If the content is new Nandamuri Kalyan Ram will Connect immediately. కంటెంట్ కొత్తగా ఉంటే చాలు.. వెంటనే కనెక్ట్ అయిపోతాడు నందమూరి కళ్యాణ్ రామ్. కెరీర్ స్టార్టింగ్ నుంచి విభిన్న సినిమాలే చేస్తూ వచ్చాడు. అలాగే చాలామంది టాలెంటెడ్ డైరెక్టర్స్‌ని ఇండస్డ్రీకి పరిచయం చేశాడు. ఇప్పుడు రాజేంద్ర రెడ్డి అనే డైరెక్టర్‌ను ఇంట్రడ్యూస్ చేస్తున్నాడు. బింబిసార తర్వాత కళ్యాణ్ రామ్ పై అంచనాలు పెరిగిపోయాయి. దాన్ని అందుకోవాలంటే మరో సాలిడ్ కంటెంట్‌తో రావాల్సిందే. అందుకే డాపుల్ గ్యాంగర్ అనే కొత్త కాన్సెప్ట్‌తో రాబోతున్నాడు. మైత్రీ మూవీ మేకర్స్ నిర్మించిన అమిగోస్.. ఇంకొన్ని గంటల్లో ఆడియెన్స్ ముందుకు రాబోతోంది. ప్రీ రిలీజ్ ఈవెంట్‌కు యంగ్ టైగర్ ఎన్టీఆర్ రావడంతో.. ఒక్కసారిగా అమిగోస్ పై భారీ హైప్ వచ్చింది. కళ్యాణ్ రామ్ కూడా పీక్స్‌లో పబ్లిసిటీ చేస్తున్నాడు. ఈ సందర్భంగా పలు ఇంట్రెస్టింగ్ విషయాలను పంచుకుంటున్నాడు. అమిగోస్ సినిమా కళ్యాణ్ రామ్ వన్ మ్యాన్ షోగా తెరకెక్కినట్టు చెప్పుకొచ్చారు. ఈ సినిమాలో కళ్యాణ్ రామ్ ట్రిపుల్ రోల్ చేస్తున్నాడు. కాబట్టి సినిమా మొత్తంలో కళ్యాణ్ రామ్ పోషించిన మూడు పాత్రలే కనిపించనున్నాయి. క‌థ మొత్తం ఈ మూడు పాత్ర‌ల చుట్టే తిరుగుతుంద‌ని.. స్క్రీన్ మొత్తం త‌నే క‌నిపించ‌డం కొత్త అనుభ‌వ‌మ‌ని కళ్యాణ్ రామ్ తెలిపాడు. సినిమా నిడివి 2 గంట‌ల 19 నిమిషాలు ఉంటే.. జస్ట్ రెండు నిమిషాలు మిన‌హాయిస్తే.. ప్ర‌తి ఫ్రేమ్‌లో తాను ఉంటాన‌ని చెప్పాడు కళ్యాణ్ రామ్. అలాగే ఈ సినిమాలో విలన్ లేడని.. హీరోనే విలన్గా క‌నిపిస్తాడని చెప్పుకొచ్చాడు. మరి హీరోగా, విలన్గా కళ్యాణ్ రామ్ ఎలా మెప్పిస్తాడో చూడాలి.
