Kalyan Ram Devil movie release date fixed
డైనోసర్‌ సలార్‌కు ఎదురెళ్లడం కష్టమే. అందుకే.. సలార్ వచ్చిన వారానికి రావడానికి థియేటర్లోకి రావడానికి ఫిక్స్ అయ్యాడు నందమూరి కళ్యాణ్ రామ్(Kalyan Ram). ‘బింబిసార’తో బ్లాక్ బస్టర్ అందుకున్న నందమూరి కళ్యాణ్ రామ్.. ఆ తర్వాత చేసిన అమిగోస్ అనే సినిమాలో ట్రిపుల్ రోల్ చేశాడు. కానీ ఈ సినిమా ఫ్లాప్ అయింది. దీంతో అప్ కమింగ్ ఫిల్మ్ ‘డెవిల్’ పై భారీ ఆశలు పెట్టుకున్నాడు. కళ్యాణ్ రామ్ హీరోగా అభిషేక్ నామా స్వీయ దర్శకత్వంలో తెరకెక్కిన ‘డెవిల్’ సినిమాలో సంయుక్త మీనన్‌ హీరోయిన్‌గా నటించింది. హర్షవర్ధన్ రామేశ్వర్ మ్యూజిక్ అందిస్తున్నాడు. అయితే.. ఈ సినిమాను మొద‌ట నవంబరు 24న విడుదల చేయ‌నున్న‌ట్లు ప్రకటించారు. కానీ పోస్ట్ ప్రొడక్షన్ పనులు పూర్తికాకపోవడంతో పోస్ట్‌పోన్ చేశారు.
అయితే డెవిల్(Devil) రావడానికి సరైన డేట్ దొరకడం లేదు. పోనీ సంక్రాంతికి వద్దామంటే చాలా సినిమాలు రిలీజ్‌కు రెడీ అవుతున్నాయి. అందుకే.. సలార్ రిలీజ్ అయిన వారం రోజులు తర్వాత డెవిల్ రిలీజ్‌కు ప్లాన్ చేస్తున్నారు. తాజాగా డెవిల్ రిలీజ్ డేట్‌ను లాక్ చేశారు మేకర్స్. డిసెంబర్ 29న డెవిల్ రిలీజ్(release date) చేస్తున్నట్టుగా కొత్త పోస్టర్‌తో అనౌన్స్ చేశారు. ఇందులో కళ్యాణ్ రామ్ డిఫరెంట్ లుక్‌లో కనిపిస్తున్నాడు. ఇక రిలీజ్ డేట్ లాక్ చేశారు కాబట్టి.. ప్రమోషన్స్ స్టార్ట్ చేసేందుకు రెడీ అవుతున్నారు మేకర్స్. ఇప్పటికే రెండు సాంగ్స్, టీజర్ రిలీజ్ చేయగా సాలిడ్ రెస్పాన్స్ వచ్చింది. పీరియాడికల్ బ్యాక్ డ్రాప్‌లో తెరకెక్కిన ఈ సినిమా ఖచ్చితంగా హిట్ అవుతుందనే నమ్మకంతో ఉన్నాడు కళ్యాణ్ రామ్. కానీ ఈ సినిమాను దర్శకుడు నవీన్ మేడారం తెరకెక్కించగా.. లాస్ట్‌లో నిర్మాత అభిషేక్ నామా క్రెడిట్ తీసుకున్నాడు. మరి డెవిల్ ఎలా ఉంటుందో చూడాలి.
ఇది కూడా చూడండి: Hi Nanna: హాయ్ నాన్న కలెక్షన్స్ పై వర్షం దెబ్బ!
