ఆంధ్రప్రదేశ్ రాష్ట్రంలో రేపట్నుంచి ఆరోగ్యశ్రీ సేవలు బంద్ కానున్నాయి. ఆరోగ్యశ్రీ నెట్ వర్క్ ఆస్పత్రులతో గురువారం ప్రభుత్వం చేపట్టిన చర్చలు విఫలం అయ్యాయి. నేడు ఆంధ్రప్రదేశ్ స్పెషాలిటీ హాస్పిటల్స్ అసోసియేషన్ ప్రభుత్వ అధికారులు చర్చించింది. ఈ తరుణంలో తమ డిమాండ్లను ప్రభుత్వం తీర్చకపోవడంతో ఆరోగ్యశ్రీని రేపట్నుంచి నిలిపివేయనున్నట్లు తెలుస్తోంది.
ఇది కూడా చూడండి: Gaston Glock: పిస్టల్ గ్లాక్ రూపకర్త మృతి
గత కొన్నేళ్లుగా ఆరోగ్యశ్రీ చికిత్స ఫీజులను ఏపీ ప్రభుత్వం సరిగ్గా చెల్లించడం లేదు. అలాగే గత పదేళ్లుగా ప్యాకేజీ ధరలను కూడా పెంచకపోవడంతో పలు ఆస్పత్రులు ఆవేదన వ్యక్తం చేశాయి. ఆరోగ్యశ్రీ పథకంలో రోగులకు సంబంధించిన చికిత్సలపై ఫీజు చెల్లింపుల్లో జాప్యం జరుగుతోందని మండిపడ్డాయి. రేపటి నుంచి ఆరోగ్య శ్రీ ట్రస్టు ద్వారా కొత్త కేసులను అడ్మిట్ చేసుకోమని వెల్లడించాయి.
ఇది కూడా చూడండి: Ambati Rayudu: వైఎస్సార్ సీపీలో చేరిన మాజీ క్రికెటర్ అంబటి రాయుడు
న్యాయమైన డిమాండ్లను పరిష్కరించడానికి ఏపీ ప్రభుత్వం ఎలాంటి చర్యలు తీసుకోలేదని, వెంటనే బకాయిలను విడుదల చేయాలని డిమాండ్ చేశాయి. రేపటి నుంచి ఈహెచ్‌ఎస్‌ కింద కూడా వైద్య సేవలు అందించలేమని, తమ డిమాండ్లను పరిష్కరించే వరకూ ఆరోగ్య శ్రీ సేవలు రోగులకు అందవని ఆస్పత్రి సంఘాలు స్పష్టం చేశాయి.
