ప్రస్తుతం హాలీవుడ్ సినిమాల షూటింగ్‌లన్నీ ఆగిపోయాయి. తమ భవిష్యత్తుకు భరోసా కల్పించాలని, రెమ్యూనరేషన్లు పెంచాలని, ఏఐ నుంచి పొంచి ఉన్న ముప్పును తప్పించాలని డిమాండ్‌ చేస్తూ.. హాలీవుడ్‌కు చెందిన ‘ది స్క్రీన్‌ యాక్టర్స్ గిల్డ్’ సమ్మెకు పిలుపునిచ్చింది. దీంతో ఎన్నో సినిమాలు, సిరీస్‌ల విడుదల ఆలస్యం కానున్నాయి. హాలీవుడ్‌లో మొదటిసారిగా 1960లో నటుడు రోనాల్డ్‌ రీగన్‌ నేతృత్వంలో రెండు యూనియన్లు డబుల్‌ స్ట్రైక్‌ చేశాయి. ఆ తర్వాత 1980లో స్క్రీన్‌ యాక్టర్స్ సమ్మె జరిగింది. ఇక ఇప్పుడు ఇన్నేళ్ల తర్వాత రైటర్స్‌ గిల్డ్, స్క్రీన్‌ యాక్టర్స్ గిల్డ్ కలిసి మరోసారి డబుల్‌ స్ట్రైక్‌ చేస్తున్నాయి.
చదవండి: Shah Rukh Khan: షారుఖ్ ‘జవాన్’పై ఆయన భార్య గౌరీ రియాక్షన్ ఇదే..!
గత 11 వారాలుగా రైటర్స్‌ గిల్డ్ ఆఫ్‌ అమెరికా సమ్మెకు దిగింది. తాజాగా వారికి నటీనటులు కూడా తోడవంతో హాలీవుడ్ సినీ ఇండస్ట్రీ మూతపడినట్లయింది. ఇలా రచయితలు, నటులు ఒకేసారి సమ్మెకు దిగడం గత 63 ఏండ్లలో ఇదే తొలిసారి. నిర్మాణ స్టూడియోలతో జరిగిన చర్చలు కొలిక్కి రాకపోవడంతో.. నిరవధిక సమ్మెకు గిల్డ్ పిలుపునిచ్చింది. ఈసారి ఏకంగా 98 శాతం మంది నటీనటులు ఈ సమ్మెకు మద్దతు ఇస్తున్నారు. దాంతో హాలీవుడ్‌లో అన్నికార్యకలాపాలు ఆగిపోయాయి. గిల్డ్‌లో ఉన్న లక్షా అరవై వేల మంది నటీనటులు సమ్మెబాట పట్టారు.
చదవండి: Aishwarya : సెకండ్ పెళ్లికి రెడీ అవుతున్న రజినీకాంత్ కుమార్తె ఐశ్వర్య?
ఈ సమ్మెతో పలు సినిమాలు, టీవీ కార్యక్రమాలు, సిరీస్ షూటింగ్‌లు వాయిదా పడ్డాయి. స్క్రీన్‌ యాక్టర్స్ గిల్డ్‌లో ట్రామ్‌ క్రూజ్‌, ఏంజెలినా జోలీ, జానీ డెప్‌, మెరిల్‌ స్ట్రీప్‌, బెన్‌ స్టిల్లర్‌, కోలిన్‌ ఫారెల్‌ వంటి స్టార్స్‌ ఉన్నారు. ఇది చరిత్రలో నిలిచిపోయే సందర్భమని, ఇప్పుడు తాము తమ గళం వినిపించకపోతే కష్టాల్లో పడతామని గిల్డ్ ప్రెసిడెంట్ ‘ఫ్రాన్ డ్రెషర్’ అన్నారు. ఈ సమ్మె ఇలాగే కొనసాగితే హాలీవుడ్ సినిమాలకు భారీ నష్టం తప్పదని అంటున్నారు.
