టాలీవుడ్ హీరో మంచు మనోజ్(Manchu Manoj) సోషల్ మీడియాలో పోస్ట్ చేసిన వీడియో పై క్లారీటీ వచ్చేసినట్లుంది. తాజాగా అతని సోదరుడు మంచు విఘ్ణ ఇది బిగినింగ్ మాత్రమే అని ఓ వీడియోను ఇన్‌స్టాలో షేర్ చేశారు. ఇండియాస్ బిగ్గెస్ట్ రియాలిటీ షో హౌస్ ఆఫ్ మంచు (show House of Manchu)పేరుతో అతి త్వరలో ప్రసారమయ్యే రియాలిటీ షో అని వీడియోలో ప్రకటించారు. దీంతో ఇదో పబ్లిసిటీ స్టంట్ (publicity stunt)అని తెలిసిపోయింది. దీంతో నెటిజన్లు షాక్ అవుతున్నారు.మంచు మోహన్ బాబు (Mohan Babu) ఫ్యామిలీ ఈ మధ్య తరచూ వార్తల్లో నిలుస్తోంది. ఆయన రెండో కుమారుడు మనోజ్ (Manchu Manoj) ఇటీవలే భూమా మౌనికా రెడ్డిని (Bhuma Mounika Reddy) వివాహం చేసుకున్న విషయం తెలిసిందే. అయితే, ఇది జరిగి నెల రోజులైనా గడవక ముందే అన్నదమ్ములు మంచు విష్ణు (Manchu Vishnu), మనోజ్ మధ్య గొడవలు రచ్చకెక్కాయి. నిజానికి వీళ్లిద్దరి మధ్య చాలా రోజులుగా గొడవలు నడుస్తున్నాయని తెలుస్తుండగా..
చదవండి : రాజాసింగ్ శోభాయాత్రలో గాడ్సే ఫోటో వీడియో వైరల్
తాజా ఇష్యూతో అది బట్టబయలైంది. తమ దగ్గర గతంలో పనిచేసిన సారథి అనే వ్యక్తిపై మంచు విష్ణు (Manchu Vishnu) దాడి చేస్తున్న వీడియోను మనోజ్ సోషల్ మీడియాలో పోస్ట్ చేయడం వివాదాస్పదమైంది. తండ్రి మోహన్ బాబు( Mohan Babu)కలగజేసుకుని తాత్కాలికంగా గొడవను ఆపినా.. సమస్య పరిష్కారం కాలేదని తెలుస్తోంది. ఈ నేపథ్యంలోనే తాజాగా మంచు మనోజ్ ఆ గొడవపై స్పందించాడు. మంచు విష్ణుతో గొడవ గురించి స్పందించిన మనోజ్.. తన అన్నతో వివాదం గురించి మీడియానే అడగండి అంటూ ఇంట్రెస్టింగ్ కామెంట్స్ చేశాడు. అసలు ఈ విషయం తనను అడగవద్దని.. తాను కొత్త జీవితం ప్రారంభిస్తున్నానని తెలిపారు. అయితే దీనికంటే ముందు మనోజ్ ట్విట్టర్‌లో చేసిన పోస్ట్ నెటిజన్ల దృష్షిని ఆకర్షించింది. నెగెటివిటీ (Negativity) అనేది క్రియేటివిటీకి శత్రువని ట్వీట్ చేసిన మనోజ్.. ‘తప్పులను చూస్తూ కామ్‌గా ఉండిపోవడం కన్నా పోరాడుతూ చనిపోవడమే మేలు’ అని మరొక నోట్ పోస్ట్ చేసిన విషయం తెలిసిందే. అయితే ఇవన్నీ మంచు విష్ణును(Manchu Vishnu) ఉద్దేశించి చేసినవే అని నెటిజన్లు అభిప్రాయపడుతున్నారు.
చదవండి : రేపు సంగారెడ్డిలో పర్యటించనున్న జేపీ నడ్డా..
