కాగా ఈ మూవీ ట్రైలర్ ని చూసిన తర్వాత షారూక్ భార్య గౌరీ చాలా సంతోషించిందట. ఈ విషయాన్ని ఆయనే స్వయంగా సోషల్ మీడియాలో వెల్లడించారు. ట్రైలర్ లో ఉమెన్ పవర్ చూపించిన విధానం గౌరీకి చాలా బాగా నచ్చింది అంటూ ఆయన ట్వీట్ చేశారు.
ఇదిలా ఉండగా ట్రైలర్ విషయానికి వస్తే షారుఖ్ ఖాన్ వాయిస్‌తో ట్రైలర్‌ను ప్రారంభించారు. ‘నేనెవరో నాకు తెలియదు. నాకు ఎలాంటి ఉద్దేశాలు లేవు. నేను ఎవర్నీ కాను.. తెలియదు.. నేను మంచివాడినా..? చెడ్డవాడినా..? పుణ్యాత్ముడినో.. పాపాత్ముడినో.. నీకు నువ్వే తెలుసుకో.. ఎందుకంటే నేనే నువ్వు.. రెడీ’ అంటూ షారూఖ్ చెప్పే డైలాగ్ అదిరిపోయింది. ట్రైలర్‌లో విజయ్ సేతుపతి, నయనతార, దీపికా పదుకొణె లుక్స్ కూడా చూపించారు. ఈ మూవీలో దీపికా అతిథి పాత్రలో నటిస్తున్న సంగతి తెలిసిందే.
