Jai Hanuman: తేజా సజ్జా హీరోగా ప్రశాంత్ వర్మ దర్శకత్వంలో రూపొందిన హనుమాన్ సినిమా.. టాలీవుడ్ ఆల్ టైం సంక్రాంతి హిట్‌గా నిలిచింది. బాక్సాఫీస్ దగ్గర 300 కోట్లకు పైగా కలెక్షన్స్ కొల్లగొట్టిన హనుమాన్.. 150 సెంటర్స్‌లో 50 రోజులు పూర్తి చేసుకొని సెన్సేషన్ క్రియేట్ చేసింది. దీంతో ఈ సక్సెస్‌ను గ్రాండ్‌గా సెలబ్రేట్ చేసుకుంది చిత్ర యూనిట్. ఈ నేపథ్యంలో జై హనుమాన్ అప్డేట్ ఇచ్చాడు ప్రశాంత్ వర్మ. హనుమాన్ సినిమా క్లైమాక్స్‌లో సీక్వెల్‌గా జై హనుమాన్ అనౌన్స్ చేసి.. మంచి హైప్ క్రియేట్ చేసిన సంగతి తెలిసిందే.
ఇది కూడా చూడండి: Director krish: హైకోర్టును ఆశ్రయించిన డైరెక్టర్ క్రిష్‌.. పిటిషన్ దాఖలు
ఇదే జోష్‌లో సీక్వెల్ వర్క్ స్టార్ట్ చేశాడు ప్రశాంత్. ఇప్పటికే ప్రీ ప్రొడక్షన్ వర్క్ స్టార్ట్ చేశాడు. లేటెస్ట్‌గా 50 రోజుల వేదిక మీద జై హనుమాన్ పై అంచనాలు పెంచేశాడు ప్రశాంత్ వర్మ. అల్రేడీ జై హనుమాన్ వర్క్ స్టార్ట్ అయింది.. త్వరలోనే ఫస్ట్ లుక్ పోస్టర్ రిలీజ్ చేయబోతున్నాం.. మీకు ఎలాగైతే హనుమాన్ క్లైమాక్స్‌లో 5 నిమిషాలు విపరీతంగ నచ్చిందో.. అది టోటల్‌ రెండున్నర గంటలు ఉండబోతోంది.. ఖచ్చితంగా ఈ సినిమాను తెలుగు వారు గర్వించేలా తెరకెక్కిస్తానని చెప్పుకొచ్చాడు.
ఇది కూడా చూడండి: Mamita Baiju: అసలు ఆ హీరోయిన్‌ను కొట్టాడా? లేదా?
హనుమాన్‌గా ఎవరు కనిపిస్తారనే విషయంలో మాత్రం క్లారిటీ ఇవ్వలేదు. హనుమంతుడే హీరో అని సమాధానం చెప్పాడు. అయితే.. హనుమాన్‌గా రానా లేదా మెగాస్టార్ చిరంజీవి కనిపించే ఛాన్స్ ఉంది. త్వరలోనే ఇలాంటి విషయాల్లో క్లారిటీ రానుంది. మరి జై హనుమాన్ ఎలా ఉంటుంది? అనేది తెలియాలంటే ఇంకొన్ని రోజులు వెయిట్ చేయాల్సిందే.
