ఆదిపురుష్ గురించి ఎలాంటి అప్డేట్ వచ్చినా.. క్షణాల్లో వైరల్‌గా మారుతోంది. తాజాగా ఇప్పుడు మరోసారి ట్రెండింగ్‌లోకి వచ్చేసింది ఆదిపురుష్. హీరోయిన్ కృతిసనన్ చేసిన కామెంట్స్.. సోషల్ మీడియాలో వైరల్ అవుతున్నాయి. నిజానికి.. అన్నీ అనుకున్నట్టు జరిగి ఉంటే.. ఈపాటికే థియేటర్‌తో పాటు ఓటిటిలోకి కూడా వచ్చేది ఆదిపురుష్. కానీ టీజర్ దెబ్బకు ఓం రౌత్ ఆరు నెలలు పోస్ట్ పోన్ చేశాడు. జూన్ 16న గ్రాండ్‌గా రిలీజ్ చేయబోతున్నారు. ప్రజెంట్ గ్రాఫిక్స్‌ రీవర్క్ జరుగుతోంది. ఇప్పటికే 70 శాతం కంప్లీట్ అయినట్టు తెలుస్తోంది. అయితే ఇప్పుడు.. సీత పాత్రలో నటిస్తున్న కృతి సనన్, ఆదిపురుష్ గురించి కొన్ని ఇంట్రెస్టింగ్ కామెంట్స్ చేసింది. కృతి సనన్, కార్తీక్ ఆర్యన్ జంటగా నటించిన ‘షెహజాదా’ మూవీ ఫిబ్రవరి 17న థియేటర్లోకి రాబోతోంది. ఇది బన్నీ ‘అల వైకుంఠపురములో’ సినిమాకి రీమేక్‌గా తెరకెక్కింది. ప్రస్తుతం ఈ సినిమా ప్రమోషన్స్ జోరుగా చేస్తోంది కృతిసనన్. ఈ క్రమంలో ఆదిపురుష్‌లో నటిస్తున్నందుకు చాలా ప్రౌడ్‌గా ఉంది.. తప్పకుండా ఇండియా గర్వించదగ్గ సినిమా అవుతుందని.. చెప్పుకొచ్చింది కృతి. దీంతో ప్రభాస్ ఫాన్స్ ‘ఆదిపురుష్’ హ్యాష్‌ ట్యాగ్‌తో కృతి సనన్ కామెంట్స్‌ను ట్రెండ్ చేస్తున్నారు. ఇదే కాదు కృతి ఏం చెప్పినా డార్లింగ్ ఫ్యాన్స్ వెంటనే రియాక్ట్ అవుతున్నారు. పైగా ప్రభాస్‌తో అమ్మడు రిలేషన్‌లో కూడా ఉందనే టాక్ ఉంది. అందుకే సందర్భం వచ్చినప్పుడల్లా కృతిని ట్రెండ్ చేస్తున్నారు. మరి ఈ బ్యూటీ చెప్పినట్టుగా ఆదిపురుష్.. ఎలాంటి వండర్స్ క్రియేట్ చేస్తుందో చూడాలి.
