యంగ్ హీరో కిరణ్ అబ్బవరం నటించిన వినరో భాగ్యము విష్ణు కథ(vinaro bhagyamu vishnu katha) మూవీ శనివారం(ఫిబ్రవరి 18న) విడుదల కాగా..ప్రేక్షకుల నుంచి పాజిటివ్ టాక్ సొంతం చేసుకుంది. దీంతో ఈ చిత్రం అనేక అంచనాలను ఆశ్చర్యపరిచే విధంగా చాలా ప్రాంతాలలో మంచి కలెక్షన్లను రాబట్టింది. ఈ నేపథ్యంలో వినరో భాగ్యము విష్ణు కథ మొదటి రోజు(day 1 collections) ప్రపంచవ్యాప్తంగా 2.75 కోట్లకు పైగా గ్రాస్ వసూలు చేసిందని మేకర్స్ ప్రకటించారు. రానున్న రోజుల్లో ఈ సినిమా మరింత వసూళ్లు రాబట్టనుందని పేర్కొన్నారు. అంతేకాదు బ్లాక్ బస్టర్ రెస్పాన్స్ ఇచ్చినందుకు ప్రేక్షకులందరికీ ధన్యవాదాలు కూడా తెలిపారు.
#VinaroBhagyamuVishnuKatha grosses over 𝟐.𝟕𝟓 𝐂𝐑 worldwide on DAY 1 🔥
Thank you all for the blockbuster response 🫶🏻❤️#VBVK in cinemas near you! 🤩
🎫 – https://t.co/CO9hpOhbzQ #AlluAravind #BunnyVas @Kiran_Abbavaram @kashmira_9 @KishoreAbburu @chaitanmusic @GA2Official pic.twitter.com/0ohLFkmhsp— GA2 Pictures (@GA2Official) February 19, 2023
దీంతో కిరణ్ అబ్బవరం(KiranAbbavaram) కెరీర్లో ఈ చిత్రం అత్యధిక గ్రాస్ వసూళ్లు సాధించిన చిత్రంగా నిలిచింది. సీడెడ్ లో దాదాపు 40 లక్షలను తెచ్చిపెట్టగా.. ఓవరాల్‌గా ఈ చిత్రం కేవలం తెలుగు రాష్ట్రాల్లో 2.5 కోట్ల గ్రాస్ వసూలు చేసినట్లు తెలిసింది. మిగిలిన ప్రాంతాల నుంచి దాదాపు రూ.25 లక్షల గ్రాస్ వసూలు చేసినట్లు సమాచారం. మురళీ శర్మ(murali sharma) కీలక పాత్రలో నటించిన ఈ ఎంటర్‌టైనర్‌లో కిరణ్ అబ్బవరం, కాశ్మీర(kashmira pardeshi) హీరో హీరోయిన్లుగా నటించారు. కిరణ్ అబ్బవరం నటన, మురళీ శర్మ అద్భుతమైన యాక్టింగ్ విమర్శకులు, ప్రేక్షకుల నుంచి మంచి ప్రశంసలను పొందారు.
ఈ చిత్రానికి మురళీ కిషోర్ అబ్బూరు(murali kishore abburu) దర్శకత్వం వహించారు. అల్లు అరవింద్ సమర్పణలో బన్నీ వాస్(bunny vasu) ఈ చిత్రాన్ని నిర్మించారు. డేనియల్ విశ్వాస్ ఛాయాగ్రహణం, మార్తాండ్ కె వెంకటేష్ ఎడిటింగ్ బాధ్యతలు నిర్వహించారు. ఈ సినిమాకు చైతన్ భరద్వాజ్ మ్యూజిక్(Music) అందించారు. ఈ మూవీలో ఆమని, శుభలేఖ సుధాకర్, మురళీ శర్మ, ఎల్బీ శ్రీరామ్ వంటివారు ప్రధాన పాత్రల్లో నటించారు.
చదవండి: Protest: ఎస్సై, కానిస్టేబుల్ అభ్యర్థుల ఆందోళన..మళ్లీ కోర్టుకు వెళతాం!
