'Kannappa' teaser release date fixed!
Kannappa: ఈసారి కొడితే పాన్ ఇండియా బాక్సాఫీస్ షేక్ అవాలని చూస్తున్నాడు మంచు విష్ణు. అందుకే.. తన డ్రీమ్ ప్రాజెక్ట్ కన్నప్పను ఎంతో ప్రతిష్టాత్మకంగా రూపొందిస్తున్నాడు. ముఖేష్ కుమార్ సింగ్ దర్శకత్వంలో భారీ బడ్జెట్‌తో ఈ సినిమాను నిర్మిస్తున్నారు. ఈ సినిమాలో పాన్ ఇండియా స్టార్ ప్రభాస్‌తో పాటు మోహన్ బాబు, అక్షయ్ కుమార్, మోహన్ లాల్, శివరాజ్ కుమార్, కాజల్ అగర్వాల్ లాంటి స్టార్స్ నటిస్తున్నారు. అందుకే.. ఈ సినిమా నుంచి వచ్చిన ప్రతీ అప్డేట్ సోషల్ మీడియాను షేక్ చేస్తోంది. ఆ మధ్య జస్ట్ ప్రభాస్ కన్నప్ప షూటింగ్‌లో జాయిన్ అయ్యాడని మంచు విష్ణు వేసిన ట్వీట్ నేషనల్ వైడ్‌గా ట్రెండ్ అయింది. కన్నప్ప పై భారీ హైప్ వచ్చింది. సినిమా పై ఒక్కసారిగా అంచనాలు పెరిగాయి. కన్నప్ప కోసం ప్రభాస్ ఎలాంటి రెమ్యునరేషన్ ఛార్జ్ చేయడం లేదు. కాకపోతే చాలా తక్కువ రోజులు డేట్స్ ఇచ్చాడు.
చదవండి:OG భారీ ఓటిటి డీల్.. అన్ని కోట్లా?
కానీ ప్రభాస్‌ది చాలా పవర్ ఫుల్ రోల్ అని తెలుస్తోంది. తాజాగా ఈ చిత్రానికి సంబందించిన టీజర్ అప్టేట్ ఇచ్చాడు మంచు విష్ణు. జూన్ 14 కన్నప్ప టీజర్ ను విడుదల చేయనున్నట్లు ప్రకటించారు. ఒక సరికొత్త పోస్టర్‌తో టీజర్ అనౌన్స్మెంట్ ఇచ్చారు. దీంతో.. ట్రెండింగ్‌లోకి వచ్చేసింది కన్నప్ప. ఇక ఈ టీజర్‌లో జస్ట్ ప్రభాస్‌కు సంబంధించిన ఒక్క షాట్ పడితే చాలు.. పాన్ ఇండియా లెవల్లో సోషల్ మీడియా షేక్ అయిపోతుంది. ఇప్పటికే ప్రభాస్ పోర్షన్ షూటింగ్ కంప్లీట్ చేశారు కాబట్టి.. ప్రభాస్ పాత్రని టీజర్‌లో రివీల్ చేస్తారా? అనేది ఆసక్తికరంగా మారింది. మరి మంచు విష్ణు ఎలా ప్లాన్ చేస్తున్నాడో చూడాలి.
చదవండి:Kalki: ‘కల్కి’ అడ్వాన్స్ బుకింగ్స్ షురూ.. ఒక్క రోజులోనే కొత్త రికార్డు!
