Devara: యంగ్ టైగర్ ఎన్టీఆర్ చేస్తున్న లేటెస్ట్ ఫిల్మ్ దేవర పై ఎక్కడా లేని అంచనాలున్నాయి. జనతా గ్యారేజ్ కాంబినేషన్‌ను రిపీట్ చేస్తూ కొరటాల శివ చేస్తున్న ఈ సినిమా రెండు భాగాలుగా రాబోతోంది. జాన్వీకపూర్ హీరోయిన్‌గా న‌టిస్తున్న ఈ సినిమాలో బాలీవుడ్ స్టార్ సైఫ్ అలీఖాన్ విలన్‌గా న‌టిస్తున్నాడు. దేవర పార్ 1 దసరా కానుకగా అక్టోబర్ 10న రిలీజ్ కానుంది. వాస్తవానికైతే.. ఏప్రిల్ 5న దేవర థియేటర్లోకి రావాల్సింది. కానీ సైఫ్ అలీఖాన్‌కు షూటింగ్‌లో గాయాలు అవడంతో.. అక్టోబర్‌కు వెళ్లిపోయింది.
ఇది కూడా చూడండి: IPL : ఐపీఎల్‌ రెండో షెడ్యుల్‌ మ్యాచ్‌లు దుబాయ్‌లోనా?
ప్రస్తుతం షూటింగ్ బ్రేక్‌లో ఉంది దేవర. త్వరలోనే గోవాలో కీలక షెడ్యూల్‌ షూటింగ్ చేయడానికి రెడీ అవుతున్నాడు. అయితే.. ఎన్టీఆర్ బర్త్ డే వరకు దేవర నుంచి ఎలాంటి అప్డేట్ బయటికి వచ్చే ఛాన్స్ లేదని వినిపించింది. మే 20న తారక్ బర్త్ డే ఉంది. ఆ రోజే దేవర నుంచి టీజర్ లేదా సాంగ్‌ రిలీజ్‌కు ప్లాన్ చేస్తున్నట్టుగా టాక్ ఉంది. లేటెస్ట్ అప్డేట్ ప్రకారం.. ఎన్టీఆర్ బర్త్ డే స్పెషల్‌గా దేవర ఫస్ట్ సింగిల్ రిలీజ్ చేయడానికి ప్లాన్ చేస్తున్న‌ట్లుగా స‌మాచారం. ఈ సినిమాకు కోలీవుడ్ మ్యూజిక్ సెన్సేషన్ అనిరుధ్ సంగీతం అందిస్తున్నాడు.
ఇది కూడా చూడండి: Karimnagar: భారీగా నగదు పట్టివేత!
ఈ మధ్య అనిరుధ్ మ్యూజిక్ ఇచ్చిన సినిమాలు థియేటర్లో గూస్ బంప్స్ తెప్పించాయి. అనిరుధ్ బీజిఎంకి సపరేట్ ఫ్యాన్ బేస్ ఉంది. దీంతో దేవర బీజిఎంతో పాటు మ్యూజిక్ ఆల్బమ్ పై భారీ అంచనాలున్నాయి. ఇప్పటికే గ్లింప్స్‌తో శాంపిల్ చూపించిన అనిరుధ్.. ఫస్ట్ సింగిల్‌తో నందమూరి ఫ్యాన్స్‌కు పూనకాలు తెప్పించడం గ్యారెంటీ అంటున్నారు. మరి ఈసారి అనిరుధ్ ఎలాంటి ట్యూన్స్ ఇస్తాడో చూడాలి.
