మెగా మేనల్లుడు సాయి ధరమ్ తేజ్‌తో కలిసి జూలై 28న ‘బ్రో’గా రాబోతున్నాడు పవర్ స్టార్ పవన్ కళ్యాణ్. ఇప్పటికే ప్రమోషన్స్ స్టార్ట్ చేశారు మేకర్స్. కాకపోతే బ్రో రిలీజ్‌కు మరో రెండు వారాలు మాత్రమే ఉంది కాబట్టి.. ఇంకాస్త స్పీడ్ పెంచాల్సి ఉంది. ఇదిలా ఉంటే.. బ్రో మూవీ రన్ టైం ఎంత? అనేది తాజాగా బయటకు వచ్చేసింది. ఇండస్ట్రీ వర్గాల ప్రకారం.. ‘బ్రో’ మూవీ 130 రన్ టైం లాక్ చేసుకున్నట్టుగా తెలుస్తోంది. అంటే.. రెండు గంటల పది నిమిషాలతో బ్రో ఆడియెన్స్ ముందుకు రానుంది. ఇక ఈ సినిమాలో పవర్ స్టార్ ఎంట్రీ ఓ రేంజ్‌లో ఉంటుందని అంటున్నారు.
చదవండి: Mahesh babu: మహేష్ 3 నెలలు ట్రైనింగ్.. రాజమౌళిని తట్టుకుంటాడా?
సినిమా స్టార్ట్ అయిన 20 నిమిషాల తర్వాత పవన్ ఎంట్రీ ఉంటుందట. సినిమా మొత్తంలో పవర్ స్టార్ పాత్ర తొంబై నిమిషాలకు అటు ఇటుగా ఉంటుందని సమాచారం. ఈ మూవీలో పవన్ కల్యాణ్ దేవుడిగా కనిపించనున్నాడు. దాంతో సాయి ధరమ్ తేజ్, పవన్ మధ్య వచ్చే సీన్స్ హైలైట్‌గా ఉంటాయని అంటున్నారు. తమిళ్ మూవీ ‘వినోదయ సీతమ్’ తెరకెక్కించిన సముద్రఖనినే ఈ చిత్రానికి దర్శకత్వం వహించాడు. పీపుల్స్ మీడియా ఫ్యాక్టరీ సంస్థ నిర్మిస్తున్న ఈ సినిమాలో.. కేతిక శర్మ, ప్రియా ప్రకాశ్ వారియర్ హీరోయిన్లుగా నటిస్తున్నారు.
చదవండి: AdiviSesh: ‘హిట్ 2’ మ్యాక్స్ ఇక లేడు.. అడివి శేష్ ఎమోషనల్
థమన్ మ్యూజిక్ అందిస్తున్నాడు. రీసెంట్‌గా రిలీజ్ అయిన ‘మై డియర్ మార్కండేయ’ సాంగ్‌కు భారీ రెస్పాన్స్ వస్తోంది. జులై 15న ‘జాణవులే’ అనే సాంగ్‌ని తిరుపతిలోని మధ్యాహ్నం ఒంటి గంటకి గ్రాండ్‌గా ఈవెంట్‌తో లాంచ్ చేస్తున్నారు. ఈ సాంగ్‌ సాయి ధరమ్ తేజ్, కేతిక శర్మలపై ఉండనుంది. మరి బ్రో మూవీ మెగా ఫ్యాన్స్‌కు ఎలాంటి కిక్ ఇస్తుందో చూడాలి.
