Ambati Rayudu: ప్రముఖ భారత క్రికెటర్ అంబటి రాయుడు వైఎస్సార్ కాంగ్రెస్ పార్టీలో చేరారు. ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి సమక్షంలో ఆయన పార్టీ కండువా కప్పుకున్నారు. అంబటి రాయుడికి వైసీపీ అధినేత వైఎస్ జగన్ పార్టీ కండువా కప్పి తన పార్టీలోకి ఆహ్వానించారు. ఈ కార్యక్రమంలో డిప్యూటీ సీఎం నారాయణస్వామి, ఎంపీ పెద్దిరెడ్డి మిథున్‌రెడ్డి పాల్గొన్నారు. అంబటి రాయుడు గత కొంత కాలంగా ఏపీ రాజకీయాలపై ఆసక్తి చూపుతున్న సంగతి తెలిసిందే. వీలు చిక్కినప్పుడల్లా జగన్ ప్రభుత్వాన్ని పొగిడి రాజకీయాల్లోకి రావడానికి బాటలు వేసుకున్నారు. ఈ క్రమంలోనే ఆయన వైసీపీలో చేరడం గమనార్హం. వచ్చే ఏపీ అసెంబ్లీ ఎన్నికల్లో లేదా పార్లమెంట్ ఎన్నికల్లో పోటీ చేసే అవకాశం ఉన్నట్లు తెలుస్తోంది. అయితే దీనిపై అధికారిక ప్రకటన రావాల్సి ఉంది.
