Jawaan Movie Day 1 Worldwide Collections
ప్రముఖ బాలీవుడ్ నటుడు షారుఖ్ ఖాన్(shah rukh khan) యాక్ట్ చేసిన జవాన్ మూవీ నిన్న థియేటర్లలో రిలీజ్ కాగా..బాక్సాఫీస్ వద్ద కలెక్షన్ల సునామీ సృష్టిస్తోంది. దేశంలో మూడు బాషల్లో కలిపి 75 కోట్ల రూపాయలు వసులు చేసినట్లు నివేదికలు చెబుతున్నాయి. వీటిలో హిందీలో 65 కోట్లు, తమిళంలో 5 కోట్లు, తెలుగులో 5 కోట్ల కలెక్షన్లు వచ్చినట్లు ట్రేడ్ పండితులు పేర్కొన్నారు. దీంతో షారుఖ్ ఖాన్ నటించిన చిత్రం ఇప్పుడు బాలీవుడ్‌లో ఆల్ టైమ్ బిగ్గెస్ట్ ఓపెనర్ గా నిలిచింది. మరోవైపు ప్రపంచవ్యాప్తంగా ఈ మూవీ 152 కోట్లకుపైగా వసూళ్లు సాధించిందని సినీ వర్గాలు చెబుతున్నాయి. మొదటి రోజే కలెక్షన్లు ఇలా ఉంటే మరికొన్ని రోజుల్లోనే ఈ మూవీ వెయ్యి కోట్ల రికార్డులో ఈజీగా చేరుతుందని సినీ ప్రముఖులు అంటున్నారు.
జవాన్ మూవీ ఇప్పటికే అడ్వాన్స్ బుకింగ్‌లలో కూడా రికార్డులను బద్దలు కొట్టింది. మొదటిరోజు దేశవ్యాప్తంగా 5,57,000 టిక్కెట్లను విక్రయించడం ద్వారా పఠాన్‌ మూవీ రికార్డును అధిగమించింది. అంతేకాదు 5000 కంటే ఎక్కువ స్క్రీన్‌లలో ఈ చిత్రం విడుదలైంది. హిందీ చిత్రాలలో ఇది ఆల్ టైమ్ రికార్డును నెలకొల్పుతుంది. ఈ చిత్రానికి రూ.300 కోట్ల బడ్జెట్‌ అయినట్లు తెలుస్తోంది. అట్లీ(atlee) దర్శకత్వం వహించిన ఈ చిత్రంలో నయనతార, విజయ్ సేతుపతితో పాటు దీపికా పదుకొనే, సునీల్ గ్రోవర్ సహా పలువురు నటీటులు యాక్ట్ చేశారు. అట్లీ ఈ చిత్రంతో హిందీలో దర్శకుడిగా ఎంట్రీ ఇచ్చారు. గౌరీ ఖాన్ ఈ చిత్రాన్ని నిర్మించారు.
ఇది కూడా చూడండి: Raai Laxmi: బ్లాక్ కలర్ బికినీలో సెగలు పుట్టిస్తున్న రాయ్ లక్ష్మీ..!
