క్షణం సినిమాతో మొదలైన అడివిశేష్ బాక్సాఫీస్ హంట్.. ఇప్పుడు పాన్ ఇండియా స్థాయికి చేరకుంది. ఆ మధ్య మేజర్ సినిమాతో బ్లాక్ బస్టర్ కొట్టిన అడివి శేష్.. నాని నిర్మాతగా శైలేష్ కొలను దర్శకత్వంలో తెరకెక్కిన హిట్ ఫ్రాంచైజ్ హిట్ 2తో మరో సాలిడ్ హిట్ అందుకున్నాడు. ఈ సినిమాలో మీనాక్షి చౌదరి హీరోయిన్‌గా నటించగా.. క్లైమాక్స్‌లో నాని ఫినిషింగ్ టచ్ ఇచ్చి.. హిట్ 3ని అనౌన్స్ చేశాడు. విలన్‌గా సుహాస్ నటించాడు. ఇక ఈ సినిమాలో చెప్పుకోవాల్సిన మరో ముఖ్యమైన పాత్ర మ్యాక్స్. అయితే మ్యాక్స్ అంటే మనిషి అనుకునేరు.. అడివిశేష్ పక్కన నటించిన పోలీస్ కుక్క పేరు మ్యాక్స్. దాని ఒరిజినల్ పేరు సాషా.
చదవండి: Strike in Hollywood: హాలీవుడ్‌లో సమ్మె.. సినిమాలన్నీ ఆగిపోయాయి!
హిట్ 2 సినిమాలో అడివి శేష్ పక్కనే ఉండే ఈ డాగ్.. సినిమాలో చాలా ఇంపార్టెంట్ రోల్ ప్లే చేసింది. క్లైమాక్స్‌లో హీరోని కాపాడేందుకు చేసిన పోరాటం అదిరిపోతుంది. అలాంటి మ్యాక్స్ చనిపోయినట్టు ట్విట్టర్ ద్వారా తెలిపాడు అడివి శేష్. ‘టిక్ ఫీవర్ వల్ల సాషా కన్నుమూసిందన్న విషయాన్ని మీకు చెప్పడానికి బాధ పడుతున్నాను. ఈ డాగ్ హిట్ 2 మూవీలో మ్యాక్స్ పాత్రను చేసింది. మేము ఆస్పత్రిలో తనను చూసినప్పుడు కోలుకుంటుందని అనుకున్నాము. కానీ, చివరకు పరిస్థితి విషమించింది.
చదవండి: Shah Rukh Khan: షారుఖ్ ‘జవాన్’పై ఆయన భార్య గౌరీ రియాక్షన్ ఇదే..!
ఇది రాస్తున్నప్పుడు కన్నీళ్లు ఆగడం లేదు. అత్యంత కఠినమైన షూటింగ్ సమయంలో మాకు సహకరించినందుకు ధన్యవాదాలు. జంతువుల్లోనే చాంపియన్ అయిన సాషా శిక్షకులు/యజమాని ఆనంద్‌కు నా ప్రగాఢ సానుభూతిని తెలుపుతున్నా’ అని రాసుకొచ్చాడు. హిట్ 2 మూవీ డైరెక్టర్ శైలేష్ కొలను కూడా సాషాతో దిగిన ఫొటోలను ట్విట్టర్‌లో షేర్ చేశాడు. దీంతో మ్యాక్స్‌కు సంబంధించిన సీన్స్‌ను గుర్తు చేసుకుంటున్నారు నెటిజన్స్.
