Daring step of Manchu Vishnu.. Sai to compete with Allu Arjun?
Manchu Vishnu: మంచు విష్ణు ఎంతో ప్రతిష్టాత్మకంగా తెరకెక్కిస్తున్న సినిమా ‘కన్నప్ప’. ఈ సినిమాను తనే భారీ బడ్జెట్‌తో నిర్మిస్తున్నాడు. బిగ్గెస్ట్ పాన్ ఇండియా మూవీగా తెరకెక్కుతున్న ఈ సినిమాలో ప్రభాస్, అక్షయ్ కుమార్, మోహన్ లాల్, శివ రాజ్ కుమార్ వంటి పాన్ ఇండియా స్టార్స్ నటిస్తున్నారు. మహాభారతం సీరియల్‌కు దర్శకత్వం వహించిన ముఖేష్ కుమార్ సింగ్ దర్శకత్వం వహిస్తున్నాడు. ఇప్పటికే ఈ సినిమా న్యూజిలాండ్‌లో మేజర్ పార్ట్ షూటింగ్ పూర్తి చేసుకుంది. రీసెంట్‌గానే ఈ సినిమా టీజర్ రిలీజ్ చేయగా మంచి రెస్పాన్స్ వచ్చింది. 17 మిలియన్స్‌కి పైగా వ్యూస్‌ రాబట్టి యూట్యూబ్‌లో దూసుకుపోతోంది. అయితే.. ఈ సినిమా రిలీజ్ ఎప్పుడు? అనే విషయంలో మాత్రం క్లారిటీ లేదు. ఇండస్ట్రీ వర్గాల ప్రకారం.. మంచు విష్ణు డిసెంబరులో రిలీజ్ చేసే ఆలోచనలో ఉన్నట్లుగా తెలుస్తుంది.
చదవండి:Prabhas: ‘ప్రభాస్-పవన్’ ఫ్యాన్స్‌కు బ్యాడ్ న్యూస్?
కానీ ఇప్పటికే డిసెంబర్‌లో స్లాట్స్ అన్ని ఫుల్ అయ్యాయి. పుష్ప2 డిసెంబర్ 6న రాబోతోంది. క్రిస్మస్ కానుకగా రాబిన్ హుడ్, తండేల్ లాంటి సినిమాలు రాబోతున్నాయి. మరి కన్నప్ప డిసెంబర్‌లో రిలీజ్ సాధ్యమేనా? అంటే, ఖచ్చితంగా చెప్పలేం. ఎలాగూ.. క్రిస్మస్ వరకు పుష్పరాజ్‌కి బాక్సాఫీస్‌ను రాసిస్తారు కాబట్టి.. వస్తే క్రిస్మస్‌కే కన్నప్ప రావాల్సి ఉంటుంది. కానీ లేటెస్టుగా వినబడుతున్న బజ్ ప్రకారం.. ‘పుష్ప’కు పోటీగా కన్నప్ప వచ్చే ఛాన్స్ ఉందట. అదే జరిగితే.. మంచు విష్ణుది డేరింగ్ డెసిషన్ అనే చెప్పాలి. అయితే ఈ చిత్రం వీఎఫెక్స్ వర్క్ పూర్తయితేనే.. డిసెంబర్‌లో రిలీజ్ అయ్యే అవకాశం ఉంటుంది. లేకపోతే వచ్చే ఏడాదిలోనే అని అంటున్నారు. మరి మంచు విష్ణు ఏం చేస్తాడో చూడాలి.
చదవండి:Pushpa 2: రష్మికను ఇబ్బంది పెడుతున్న ‘పుష్ప2’?
