Bad news for 'Prabhas-Pawan' fans?
Prabhas: పాన్ ఇండియా స్టార్ ప్రభాస్ సినిమా రిలీజ్ అవుతుందంటే.. కొత్త రికార్డులు క్రియేట్ అవుతునే ఉంటాయి. బడ్జెట్, బిజినెస్, ఓటిటి, ఓపెనింగ్, అడ్వాన్స్ బుకింగ్స్.. ఇలా సరికొత్త రికార్డులు సెట్ చేయడం ప్రభాస్‌కు మాత్రమే సాధ్యం. ప్రస్తుతం రిలీజ్‌కు రెడీ అవుతున్న కల్కి రిలీజ్‌కు ముందే సరికొత్త రికార్డులు సృష్టిస్తోంది. జూన్ 27న కల్కి థియేటర్లోకి రాబోతోంది. ప్రమోషన్స్ సరిగా చేయట్లేదని ఫ్యాన్స్ డిసప్పాయింట్ అవుతున్నప్పటకీ.. సినిమా పై హైప్ మాత్రం గట్టిగా ఉంది. దీంతో.. తాజాగా ‘కల్కి’ సరికొత్త రికార్డ్ సెట్ చేసింది. సినిమా రిలీజ్‌కు 20 రోజుల ముందే నార్త్ అమెరికాలో కల్కి అడ్వాన్స్ బుకింగ్స్ స్టార్ట్ అయ్యాయి. ఇప్పటికే అక్కడ అత్యంత వేగంగా మిలియన్ డాలర్ల మార్క్ అందుకున్న సినిమాగా కల్కి నిలిచింది. ఇక ఇప్పుడు అత్యంత వేగంగా 2 మిలియన్ డాలర్ల మార్క్ అందుకొని మరో రికార్డ్ క్రియేట్ చేసింది. ఇదిలా ఉంటే.. ఇప్పటి వరకు రిలీజ్ అయిన కల్కి టీజర్, ట్రైలర్ సినిమా మీద అంచనాలను పెంచేశాయి.
చదవండి:Alka Yagnik: అరుదైన సమస్యతో వినికిడి కోల్పోయిన స్టార్ సింగర్
ఇక ప్రీ రిలీజ్ ఈవెంట్‌తో హైప్‌ని నెక్స్ట్ లెవల్‌కి తీసుకెళ్లడానికి రెడీ అవుతున్నారు మేకర్స్. అందుకోసం.. ఏపి రాజధాని అమరావతిలో కల్కి ప్రీ రిలీజ్ ఈవెంట్ ప్లాన్ చేస్తున్నారని వార్తుల వస్తున్నాయి. జూన్ 23న ఈ ఈవెంట్ ఉండే ఛాన్స్ ఉందని.. ఈ ఈవెంట్‌కి ఏపీ సీఎం చంద్రబాబుతో పాటు డిప్యూటీ సీఎం పవన్ కళ్యాణ్ కూడా హాజరవుతారని ప్రచారం జరిగుతోంది. దీంతో.. పవన్, ప్రభాస్ ఒకే స్టేజి మీద కనిపిస్తే మామూలుగా ఉండదని అన్నారు. అయితే ఇప్పుడు ఈ స్టార్ హీరోల ఫ్యాన్స్‌కి ఇది బ్యాడ్ న్యూస్ అనే చెప్పాలి. అమరావతిలో కల్కి ఈవెంట్ చేయడం లేదని తెలుస్తోంది. ఈ ఈవెంట్‌ను హైదరాబాద్ లోనే ప్లాన్ చేస్తున్నారట. వర్షాల కారణంగా అమరావతిలో ఈవెంట్ క్యాన్సిల్ అయినట్టుగా చెబుతున్నారు. అయితే.. ఇక్కడికి కూడా పవన్‌ను గెస్ట్‌గా ఆహ్వానించే ఛాన్స్ ఉందని టాక్. మరి కల్కి ఈవెంట్ ఎక్కడ జరుగుతుందో చూడాలి.
చదవండి:Pushpa 2: రష్మికను ఇబ్బంది పెడుతున్న ‘పుష్ప2’?
