వానీ ఎన్టీఆర్ సరసన నటిస్తున్నట్లు టాలీవుడ్ టాక్. ప్రస్తుతం ఇద్దరు తమ సినిమాల్లో బిజీగా ఉన్నారు. ఎన్టీఆర్ కొరటాల శివ దర్శకత్వంలో దేవర సినిమాలో చేస్తున్నారు. రెండు పార్టులుగా తెరకెక్కుతున్న ఈ సినిమాలో జాన్వీ కపూర్ హీరోయిన్‌గా నటిస్తుంది. ఈ సినిమా నుంచి ఫియర్ సాంగ్ విడుదల చేశారు. యూట్యూబ్‌లో ట్రెండింగ్‌లో ఉంటూ ఫ్యాన్స్‌ను ఊపేస్తుంది. ఈ చిత్రంలో బాలీవుడ్ స్టార్ సైఫ్ అలీఖాన్ ఈ సినిమాలో విలన్‌గా నటిస్తున్నారు. దీన్ని అక్టోబర్ 10న దసరా కానుకగా విడుదల చేయనున్నారు.
చదవండి:Actress Hema: సోషల్ మీడియాలో మరో వీడియో పెట్టిన నటి హేమ
ఎన్టీఆర్ దేవర సినిమా తరువాత ఆయన ఫ్యాన్స్ ఎంతగానో ఎదురు చూస్తున్న చిత్రం ఎన్టీఆర్31 మూవీ. ఎందుకంటే ప్రశాంత్ నీల్ దర్శకత్వం అనే ఒక విషయం ఎన్టీఆర్ ఫ్యాన్స్‌కు రెట్టింపు ఉత్సాహం ఇస్తుంది. ప్రశాంత్ నీల్ దర్శకత్వంలో వచ్చిన కేజీఎఫ్1, కేజీఎఫ్2 చిత్రాల తరువాత పాన్ ఇండియా స్టార్ ప్రభాస్‌తో సలార్ చిత్రం ఎంత విజయం సాధించిందో తెలిసిందే. బాక్స్ ఆఫీస్‌ను షేక్ చేసిన సలార్ పార్ట్ 1 కు సీక్వెల్‌గా సలార్ పార్ట్ 2 కోసం ఇండస్ట్రీ మొత్తం ఆత్రంగా ఎదురుచూస్తుంది. అలాంటి భారీ చిత్రాలకు దర్శకత్వం వహిస్తున్న ప్రశాంత్ నీల్ దర్శకత్వంలో ఎన్టీఆర్ చిత్రం ఎలా ఉండబోతుందో అని అభిమానుల్లో ఆసక్తి నెలకొంది. ఈ తరుణంలో ఆ సినిమాలో గేమ్ ఛేంజర్ హీరోయిన్ కియారా అద్వానీ నటిస్తుందని వార్తలు వినిపిస్తున్నాయి. త్వరలోనే అధికారికంగా ప్రకటించే అవకాశం కూడా ఉన్నట్లు తెలుస్తుంది. అయితే ఎన్టీఆర్ 31 సినిమాకు డ్రాగన్ అనే టైటిల్ పెట్టినట్లు కూడా వార్తలు వస్తున్నాయి.
చదవండి:Pushpa2: పుష్ప2 నుంచి సెకండ్ సింగిల్ అప్డేట్.. ఎప్పుడంటే?
