Stop these foods: Stop eating these immediately.. They damage your kidneys..!
Stop these foods: మనం ఎక్కువ కాలం జీవించాలంటే ఆరోగ్యంగా ఉండడం చాలా ముఖ్యం. అందుకు శరీరం ఆరోగ్యంగా ఉండాలి. శరీరం ఆరోగ్యంగా ఉండాలంటే శరీరంలోని అన్ని అవయవాలను ఆరోగ్యంగా ఉంచుకోవడం చాలా అవసరం. గుండె, కాలేయం, ఊపిరితిత్తుల మాదిరిగానే కిడ్నీలు కూడా ఆరోగ్యంగా ఉండాలి. అవి శరీరంలోని ఫిల్టర్‌లా పనిచేస్తాయి. ఇవి శరీరం నుండి విషాన్ని కూడా తొలగిస్తాయి. కిడ్నీలు ఆరోగ్యంగా ఉండాలంటే ఆరోగ్యకరమైన ఆహారం తీసుకోవడం చాలా ముఖ్యం. కానీ మనం రోజూ తీసుకునే ఆహారంలో సరైన అవగాహన లేకపోవడం, తప్పుడు అలవాట్లు పాటించడం వల్ల కిడ్నీలు అనేక సమస్యలకు గురవుతున్నాయి. కాబట్టి, కిడ్నీలు ఆరోగ్యంగా ఉండాలంటే తినకూడని ఆహారాలు ఇక్కడ ఉన్నాయి.
ఇది కూడా చూడండి: Mustard Seeds: ఆవాలు తింటే ఇన్ని ప్రయోజనాలు ఉన్నాయా..?
అరటిపండు: అరటిపండులో పొటాషియం పుష్కలంగా ఉంటుంది. కానీ ఇందులో సోడియం తక్కువగా ఉంటుంది కాబట్టి కిడ్నీ సమస్యలు రాకుండా ఉండాలంటే అరటిపండును రోజువారీ ఆహారంలో చేర్చుకోకపోవడమే మంచిది.
కాఫీ-టీ: వీటిలో సాధారణంగా కెఫీన్ ఉంటుంది. ఇది మీ మూత్రపిండాలపై ఒత్తిడిని కలిగిస్తుంది. ఇది రక్త ప్రసరణ, రక్తపోటు , మూత్రపిండాలపై ఒత్తిడిని కూడా పెంచుతుంది. కెఫీన్ ఎక్కువగా తీసుకోవడం వల్ల మూత్రపిండాల్లో రాళ్లు ఏర్పడతాయని గుర్తుంచుకోండి.
సోడా: సోడాలో చక్కెర ఎక్కువగా ఉంటుంది. పోషక విలువలు తక్కువగా ఉంటాయి. మీకు తెలుసా..రోజుకు రెండు లేదా అంతకంటే ఎక్కువ కార్బోనేటేడ్ సోడాలు తాగితే కిడ్నీ సమస్యలు వస్తాయని? కార్బోనేటేడ్ , ఎనర్జీ డ్రింక్స్ రెండూ కిడ్నీలో రాళ్ల ప్రమాదాన్ని పెంచుతాయని గుర్తుంచుకోండి.
ఉప్పు: ఉప్పులో సోడియం ఎక్కువగా ఉంటుంది, ఇది రక్తపోటును పెంచుతుంది. కిడ్నీలపై కూడా ఒత్తిడి పడుతుంది. సూప్‌లు, ప్రాసెస్ చేసిన మాంసాలు, పిజ్జా, కెచప్, సాస్‌లు మరియు ఊరగాయలలో ఉప్పు ఎక్కువగా ఉంటుంది. కిడ్నీ సమస్యలు ఉన్నవారు వీటిని పూర్తిగా నివారించాలి.
బంగాళదుంపలు: పొటాటో చిప్స్, ఫ్రెంచ్ ఫ్రైస్ వంటి ప్యాకేజ్డ్ ఫుడ్స్ తినడం మీకు అలవాటు అయితే వెంటనే మానేయండి. అవి మీ కిడ్నీలకు మంచివి కావు. ఎందుకంటే వేయించిన ఆహారాలు కిడ్నీలకు హానికరం. అలాగే ఇప్పటికే కిడ్నీ సమస్యలు ఉన్నవారు బంగాళదుంపలు తినడం పూర్తిగా మానేయాలి. ఎందుకంటే ఇందులో పొటాషియం ఎక్కువగా ఉంటుంది. ఇది కిడ్నీకి మంచిది కాదు.
