AP: రామ్చరణ్ నటించిన ‘పెద్ది’ సినిమా టికెట్ ధరల పెంపునకు రాష్ట్ర ప్రభుత్వం అనుమతి ఇచ్చింది. జూన్ 3 రాత్రి 8 గంటల స్పెషల్ ప్రీమియర్ షో టికెట్ ధర రూ.600గా (GSTతో కలిపి) నిర్ణయించారు. విడుదలైన 4 నుంచి 10 రోజుల వరకు సింగిల్ స్క్రీన్స్లో రూ.100, మల్టీప్లెక్స్ల్లో రూ.125 పెంచుకోవచ్చు. రోజుకు 5 షోల ప్రదర్శనకు హోంశాఖ అనుమతినిచ్చింది.
చాలాకాలం గ్యాప్ తర్వాత నటి రోజా సెల్వమణి మళ్లీ వెండితెరకు రీఎంట్రీ ఇస్తుంది. ఆమె ప్రధాన పాత్రలో డీడీ బాలచంద్రన్ దర్శకత్వంలో వస్తున్న లేడీ ఓరియెంటెడ్ సినిమా ‘పులి మేక’ ట్రైలర్ను మే 29న సాయంత్రం 6 గంటలకు విడుదల చేయనున్నారు. సత్యజ్యోతి ఫిలిమ్స్ నిర్మిస్తున్న ఈ చిత్రానికి ఇళయరాజా సంగీతం అందిస్తుండడం విశేషం.
తనకు ఎస్వీ కృష్ణారెడ్డి, అచ్చిరెడ్డి చేసిన సాయాన్ని దర్శకుడు జి. నాగేశ్వర్ రెడ్డి గుర్తుచేసుకున్నాడు. గతంలో వరదల వల్ల తన పంటపొలం కొట్టుకుపోయినప్పుడు కృష్ణారెడ్డి రూ.25 వేల ఆర్థిక సాయం చేశాడని, ఆ డబ్బుతోనే తండ్రి ఆ తొమ్మిది ఎకరాల పొలాన్ని మళ్లీ బాగు చేశారని తెలిపాడు. నాడు దక్కిన ఆ పొలం విలువ ఈరోజు రూ.5 కోట్లు అని చెప్తూ భావోద్వేగానికి లోనయ్యాడు.
మెగాస్టార్ చిరంజీవి ప్రధాన పాత్రలో నటిస్తున్న సోషియో ఫాంటసీ మూవీ ‘విశ్వంభర’. భారీ విజువల్ ఎఫెక్ట్స్ కారణంగా ఆలస్యమవుతున్న ఈ మూవీ విడుదలపై సస్పెన్స్ నెలకొంది. తాజాగా ఈ మూవీని 2026, ఆగస్టు 14న రిలీజ్ చేసేందుకు మేకర్స్ సన్నాహాలు చేస్తున్నట్లు సమాచారం. ఇక వశిష్ఠ దర్శకత్వంలో త్రిష హీరోయిన్గా నటిస్తున్న ఈ మూవీకి కీరవాణి సంగీతం అందిస్తున్నాడు.
ఇండియాలోనే అద్భుతమైన సినిమాటోగ్రాఫర్గా గుర్తింపు తెచ్చుకున్న రత్నవేలు మెగాఫోన్ పట్టబోతున్నట్లు తెలుస్తోంది. ప్రస్తుతం ఆయన దర్శకత్వం వహించేందుకు ఓ కథను సిద్ధం చేస్తున్నాడట. తన తొలి మూవీ కోసం ఎమోషనల్ డెప్త్ ఉన్న పవర్ఫుల్ యాక్షన్ థ్రిల్లర్ కథను ఎంచుకున్నట్లు టాక్. స్క్రిప్ట్ వర్క్ పూర్తయిన తర్వాత, ఆ పాత్రకు సరిపోయే స్టార్ హీరోకి కథ వినిపించాలనే ఆలోచనలో ఉన్నాడట.
‘పెద్ది’లో నటించిన దివ్యేందు శర్మపై రామ్ చరణ్ ఆసక్తికర వ్యాఖ్యలు చేశాడు. అతను ఆఫ్స్క్రీన్లో పద్ధతైన జెంటిల్మ్యాన్ అని, కానీ ఆన్స్క్రీన్పై మాత్రం అలా కాదని చమత్కరించాడు. అలాగే ఈ మూవీ గురించి మాట్లాడుతూ.. ‘రోజూ పెద్ది పాత్ర గురించే ఇంట్లో, ఫ్రెండ్స్తో మాట్లాడేవాడిని. నా కెరీర్లో ఇంతగా లీనమైన చిత్రాలు చాలా తక్కువ’ అని చెప్పుకొచ్చాడు.
తమిళ సూపర్ స్టార్ రజినీకాంత్, దర్శకుడు నెల్సన్ దిలీప్ కుమార్ కాంబోలో రాబోతున్న మూవీ ‘జైలర్ 2’. ఈ సినిమాలో బాలీవుడ్ హీరో హృతిక్ రోషన్ క్యామియో రోల్లో కనిపించనున్నట్లు టాక్ వినిపిస్తోంది. మొదట షారుఖ్ ఖాన్ను సంప్రదించగా.. ఆయన అనివార్య కారణాల వల్ల రిజెక్ట్ చేశాడట. దీంతో మేకర్స్ హృతిక్ని సంప్రదించినట్లు సమాచారం. కాగా, దీనిపై అధికారిక ప్రకటన రావాల్సి ఉంది.
రామ్ చరణ్ ‘పెద్ది’ మూవీ జూన్ 4న రిలీజ్ కానుంది. అయితే జూన్ 3నే తెలుగు రాష్ట్రాల్లో పెయిడ్ ప్రీమియర్స్ ప్లాన్ చేస్తున్నారట. సాధారణంగా ఒక షో వేసే చోట, ఈసారి సాయంత్రం 6:55కు ఒకటి, రాత్రి 10:30కు మరొకటి.. ఇలా రెండు షోలు ప్రదర్శించనున్నారట. ఇందుకోసం రెండు రాష్ట్రాల్లో ప్రత్యేక జీవో తెచ్చేందుకు మేకర్స్ ప్రయత్నిస్తున్నట్లు సమాచారం.
‘పెద్ది’లో తన పాత్ర ‘అప్పలసూరి’పై జగపతి బాబు ఆసక్తికర వ్యాఖ్యలు చేశాడు. ‘ఈ రోల్, దీని యాసలో ఒక మ్యాజిక్ ఉంది. ఈ పాత్రకు డబ్బింగ్ చెప్పడం పెద్ద సవాలుగా అనిపించింది. కొన్నిసార్లు రోజంతా కేవలం 2 డైలాగులు చెప్పిన సందర్భాలు ఉన్నాయి. మేకప్నకే 3 గంటల సమయం పట్టేది. ఇప్పటి వరకూ నా కెరీర్లో చేసిన సినిమాలన్నీ ఒకెత్తు.. పెద్ది మరో ఎత్తు’ అని...
టాలీవుడ్లో నిర్మాతలు, ఎగ్జిబిటర్ల మధ్య పర్సంటేజ్ వివాదంపై యువ నిర్మాత ధీరజ్ మొగిలినేని ఆసక్తికర వ్యాఖ్యలు చేశాడు. ఇటీవల పెద్ద నిర్మాతలు ఏపీ డిప్యూటీ సీఎం పవన్ కళ్యాణ్ను కలవడంపై అసంతృప్తి వ్యక్తం చేశాడు. ‘రూ.100 కోట్ల బడ్జెట్ సినిమాల సమస్యలు వేరు, చిన్న మూవీల సమస్యలు వేరు. పవన్ని కలిసేటప్పుడు మాకు ఎలాంటి సమాచారం ఇవ్వలేదు, మమ్మల్ని పిలవలేదు’ అని తెలిపాడు.
‘పెద్ది’ ప్రమోషన్స్లో జగపతి బాబు ‘పుష్ప 2’విశేషాలు పంచుకున్నాడు. డబ్బింగ్ సమయంలో సుకుమార్ తనను ‘నిల్చొని చెప్పండి’ అన్నారని, తాను కూర్చున్న విషయం ఆయనకు ఎలా తెలిసిందో అర్థం కాలేదన్నాడు. మైక్ పట్టుకుని నడుస్తూ డబ్బింగ్ చెప్పి కొత్త విషయం నేర్చుకున్నట్లు తెలిపాడు. సుకుమార్, బుచ్చిబాబు క్లారిటీ ఉన్న డైరెక్టర్లని, వారి వల్ల నటుల పని సులువవుతుందని...
‘పెద్ది’ దర్శకుడు బుచ్చిబాబు విజన్పై బాలీవుడ్ నటుడు బొమన్ ఇరానీ ప్రశంసలు కురిపించాడు. అనుకున్న అవుట్పుట్ కోసం బుచ్చిబాబు ఎంతగానో శ్రమిస్తారని చెప్పాడు. ట్రైలర్లో హైలైట్గా నిలిచిన ‘క్రాస్ ఓవర్ అథ్లెట్’ డైలాగ్ కోసం ఏకంగా 78 టేక్స్ తీసుకున్నట్లు గుర్తుచేసుకున్నాడు. ‘పెద్ది’ క్రీడా నేపథ్యంతో కూడిన ఓ అద్భుతమైన దేశభక్తి సినిమా అని పేర్కొన్నాడు.
నిఖిల్ హీరోగా భరత్ కృష్ణమాచారి దర్శకత్వంలో ‘స్వయంభూ’ మూవీ తెరకెక్కుతుంది. ఈ మూవీ రిలీజ్ డేట్ అనౌన్స్మెంట్ పూర్తిగా గ్రాఫిక్స్ పనుల నాణ్యతపైనే ఆధారపడి ఉన్నట్లు తెలుస్తోంది. ప్రస్తుతం ఈ సినిమా సీజీ పనులు శరవేగంగా జరుగుతున్నాయట. గ్రాఫిక్స్ అవుట్పుట్పై చిత్ర బృందం పూర్తి సంతృప్తి చెందడమే తరువాయి.. వెంటనే విడుదల తేదీని అధికారికంగా ప్రకటించనున్నట్లు టాక్.
రామ్ చరణ్, బుచ్చిబాబుల ‘పెద్ది’ మూవీ జూన్ 4న విడుదల కానుంది. ఈ సినిమాను అనధికారికంగా ఆన్లైన్లో అప్లోడ్ చేయడం, పైరసీ కాపీలు విడుదల చేయడం వంటివి అడ్డుకోవాలని కోరుతూ మద్రాస్ హైకోర్టులో నిర్మాత పిటిషన్ దాఖలు చేశాడు. దీనిపై విచారణ జరిపిన కోర్టు.. సినిమాకు ‘యాంటీ-పైరసీ ఇంజంక్షన్’ ఇస్తూ మధ్యంతర ఉత్తర్వులు మంజూరు చేసింది.
‘డాన్ 3’ నుంచి రణ్వీర్ సింగ్ వైదొలగడంతో, మళ్లీ షారుఖ్ ఖాన్ ఈ ఫ్రాంచైజీలోకి వస్తున్నట్లు వార్తలు వస్తున్నాయి. అయితే, ఈ సినిమా చేయడానికి కింగ్ ఖాన్ ఒక క్రేజీ కండిషన్ పెట్టారట. ‘జవాన్’తో తనకు బిగ్గెస్ట్ హిట్ ఇచ్చిన మాస్ డైరెక్టర్ అట్లీ చేతికి ఈ ప్రాజెక్ట్ ఇస్తేనే తాను ఇందులో నటించడానికి సిద్ధమని షారుఖ్ స్పష్టం చేసినట్లు బాలీవుడ్లో జోరుగా ప్రచారం సాగుతోంది.
