It's official.. Dhanush as 'Ilayaraaja'!
Ilayaraaja: కోలీవుడ్ టాలెంటెడ్ హీరో ధనుష్ గురించి ప్రత్యేకంగా చెప్పాల్సిన అవసరం లేదు. వరుస సినిమాలు పాన్ ఇండియా లెవల్లో దూసుకుపోతున్నాడు ధనుష్. లేటెస్ట్‌గా ధనుష్ లైనప్‌లో ఓ క్రేజీ బయోపిక్ వచ్చి చేరింది. ప్రముఖ సంగీత దర్శకుడు ఇళయరాజా బయోపిక్ రాబోతున్న‌ట్లు గ‌త కొన్ని రోజులుగా వార్తలు వస్తునే ఉన్నాయి. తాజాగా ఈ ప్రాజెక్ట్‌కు సంబంధించి అధికారిక ప్ర‌క‌ట‌న వచ్చేసింది. ఇళయరాజా జీవితచరిత్ర ఆధారంగా వ‌స్తున్న ఈ చిత్రంలో ధనుష్ హీరోగా నటించనున్నారు. ఈ సినిమాకు అరుణ్ మాథేశ్వరన్ ద‌ర్శ‌క‌త్వం వ‌హించ‌బోతున్నాడు. రీసెంట్‌గా ధనుష్, అరుణ్ కాంబినేషన్లో కెప్టెన్ మిల్లర్ సినిమా వచ్చింది. కోలీవుడ్‌లో ఈ సినిమా ఓ మోస్తారు విజయాన్ని అందుకుంది.
చదవండి:Ram Charan: రామ్ చరణ్ ‘గేమ్ చేంజర్‌’కు వంద కోట్ల డీల్?
కానీ తెలుగులో మాత్రం అలరించలేకపోయింది. అయినా కూడా మరోసారి ఈ క్రేజీ కాంబినేషన్‌ను రిపీట్ చేస్తూ.. ఇళయారాజా బయోపిక్ చేస్తున్నారు. చెన్నైలో ఇళయరాజా, కమల్ హాసన్ సహా ధనుష్ తదితరుల సమక్షంలో ఈ సినిమా అనౌన్స్ చేశారు. ఇళయరాజా టైటిల్‌తో రానున్న ఈ సినిమాకు ది కింగ్ ఆఫ్ మ్యూజిక్ అనే ట్యాగ్ లైన్ ఇచ్చారు. ఈ సినిమా షూటింగ్ త్వరలోనే మొదలుపెట్టి.. 2025లో థియేటర్లలో విడుదల చేయడానికి సన్నాహాలు చేస్తున్నారు. ఈ సంద‌ర్భంగా ఇళయరాజా మోష‌న్ పోస్ట‌ర్‌ను రిలీజ్ చేశారు. ఈ పోస్ట‌ర్‌లో సంగీత దర్శకుడు అవుదామ‌ని మ‌ద్రాస్ న‌గరంకు వచ్చిన ఇళయరాజా పాత్ర‌ను చూడ‌వ‌చ్చు. మరి ఈ బయోపిక్ ఎలా ఉంటుందో చూడాలి.
చదవండి:Rashmika: శ్రీవల్లి లీక్డ్ లుక్ వైరల్.. జేజెమ్మలా ఉంది!
