Bharateeyudu 2 Pre Release Event : కమలహాసన్‌ నటించిన భారతీయుడు 2 సినిమా ప్రపంచ వ్యాప్తంగా జులై 12న ప్రేక్షకుల ముందుకు రాబోతోంది. ఈ సందర్భంగా హైదరాబాద్‌లో ప్రీరిలీజ్‌ ఈవెంట్‌ (Pre Release Event) జరిగింది. ఈ కార్యక్రమంలో కమలహాసన్‌(Kamal Haasan) మాట్లాడారు. టాలీవుడ్‌పై ఆసక్తికరమైన కామెంట్లు చేశారు. తెలుగు సినీ రంగం వల్లే తాను ఇంత పెద్ద స్టార్‌ని అయ్యానని గుర్తు చేసుకున్నారు. టాలీవుడ్‌ తనను స్టార్‌ని చేసిందని అన్నారు.
చదవండి : బంగారు గనిలో భారీ ప్రమాదం.. 11 మంది మృతి
సాగర సంగమం, మరో చరిత్ర, స్వాతి ముత్యం లాంటి సినిమాలతో ఇక్కడే తనకు విజయాలు దక్కాయని కమలహాసన్‌ అన్నారు. 1996లో తాను నటించిన భారతీయుడు సినిమా విడుదలైందని చెప్పారు. అప్పుడు ఇంత ఖరీదైన సినిమా అంతటి వసూళ్లను సాధించగలదా? అని చాలా మంది అనుమానించారని అన్నారు. కానీ సినిమా విడుదలైన తర్వాత భారీ విజయాన్ని సాధించిన విషయాన్ని గుర్తు చేశారు. ఊహించని రీతిలో ఆ సినిమాకి రెస్పాన్స్‌ వచ్చిందని అన్నారు. అలాగే ఇప్పుడు భారతీయుడు 2 సినిమా కూడా అంటూ చెప్పుకొచ్చారు.
చదవండి : రష్యా పర్యటనకు మోదీ
భారతీయుడు 2(Bharateeyudu 2) సినిమా ఈ జనరేషన్‌కి సరిపోయే కథ అని కమలహాసన్‌(Kamal Haasan) అన్నారు. దీన్ని అంతా ఆదరించి హిట్‌ చెయ్యండి అంటూ చెప్పుకొచ్చారు. రాబోయే రోజుల్లో భారతీయుడు 3 కూడా వస్తుందన్నారు. వీలైనంత త్వరలోనే ఆ సినిమానీ తీసుకొస్తామంటూ వెల్లడించారు. ఈ భారతీయుడు 2 సినిమాకి శంకర్‌ దర్శకత్వం వహించారు. కాజల్‌ అగర్వాల్‌, రకుల్‌ ప్రీత్‌ సింగ్‌, బ్రహ్మానందంలాంటి వారు ప్రముఖ పాత్రల్లో నటించారు. హీరో సిద్ధార్థ్‌ కూడా ఈ చిత్రంలో ఓ పాత్రలో కనిపించనున్నారు. ఈ విషయమై సిద్ధార్థ్‌ సైతం మాట్లాడారు.కమల్‌ సర్‌తో కలిసి నటించాలని తనకు ఎప్పటి నుంచో కోరిక ఉండేదన్నారు. ఇప్పుడు శంకర్‌ సర్‌ వల్ల ఆ కల నిజమైందన్నారు.
