అనసూయ సినిమాలు చేస్తోంది.. రష్మీ గౌతమ్ కూడా హీరోయిన్‌గా చేసింది.. విష్ణు ప్రియ కూడా సినిమాలు, ఓటిటిల బాట పట్టింది.. ఇదే దారిలో మరో యాంకర్ వర్షిణి కూడా సినిమాల్లో ఆఫర్లు అందుకుంటోంది. మొదట్లో పటాస్ షో ద్వారా కెరీర్ స్టార్ట్ చేసిన వర్షిణి, ఆ తర్వాత పలు బుల్లి తెర షోలతో అలరించింది. ఢీ షోలో కూడా అమ్మడు హల్చల్ చేసింది. ఇక ఆ తర్వాత సినిమాల్లో ఆఫర్లు పట్టేసింది. ప్రస్తుతం అమ్మడి టార్గెట్ బిగ్‌ స్క్రీన్‌గా దూసుకుపోతోంది. కానీ తను ఇలాంటి పొజిషన్‌కు రావడానికి అందరి లాగే కాస్టింగ్ కౌచ్‌కి గురయ్యానని చెప్పింది వర్షిణి.
చదవండి: Vishal: స్టార్ హీరోయిన్‌తో విశాల్ పెళ్లి ఫిక్స్?
‘లాక్ డౌన్‌కి ముందు ఒక వెబ్ సిరీస్ చేయడానికి ఓ డైరెక్టర్ నుండి పిలుపు వచ్చింది. దాంతో ఆడిషన్స్ కోసం వెళ్ళాను. ఒక స్టార్ హోటల్‌లో ఆ డైరెక్టర్‌ని కలిసాను. అయితే ఆడిషన్ ఇచ్చే లోపే.. అతని నిజ స్వరూపం బయట పెట్టాడు. ఒక్కసారిగా చెయ్యి పట్టుకొని బెడ్ పైకి లాగేశాడు. దాంతో భయపడిపోయాను. వెంటనే తేరుకొని అక్కడి నుంచి బయటకు వచ్చేసి, కారులో కూర్చొని ఏడ్చాను. లేదంటే.. ఆ రోజు నా జీవితంలో మరిచిపోలేని రోజు అయి ఉండేది. నా లైఫ్‌లో జరిగిన ఏకైక సంఘటన ఇదే. అందుకే.. ఆ తర్వాత ఆ దర్శకుడిని ఎప్పుడు కలవలేదు.. అని చెప్పుకొచ్చింది వర్షిణి.
చదవండి: Chiranjeevi: చిరు నెక్స్ట్ రెండు ప్రాజెక్ట్స్ ఫిక్స్!
దీంతో ప్రస్తుతం ఈ అమ్మడి కామెంట్స్ వైరల్ అవుతున్నాయి. అయితే.. వర్షిణితో అసభ్యంగా ప్రవర్తించిన ఆ డైరెక్టర్ ఎవరు? అనేది మాత్రం సస్పెన్స్‌గా మారింది. ఇప్పుడు వర్షిణి మంచి పొజిషన్‌లో ఉంది కాబట్టి.. అతని పేరు బయటికి చెప్పొచ్చు. కానీ అమ్మడు మాత్రం అతనెవరో చెప్పకుండా.. అప్ కమింగ్ బ్యూటీలు అలాంటి వారితో జాగ్రత్తగా ఉండాలని చెబుతోంది.
