NDL: ప్రకాశం జిల్లాలో రామాయపట్నం పోర్టు నిర్వాసితుల కోసం నిర్మించిన R&R కాలనీని బుధవారం మంత్రి బీసీ జనార్దన్ ప్రారంభించారు. అనంతరం మంత్రి మాట్లాడుతూ.. ఇంతమంది నిర్వాసితులకు న్యాయం చేయడం కూటమి ప్రభుత్వానికి మాత్రమే సాధ్యమన్నారు. సొంతిళ్లు, స్వగ్రామాలను ఖాళీ చేసిన ప్రజల త్యాగం మరువలేనిదన్నారు. పోర్టును రూ.5 వేల కోట్లతో అభివృద్ధి చేస్తునట్లు చెప్పారు.
GNTR: తెనాలి రైల్వే స్టేషన్లో బుధవారం విషాద ఘటన చోటుచేసుకుంది. రేపల్లె మండలం నల్లూరివారిపాలెంకు చెందిన యలవర్తి సుబ్బారావు (70) రెండో నంబర్ ప్లాట్ఫాం వద్ద టిఫిన్ చేస్తుండగా అకస్మాత్తుగా కుప్పకూలి మృతి చెందారు. సమాచారం అందుకున్న జీఆర్పీ పోలీసులు అక్కడికి చేరుకుని మృతదేహాన్ని పోస్టుమార్టం నిమిత్తం ఆసుపత్రికి తరలించారు.
HNK: ప్రతీ విద్యార్థి జీవితంలో 10వ తరగతి పరీక్షలు అత్యంత కీలకమని టీపీసీసీ ఎస్సీ సెల్ వైస్ చైర్మన్ మడికొండ శ్రీనివాస్ అన్నారు. పరకాల పట్టణంలోని విద్యాలయ పాఠశాలను వారు సందర్శించి విద్యార్థులతో మాట్లాడారు. ప్రతీ విద్యార్థి ఏకాగ్రతతో కష్టపడి చదివి భవిష్యత్తులో ఉన్నత స్థానంలో ఉండాలని, చదువు మన తలరాతను మారుస్తుందన్నారు. కార్యక్రమంలో సంపత్ కుమార్ ఉన్నారు.
1901: సినీ నటుడు ఈలపాట రఘురామయ్య జననం1917: సినీ నటి కాంచనమాల జననం1953: రష్యా మాజీ అధ్యక్షుడు స్టాలిన్ మరణం1958: సినీ నటుడు నాజర్ జననం1984: సినీ నటి ఆర్తీ అగర్వాల్ జననం1985: నటి వరలక్ష్మి శరత్కుమార్ జననం1996: హీరోయిన్ మీనాక్షి చౌదరి జననం2004: సినీ నటుడు కొంగర జగ్గయ్య మరణం
AP: వేట్లపాలెం ఘటనలో 26 మంది చనిపోవడం బాధాకరమని CM చంద్రబాబు ఆవేదన వ్యక్తం చేశారు. సూర్యశ్రీ ఫైర్వర్క్స్కు YCP హయాంలో అనుమతి ఇచ్చారని, నిబంధనలకు విరుద్ధంగా బాణసంచా తయారు చేస్తున్నారని మండిపడ్డారు. పరిమితికి మించి మందుగుండు నిల్వ చేశారని, నిందితుడిపై కేసు నమోదు చేసి దర్యాప్తు చేస్తున్నట్లు వెల్లడించారు. బాధితులకు ఇండ్లు కట్టిస్తామని తెలిపారు.
➠ తిథి: బహుళ విదియ సా.4:43 వరకు తదుపరి తదియ ➠ నక్షత్రం: ఉత్తర ఉ.8:13 వరకు, తదుపరి హస్త ➠ శుభ సమయాలు: ఉ.6.17-7.15, ఉ.9:13-10:10, ఉ.10:59-మ.12:09, మ.1:07-2:06, సా.4:04-4:59 వరకు ➠ రాహుకాలం: మ.1:30-3 గంటల వరకు ➠ యమగండం: ఉ.6-7:30 వరకు ➠ దుర్ముహూర్తం: ఉ.10:11-10:58, మ.2:53-3:40 వరకు ➠ వర్జ్యం: సా.5-రా.6:40 వరకు ➠ అమృత ఘడియలు: తె.3:02 నుంచి 4:42 వరకు
గల్ఫ్ లాటరీలో ప్రవాస భారతీయుడికి జాక్పాట్ తగిలింది. అబుధాబీలో నిర్వహించిన బిగ్ టికెట్లో షార్జాలో నివసిస్తున్న విబీష్ పల్లియాల్ 15 మిలియన్ దిర్హామ్లు (దాదాపు రూ.37.5 కోట్లు) గెలుచుకున్నారు. FEB 28న ఆయన టికెట్ కొన్నట్లు సమాచారం. మార్చి 3న డ్రా తీయాల్సీ ఉన్నప్పటికీ.. స్థానికంగా ఉద్రిక్త పరిస్థితుల నేపథ్యంలో నిర్వాహకులు ఇవాళ డ్రా తీసి విజేతలను ప్రకటించారు.
TG: పదో తరగతి పరీక్షలు మార్చి 14 నుంచి ఏప్రిల్ 16 వరకు జరగనున్నాయని నాంపల్లి బోర్డు అధికారులు వెల్లడించారు. 2,676 కేంద్రాల్లో 5,28,239 మంది విద్యార్థులు హాజరుకానుండగా, ఫస్ట్ లాంగ్వేజ్ (కాంపోజిట్), సైన్స్ మినహా పరీక్షలు ఉ.9:30 నుంచి మ.12:30 వరకు జరుగుతాయి. హాల్ టికెట్లు వెబ్సైట్, వాట్సాప్ ద్వారా అందుబాటులో ఉండగా, నాంపల్లిలో 24/7 కంట్రోల్ రూమ్ ఏర్పాటు చేసినట్లు తెలిపారు.
TG: అసెంబ్లీ ప్రాంగణంలోని శాసనమండలి భవన పునర్నిర్మాణం పనులు వేగవంతంగా నడుస్తున్నాయి. ఈనెల 8న ఉదయం 9:30 గంటలకు సీఎం రేవంత్ రెడ్డి మండలిలోని కొత్త హాల్ను ప్రారంభించనున్నారు. వచ్చే బడ్జెట్ సమావేశాలు అక్కడి నుంచే ప్రారంభం కానున్నాయి. ఎమ్మెల్యేలకు, ఎమ్మెల్సీలకు సెంట్రల్ హాల్ నిర్మాణం జరుగుతుందని, దాదాపు రూ.30 కోట్ల వ్యయంతో నిర్మించినట్లు మండలి ఛైర్మన్ తెలిపారు.
హైదరాబాద్లోని ఓ హోటల్లో విజయ్ దేవరకొండ- రష్మిక మందన వెడ్డింగ్ రిసెప్షన్ను ఘనంగా నిర్వహించారు. ఈ వేడుకకు సినీ, రాజకీయ తదితర రంగాల ప్రముఖులు హాజరై, నూతన వధూవరులను ఆశీర్వదించారు. ఇందుకు సంబంధించిన ఫొటోలు సోషల్ మీడియాలో వైరల్ అవుతున్నాయి.
ఎక్కువ వాల్యూమ్తో మ్యూజిక్ వినడం వల్ల వినికిడి శక్తి తగ్గడం నెమ్మదిగా ప్రారంభమవుతుంది. వినికిడి నష్టం కలగకుండా ఉండాలంటే హెడ్ ఫోన్ వంటి వ్యక్తిగత ఆడియో పరికరాలను 60 శాతం కంటే తక్కువ శబ్ధంతో ఉపయోగించాలి. అలాగే, ఒక గంట ఉపయోగించిన తర్వాత విరామం తీసుకోవడం చాలా ముఖ్యం. యువత అధిక శబ్ధంతో సంగీతం వింటూ ఉంటారు. దీని వల్ల వినికిడి నష్టం ఎక్కువగా ఉంటుంది.
సౌతాఫ్రికాతో జరిగిన సెమీ ఫైనల్లో న్యూజిలాండ్ ఓపెనర్ ఫిన్ అలెన్ విధ్వంసం సృష్టించాడు. కేవలం 33 బంతుల్లోనే (100*) అద్భుత శతకం సాధించాడు. ఈ ఇన్నింగ్స్లో 10 ఫోర్లు, 8 సిక్సర్లు బాదాడు. ఈ క్రమంలో టీ20 ప్రపంచకప్ చరిత్రలోనే అత్యంత వేగవంతమైన సెంచరీని అలెన్ నమోదు చేశాడు. ఈ అద్భుత ప్రదర్శనతో మ్యాన్ ఆఫ్ ది మ్యాచ్ అవార్డును కూడా కైవసం చేసుకున్నాడు.
కడపలో ఎస్ఎఫ్ఐ నగర కమిటీ ఆధ్వర్యంలో సాంఘిక, సంక్షేమ హాస్టళ్ల సమస్యల పరిష్కారం కోరుతూ పోస్ట్కార్డు ఉద్యమం చేపట్టారు. మెస్, కాస్మోటిక్ ఛార్జీలను రు.3000కు పెంచాలని, ఖాళీగా ఉన్న వార్డెన్, కుక్, వాచ్మన్ పోస్టులను భర్తీ చేయాలని డిమాండ్ చేశారు. ఈ మేరకు హాస్టల్ విద్యార్థులతో కలిసి సీఎంకు పోస్ట్కార్డులు పంపించారు.
SRPT: రెడ్లకుంట ఎత్తిపోతల పథకం నిర్మాణ పనులు వేగం పెంచాలని, నాణ్యతా ప్రమాణాల్లో రాజీ పడవద్దని మే నెల చివరి వరకు ఎత్తిపోతల పథకం నిర్మాణ పనులను పూర్తి చేయాలని అధికారులను, కాంట్రాక్టర్లను మంత్రి ఉత్తమ్ కుమార్ రెడ్డి ఆదేశించారు. బుధవారం కోదాడ మండలంలోని పాలేరు వాగుపై రెడ్లకుంట వద్ద నిర్మిస్తున్న రెడ్ల కుంట ఎత్తిపోతల పథకం నిర్మాణ పనులు పరిశీలించారు.
టీ20 ప్రపంచకప్ ఫైనల్కు న్యూజిలాండ్ దూసుకెళ్లింది. సౌతాఫ్రికాతో సెమీఫైనల్లో కివీస్ 9 వికెట్ల తేడాతో ఘనవిజయం సాధించింది. 170 పరుగుల లక్ష్యాన్ని 12.5 ఓవర్లలో ఒక వికెట్ కోల్పోయి ఛేదించింది. సీఫెర్ట్ (58), ఫిన్ అలెన్(100*) మెరుపు ఇన్నింగ్స్లతో చెలరేగారు. రేపు భారత్, ఇంగ్లండ్ మధ్య జరిగే రెండో సెమీఫైనల్ విజేతతో.. ఆదివారం జరిగే ఫైనల్లో న్యూజిలాండ్ తలపడనుంది.
