Hrithik Roshan's 'Fighter' Teaser Released
ఈ ఏడాది ఆరంభంలో బాలీవుడ్ బాద్‌షా షారుఖ్ ఖాన్‌కు పఠాన్ సినిమాతో సాలిడ్ హిట్ ఇచ్చాడు దర్శకుడు ఆనంద్ సిద్ధార్త్. ఏకంగా వెయ్యి కోట్లు రాబట్టింది పఠాన్. స్పై యూనివర్స్‌గా వచ్చిన ఈ సినిమాలో యాక్షన్ సీన్స్ అదిరిపోయాయి. సల్మాన్ ఖాన్ గెస్ట్ రోల్ చేయడంతో దుమ్ముదులేపిసింది పఠాన్. ఇక ఈ సినిమా తర్వాత హృతిక్ రోషన్(Hrithik Roshan)తో కలిసి ‘ఫైటర్’ అనే సినిమా చేస్తున్నాడు సిద్దార్త్ ఆనంద్. ఈ సినిమాలో బాలీవుడ్ హాట్ డ్యూటీ దీపికా పదుకొనే హీరోయిన్‌గా నటిస్తోంది. వచ్చే ఏడాది జనవరి 25న ఫైటర్ రిలీజ్‌కు ప్లాన్ చేస్తున్నారు. ఈ సినిమా కూడా స్పై యూనివర్స్‌లో భాగంగానే వస్తోంది.
తాజాగా ఫైటర్(Fighter) సినిమా టీజర్ రిలీజ్ చేశారు. ఇక ఈ టీజర్ చూసిన తర్వాత హాలీవుడ్ సినిమాలకు ఏ మాత్రం తీసిపోకుండా ఉంది. గతంలో హృతిక్, సిద్ధార్త్ కాంబినేషన్‌లో బ్యాంగ్ బ్యాంగ్ అనే సినిమా వచ్చింది. ఈ మూవీలో యాక్షన్ ఎపిసోడ్స్ అదిరిపోయేలా ఉంటాయి. ఇక ఇప్పుడు అంతకుమించి అనేలా ఫైటర్‌తో యాక్షన్ చూపించబోతున్నారు సిద్దార్థ్ ఆనంద్, హృతిక్ రోషన్. టీజర్‌లో ప్రతి షాట్, ప్రతి ఫ్రేమ్ వావ్ ఫ్యాక్టర్‌గా ఉంది. ముఖ్యంగా హృతిక్ స్క్రీన్ ప్రెజెన్స్ నెక్స్ట్ లెవల్ అనేలా ఉంది.
అలాగే ఈ టీజర్‌లో దీపికా, అనిల్ కపూర్ లుక్స్‌ని కూడా రివీల్ చేశారు. ఇందులో దీపిక(deepika padukone)కు సంబంధించిన షాట్ ఒకటి సోషల్ మీడియాను షేక్ చేస్తోంది. పఠాన్ సినిమాలో బికినీతో రెచ్చిపోయిన దీపిక.. ఫైటర్‌లోను అదే హాట్ డోస్ ఇచ్చినట్టుగా ఒక బీచ్ షాట్‌తో చెప్పేశారు. టీజర్ దీపిక బికినీ షాట్ అలా వచ్చి ఇలా వెళ్లిపోయినప్పటికీ.. అమ్మడి అందాల విందు మామూలుగా ఉండదనే చెప్పాలి. మరి ఫైటర్ ఎలా ఉంటుందో చూడాలి.
ఇది కూడా చూడండి: Animal: మూవీపై అల్లు అర్జున్ రివ్యూ చదివారా?
