హ‌రిహ‌ర‌వీర‌మ‌ల్లు(Harihara veeramallu) షూటింగ్ మొద‌లై రెండున్న‌రేళ్లు దాటిపోయింది. ఇప్ప‌టికీ ఈ సినిమా షూటింగ్ కంప్లీట్ అవడం లేదు. అసలు ఈ సినిమా లైన్లో ఉందా.. లేదా అనే అనుమానాలు కూడా వ్యక్తమవుతున్నాయి. ఎందుకంటే.. లేట్‌గా మొదలైన వినోదయ సీతమ్ రీమేక్ ‘బ్రో’ మూవీ(BRO Movie) జులై 28న రిలీజ్ చేయబోతున్నారు. ఇక హరి శంకర్ ‘ఉస్తాద్ భగత్ సింగ్’, సుజీత్ ‘ఓజి’ (OG)జెట్ స్పీడ్‌లో దూసుకుపోతున్నాయి. కానీ హ‌రిహ‌ర‌వీర‌మ‌ల్లు షూటింగ్ అప్డేట్ మాత్రం రావడం లేదు. ఎప్పటికప్పుడు ఈ సినిమాను వాయిదా వేస్తునే ఉన్నారు. అసలు ఈ సినిమానే ఎందుకు లేట్ అవుతుందనేది అర్థం కాకుండా పోతోంది.
చదవండి: Hatya Trailer: విజయ్ ఆంటోని ‘హత్య’ ట్రైలర్ రిలీజ్
అసలు పవన్(Pawan Kalyan) ఈ సినిమాను ఎందుకు పట్టించుకోవడం లేదనేది.. ఎప్పటికీ హాట్ టాపికే. ఎలక్షన్స్ తర్వాతే ఈ సినిమా ఉండే ఛాన్స్ ఉందని తెలుస్తోంది. అయినా ఇప్పటి వరకు క్రిష్ గానీ, నిర్మాణ సంస్థ గానీ హరిహర వీరమల్లు గురించి ఎలాంటి అప్టేట్స్ ఇవ్వడం లేదు. కానీ తాజాగా ఈ సినిమాలో హీరోయిన్‌గా నటిస్తున్న నిధి అగర్వాల్(Nidhi agarwal), పవన్ ఫ్యాన్స్‌ను కాస్త ఖుషి చేసింది. ఈ సినిమాపై తన ఇన్‌స్టాగ్రామ్‌ ఖాతాలో ఓ ఆసక్తికరమైన పోస్ట్‌ పెట్టింది. ఈ సినిమాతో తన కల నిజమైందని.. ‘హరిహర వీరమల్లు’ సినిమాలో నటించడం చాలా సంతోషంగా ఉందని చెప్పింది.
చదవండి: Bhola shankar: భోళా శంకర్, జైలర్ కి కామన్ ప్రాబ్లమ్ ఇదే..!
ఈ సినిమాతో తెరపై ఓ అద్భుతాన్ని చూడబోతున్నారని చెప్పుకొచ్చింది. అలాగే ఓ ఫోటో కూడా షేర్ చేసింది. ఇటీవల పవన్‌కల్యాణ్‌(Pawan Kalyan) ఇన్‌స్టాగ్రామ్‌లోకి ఎంట్రీ ఇచ్చిన సంగతి తెలిసిందే. ఇన్‌స్టాలో ఫస్ట్ పోస్ట్‌ తాను నటించిన కొన్ని సినిమాలు, నటీనటుల ఫోటోతో ఓ వీడియోని షేర్ చేశారు పవన్. అందులో ‘హరిహర వీరమల్లు’ చిత్రంలోని నిధి అగర్వాల్‌తో పవన్ కలిసి ఉన్న ఫోటో కూడా ఉంది. ఈ ఫొటోని స్క్రీన్‌షాట్‌ తీసి.. ‘హరిహర వీరమల్లు’ (Harihara veeramallu)పై ఆశలు పెంచేసింది. మరి ఈ సినిమా ఎప్పుడు తిరిగి సెట్స్ పైకి వెళ్తుందో చూడాలి.
