రిషబ్ శెట్టి హీరోగా, దర్శకత్వం వహించిన కాంతార భారీ విజయాన్ని అందుకుంది. ఈ సినిమా సక్సెస్ జోష్‌లో కాంతార2 ప్రకటించారు. అయితే ఈ సినిమా సీక్వెల్‌గా కాకుండా ప్రీక్వెల్‌గా రాబోతోంది. వీలైనంత త్వరగా కాంతార2(Kantara 2)ని ఆడియెన్స్ ముందుకు తీసుకొచ్చేందుకు రెడీ అవుతున్నారు మేకర్స్. ఇప్పటికే కాంతార2 కోసం పవర్ ఫుల్ స్క్రిప్ట్ రెడీ చేసే పనిలో ఉన్నారు. స్క్రిప్ట్ వర్క్‌తో పాటు కాస్ట్యూమ్, లోకేషన్ ఇతర ప్రీ ప్రొడక్షన్ పనులు కూడా వేగవంతంగా జరుగుతున్నాయి.
ఇది కూడా చూడండి:Katrina Kaif: భర్తకు అలాంటి సమస్య..ఇక విడాకులేనా!?
ఇప్పటికే కోస్టల్ కర్ణాటకలో కొన్ని లోకేషన్స్‌ను ఫైనల్ చేశారు. త్వరలోనే ఈ సినిమా సెట్స్ పైకి తీసుకెళ్లేందుకు రెడీ అవుతున్నారు. కాంతార సినిమాకు ప్రీక్వెల్ గా కాంతార 2(Kantara 2) రాబోతుంది. అంటే కాంతారలో చూపించిన కథకు ముందు జరిగిన కథను ఇందులో చూపించబోతున్నాడు రిషబ్ శెట్టి. ఈ క్రమంలో ప్రత్యేకంగా శిక్షణ తీసుకుంటున్నాడట రిషబ్ శెట్టి. కాంతార కోసం గుర్రపు స్వారీని నేర్చుకుంటున్నట్లుగా తెలుస్తోంది. గుర్రపుస్వారీతో పాటు కొన్ని ప్రాచీన యుద్ధ విద్యల్లో శిక్షణ పొందబోతున్నారని కన్నడ వర్గాలు చెబుతున్నాయి.
ఇది కూడా చూడండి: Chiranjeevi: క్రేజీ కాంబో.. 200 కోట్ల సెన్సేషనల్ డైరెక్టర్‌తో మెగాస్టార్!?
ఇక ఆగస్టు 27 నుంచి కాంతార ప్రీక్వెల్ షూటింగ్ ప్రారంభించబోతున్నట్టు సమాచారం. ఈ ప్రీక్వెల్‌ని చాలా గ్రాండ్‌గా, భారీ బడ్జెట్‌తో ప్లాన్ చేస్తున్నారు హోంబలే ఫిలింస్ వారు. హీరోగా, దర్శకుడిగా రిషబ్ వంద కోట్ల వరకు పారితోషికం అందుకుంటున్నాడని సమాచారం. వచ్చే ఏడాదిలో కాంతార 2(Kantara 2) ఆడియెన్స్‌కు ముందుకి రాబోతోంది. మరి కాంతార2 ఇంకెన్ని వండర్స్ క్రియేట్ చేస్తుందో చూడాలి.
