'Breath' trailer release!
Breath: నందమూరి జయకృష్ణ కొడుకు నందమూరి చైతన్య కృష్ణ హీరోగా ఓ సినిమా చేస్తున్న సంగతి తెలిసిందే. బసవ తారకరామ క్రియేషన్స్ పేరుతో సొంత బ్యానర్‌ని స్థాపించి చైతన్య కృష్ణ హీరోగా ఓ సినిమా చేస్తున్నాడు. గతేడాది చైతన్య కృష్ణ హీరోగా వంశీ కృష్ణ దర్శకత్వంలో ఈ సినిమా అనౌన్స్ అయ్యింది. ఈ సినిమా టైటిల్‌గా ‘బ్రీత్’ అని ఫిక్స్ చేవారు. ఇప్పటికే రెగ్యులర్ షూటింగ్ జరుపుకుంటున్న ఈ సినిమా నుంచి తాజాగా ట్రైలర్ రిలీజ్ చేశారు. ఇప్పటివరకు ఈ సినిమా నుంచి రిలీజైన పోస్టర్స్, టీజర్ ఇంట్రెస్ట్ క్రియేట్ చేయగా.. ట్రైలర్ కూడా ఆకట్టుకునేలా ఉంది. ఈ ట్రైలర్ కట్ మాత్రం అదిరిపోయింది. చూడగానే ఆడియెన్స్‌ను అట్రాక్ట్ చేసేలా ఉంది బ్రీత్.
చదవండి: Guntur Karam: క్లైమాక్స్‌కి చేరుకున్న ‘మహేశ్ మూవీ’?
ట్రైలర్ ప్రకారం ఈ సినిమా మెడికల్ మాఫియాకు సంబంధించినదిగా తెలుస్తోంది. హీరోగా చైతన్యకృష్ణ స్క్రీన్ ప్రజెన్స్ బాగానే ఉంది. పొలిటికల్ టచ్ చేస్తూ కట్ చేసిన ఈ ట్రైలర్‌లో చైతన్య కృష్ణ ఒక హాస్పిటల్‌లో పేషేంట్‌గా, డాక్టర్‌గా కనిపించి క్యూరియాసిటీ క్రియేట్ చేశాడు. ప్రస్తుతం బ్రీత్ ట్రైలర్‌కు మంచి రెస్పాన్స్ వస్తోంది. గతంలో ఇతను ఒకటి రెండు సినిమాల్లో నటించినప్పటికీ ఆశించిన విజయాన్ని అందుకోలేకపోయాడు. ఇక ఇప్పుడు కాస్త గ్యాప్ తర్వాత బ్రీత్ అనే సినిమాతో ఆడియెన్స్ ముందుకు వస్తున్నాడు. ఈసారి చైతన్య కృష్ణ హీరోగా మంచి గుర్తింపు దక్కించుకుంటాడని కామెంట్స్ చేస్తున్నారు నెటిజన్స్. మరి చైతన్యకృష్ణ ఎలాంటి విజయాన్ని అందుకుంటాడో చూడాలి.
