ప్రభాస్ ఆదిపురుష్(adipurush)మూవీ ప్రేక్షకుల ముందుకు వచ్చేస్తోంది. ఈ సినిమా జూన్ 16న ప్రేక్షకుల ముందుకు రావడానికి సర్వం సిద్ధమైంది. ఆదిపురుషుడి అవతారంలో ప్రభాస్‌ను చూసేందుకు ఉవ్విళ్లూరుతున్నారు. సోషల్‌ మీడియాలో సైతం ఇప్పటికే ఆదిపురుష్ హ్యాష్ ట్యాగ్ లు ట్రెండ్ అవుతున్నాయి. కాగా, ఈ మూవీకి ఆంధ్రప్రదేశ్ ప్రభుత్వం గ్రీన్ సిగ్నల్ ఇచ్చింది. ఈ మూవీకి టికెట్ ధరలు పెంచుకోవడానికి అనుమతి ఇచ్చేసింది. ఏవైనా పెద్ద సినిమాలు విడుదల సమయంలో టికెట్ ధరలు పెంచుకోవాలా, వద్దా అనే విషయం ప్రస్తుతం రాష్ట్ర ప్రభుత్వాల చేతిలోనే ఉంది. ఈ క్రమంలో చిత్ర బృందం ఈ విషయంలో ఆంధ్రప్రదేశ్ ప్రభుత్వాన్ని కోరగా, వారు అనుమతి ఇచ్చారు.
ప్రస్తుత టికెట్ ధరలపై రూ.50 వరకు పెంచుకోవడానికి థియేటర్లకు ప్రభుత్వం అనుమతి(permission) ఇచ్చింది. ఈ పెంపు సింగిల్ స్క్రీన్ థియేటర్లతో పాటు మల్టీప్లెక్సులకు కూడా వర్తిస్తుందట. ఈ మేరకు జీవో కూడా విడుదల చేశారు. సినిమా విడుదల తేదీ జూన్ 16 నుంచి దాదాపు పది రోజుల పాటు, ఈ పెంచిన ధరలే వర్తిస్తాయని ప్రభుత్వం పేర్కొంది. నేటి నుంచి ప్రీ బుక్సింగ్ కూడా మొదలయ్యే అవకాశం ఉంది.
ఇది కూడా చూడండి: Kamal Haasan: రైతుగా మారుతున్న కమల్ హాసన్..!
