Minister Komatireddy Venkat Reddy angry on Telugu film industry
తెలంగాణలో నంది అవార్డులు ఇవ్వడంపై రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి స్పందించారు. నంది అవార్డులు ఇవ్వడంపై ఆయన కీలక వ్యాఖ్యలు చేశారు. శుక్రవారం ఆయన మీడియా సమావేశం నిర్వహించారు. ఈ సందర్భంగా ఆయన మాట్లాడుతూ..కొత్త ఏడాదిలో నంది అవార్డులను తెలంగాణలో ఇవ్వనున్నట్లు ప్రకటించారు.
చదవండి:Karnataka : కన్నడలో సైన్‌బోర్డ్ డిమాండ్‌పై ఆందోళన తీవ్రతరం.. బెంగళూరు బంద్కు అల్టిమేటం
2024 కొత్త ఏడాదిలో సినీ పరిశ్రమలో మంచి కార్యక్రమాలను తీసుకురానున్నట్లు తెలిపారు. చిత్ర పరిశ్రమను సత్కరిస్తే తమ ప్రభుత్వానికి కూడా మంచి పేరు వస్తుందని, అందుకే ఉగాది నాటికి నంది అవార్డులను ఇచ్చేందుకు చర్యలు చేపడుతున్నట్లు తెలిపారు.
చదవండి:Jharkhand CM : వృద్ధాప్య పింఛన్ పై జార్ఖండ్ సీఎం కీలక ప్రకటన
పార్టీలు, ప్రాంతాలకు అతీతంగా తెలంగాణ రాష్ట్రంలో నంది అవార్డులను ఇవ్వనున్నట్లు మంత్రి కోమటిరెడ్డి వెంకటరెడ్డి స్పష్టం చేశారు. ఈ విషయమై ముఖ్యమంత్రి రేవంత్ రెడ్డితో చర్చించిన తర్వాత సినిమా పెద్దలను ఆహ్వానించి కీలక నిర్ణయాలు తీసుకోనున్నట్లు వెల్లడించారు.
