తమిళ స్టార్ హీరో అజిత్ తల్లి మోహిని(84) కన్నుమూశారు. వృద్ధాప్య సమస్యల కారణంగా చెన్నైలోని నివాసంలో తుది శ్వాస విడిచారు. మూడేళ్ల క్రితం అజిత్ తండ్రి సుబ్రమణి కూడా వృద్ధాప్య సమస్యలతోనే కన్నుమూశారు. మోహిని మృతిపై తమిళ సినీ ప్రముఖులు సంతాపం వ్యక్తం చేస్తున్నారు.
రణ్వీర్ సింగ్, ‘డాన్ 3’ చిత్ర వివాదంపై సంచలన దర్శకుడు రామ్ గోపాల్ వర్మ తనదైన శైలిలో స్పందించాడు. రణ్వీర్ను నిషేధించడం అనేది ఒక పెద్ద జోక్ అని ఆయన విమర్శించాడు. రణ్వీర్ను కాదు, అసలు ఆ ఫిల్మ్ ఫెడరేషన్ను బ్యాన్ చేయాలని RGV ఆగ్రహం వ్యక్తం చేశాడు. ఇలాంటి చర్యల వల్ల పరిశ్రమను కానీ, సినీ కార్మికులను కానీ కాపాడినట్లు కాదంటూ వర్మ ఖండించాడు.
బాలీవుడ్ స్టార్ అమితాబ్ బచ్చన్ యువ క్రికెట్ సంచలనం వైభవ్ సూర్యవంశీపై ప్రశంసలు కురిపించారు. 15 ఏళ్ల వయసులోనే అతడు అద్భుతాలు సృష్టిస్తున్నాడంటూ కితాబిచ్చారు. ‘ఆ వయసులో మేం కనీసం గల్లీ క్రికెట్ కూడా ఆడలేదు’ అంటూ బిగ్బీ చేసిన వ్యాఖ్యలు సోషల్ మీడియాలో వైరల్ అవుతున్నాయి. అంత చిన్న వయసులో వైభవ్ కనబరుస్తున్న ప్రతిభ వర్ణనాతీతమని కొనియాడారు.
తెలుగు చిత్రసీమ ‘పెద్ద దిక్కు’ దర్శకరత్న దాసరి నారాయణ రావు వర్ధంతి నేడు. దాదాపు 150కి పైగా చిత్రాలకు దర్శకత్వం వహించి గిన్నిస్ రికార్డు సృష్టించిన ఆయన, టాలీవుడ్లో ఎన్నో విప్లవాత్మక సామాజిక మార్పులకు శ్రీకారం చుట్టారు. దర్శకుడిగానే కాకుండా నటుడిగా, నిర్మాతగా, ఇండస్ట్రీ కార్మికుల సంక్షేమం కోసం ఆయన చేసిన పోరాటాలు, అందించిన సేవలు ఎప్పటికీ చిరస్మరణీయం.
సుమంత్ ప్రభాస్, అనంతిక సనిల్కుమార్ జంటగా వేణు గోపాల్ రెడ్డి దర్శకత్వంలో వస్తున్న మూవీ ‘రోమాంచకం’. ఈ సినిమాపై దర్శకుడు సందీప్ రెడ్డి వంగా ఆసక్తికర వ్యాఖ్యలు చేశాడు. ‘ఈ కథ వింటున్నంత సేపూ మనస్ఫూర్తిగా నవ్వుకున్నాను. వినోదంతో పాటు ఒక బలమైన ఎమోషనల్ పాయింట్ కూడా ఉంది. నా కెరీర్లో మొదటిసారిగా నేను ఒక చిత్రాన్ని సమర్పిస్తున్నా’ అని పేర్కొన్నాడు.
బాలకృష్ణ పుట్టినరోజు సందర్భంగా అభిమానులకు ఈసారి డబుల్ ట్రీట్ అందబోతోంది. ప్రస్తుతం బాలకృష్ణ, గోపీచంద్ మలినేని దర్శకత్వంలో తెరకెక్కుతున్న NBK111 నుంచి అఫీషియల్ గ్లింప్స్ను విడుదల చేసేందుకు మేకర్స్ రెడీ అవుతున్నారు. మరోవైపు బాలయ్య-కొరటాల శివ కాంబినేషన్లో ఇటీవల అధికారికంగా ప్రకటించిన NBK112 ప్రాజెక్ట్ టైటిల్ను రివీల్ చేసేందుకు చిత్రయూనిట్ సిద్దమవుతోంది.
కన్నడ స్టార్ ‘కిచ్చా’ సుదీప్ హీరోగా నటించిన మూవీ ‘మార్క్’. గతేడాది DEC 25న విడుదలైన ఈ మూవీ బాక్సాఫీస్ వద్ద మెప్పించింది. దర్శకుడు విజయ్ కార్తికేయ తెరకెక్కించిన ఈ చిత్రం JAN 23 నుంచే జియో హాట్స్టార్ వేదికగా కన్నడ, తెలుగు, తమిళం, మలయాళం, హిందీ భాషల్లోనూ స్ట్రీమింగ్ అవుతోంది. తాజాగా అమెజాన్ ప్రైమ్లో కేవలం హిందీలో వచ్చింది.
మెగాస్టార్ చిరంజీవి, కన్నడ లెజెండ్ రాజ్కుమార్ నాటి అరుదైన స్నేహ బంధాన్ని వారి వారసులు రామ్చరణ్, శివరాజ్కుమార్ కళ్లముందుంచారు. ‘పెద్ది’ ప్రమోషన్స్లో భాగంగా ఒకప్పటి చిరు-రాజ్కుమార్ల ఐకానిక్ హగ్గింగ్ స్టిల్ను ఈ ఇద్దరు అద్భుతంగా రీ-క్రియేట్ చేశారు. శివన్న ఎంతో ప్రేమతో చరణ్ను హత్తుకున్న ఫొటోలు SMలో సెన్సేషన్ సృష్టిస్తున్నాయి.
ఒక పల్లెటూరి నేపథ్యంలో సాగే మిస్టరీ క్రైమ్ థ్రిల్లర్ ‘సందిగ్ధం’. ఇవాళ విడుదలైన ఈ మూవీ ఫస్ట్ హాఫ్ నిదానంగా.. సాధారణ లవ్ స్టోరీతో సాగినప్పటికీ, ఇంటర్వెల్ ట్విస్ట్ కథలో ఆసక్తిని పెంచుతుంది. సెకండాఫ్లో వచ్చే సస్పెన్స్, థ్రిల్లింగ్ ఎలిమెంట్స్, క్లైమాక్స్ సినిమాకు ప్లస్ అయ్యాయి. నటీనటుల నటన, సినిమాటోగ్రఫీ బాగున్నాయి. ఓవరాల్ రేటింగ్: 2.5/5.
యంగ్ హీరో సుమంత్ ప్రభాస్, హీరోయిన్ అనంతిక సనిల్కుమార్ జంటగా ‘రోమాంచకం’ అనే ఓ రొమాంటిక్ ఎంటర్టైనర్ తెరకెక్కనుంది. ప్రముఖ దర్శకుడు సందీప్ రెడ్డి వంగా సమర్పణలో వేణు గోపాల్ రెడ్డి దర్శకత్వంలో ఈ ప్రాజెక్ట్ తెరకెక్కుతోంది. భద్రకాళి పిక్చర్స్, వంగా పిక్చర్స్ సంయుక్తంగా నిర్మిస్తున్నాయి. ప్రముఖ కన్నడ సంగీత దర్శకుడు వాసుకి వైభవ్ ఈ చిత్రానికి సంగీతం అందిస్తున్నాడు.
రామ్ చరణ్, జాన్వీ కపూర్ జంటగా బుచ్చిబాబు దర్శకత్వంలో ‘పెద్ది’ మూవీ తెరకెక్కించిన విషయం తెలిసిందే. జూన్ 4న ఈ మూవీ థియేటర్లలో సందడి చేయనుంది. ప్రమోషన్స్లో భాగంగా ఈ సినిమా ప్రీ రిలీజ్ ఈవెంట్ డేట్ ఫిక్స్ అయింది. విజయవాడలోని ఇందిరా గాంధీ మున్సిపల్ స్టేడియం వేదికగా జూన్ 1న సాయంత్రం 5 గంటలకు ఈ ఈవెంట్ జరగనున్నట్లు మూవీ టీమ్ SM వేదికగా వెల్లడించింది.
రెజీనా కసాండ్రా, అనుపమ పరమేశ్వరన్, విరాజ్ అశ్విన్ ప్రధాన పాత్రల్లో నటించిన మూవీ ‘మరీచిక’. ఇవాళ విడుదలైన ఈ సినిమా ప్రేక్షకులను అంతగా ఆకట్టుకోలేపోయింది. ఇంటర్వెల్, క్లైమాక్స్ సీన్స్, ఇళయరాజా బ్యాక్గ్రౌండ్ మ్యూజిక్ బాగున్నాయి. స్లోగా సాగే కథనం బోర్ కొట్టించింది. అలాగే సినిమాలోని పోలీస్ ఇన్వెస్టిగేషన్ సీన్స్ వీక్షకులను నిరాశ పరిచింది. ఓవరాల్ రేటింగ్: 2.25/5.
ప్రముఖ నటుడు జగపతి బాబు తన కరీర్ గురించి ఆసక్తికర విషయాలు పంచుకున్నాడు. యంగ్ హీరో వైష్ణవ్ తేజ్, బుచ్చిబాబు దర్శకత్వంలో వచ్చిన ‘ఉప్పెన’ మూవీలో హీరోయిన్ తండ్రి పాత్రను మిస్ చేసుకున్నట్లు తెలిపాడు. ఆ రోల్ కోసం చెప్పడానికి బుచ్చిబాబు తన ఇంటి గేట్ వరకు వచ్చి వెనక్కి వెళ్లిపోయాడన్నాడు. అయితే ఆ రోల్కి విజయ్ సేతుపతి అయితే బాగుంటుందని చెప్పాడని, ఆ నిజాయితీ నచ్చిందన్నాడు.
రామ్ చరణ్, జాన్వీ కపూర్ జంటగా దర్శకుడు బుచ్చిబాబు ‘పెద్ది’ మూవీ తెరకెక్కించాడు. జూన్ 4న ఈ మూవీ థియేటర్లలో సందడి చేయనుంది. ప్రమోషన్స్లో భాగంగా ఈ సినిమా ప్రీ రిలీజ్ ఈవెంట్ డేట్ ఫిక్స్ అయినట్లు తెలుస్తోంది. AP విజయవాడలోని ఇందిరా గాంధీ మున్సిపల్ స్టేడియం వేదికగా జూన్ 1న ఈ ఈవెంట్ జరగనున్నట్లు ఓ పోస్టర్ SMలో వైరల్ అవుతోంది. ఇక ఈ సినిమాకు AR రెహమాన్ మ్యూజిక్ అందించారు.
తమిళనాడులో సనాతన ధర్మంపై వివాదం మళ్లీ రాజుకుంది. అసెంబ్లీలో డీఎంకే నేత ఉదయనిధి స్టాలిన్ సనాతనాన్ని నిర్మూలించాలనే వ్యాఖ్యలు వివాదాస్పదం కాగా, నటుడు అర్జున్ సర్జా దానిపై స్పందించాడు. సనాతన ధర్మం మతం కాదని, అదొక జీవన విధానమని స్పష్టం చేశాడు. ఇది దొంగతనం చేయకపోవడం, అసూయపడకుండా ఉండటం, వృద్ధాప్యంలో తల్లిదండ్రులను పిల్లల్లా చూసుకోవడం వంటి మంచి విలువలను నేర్పుతుందన్నారు.
