bus and tractor collision in ap anantapur district four people died
విశాఖపట్నం ఉక్కు కర్మాగారం (VSP) స్థానిక సెక్టార్-2 వద్ద ఓ బైక్ డివైడర్‌ను ఢీకొనడంతో బైక్‌పై వెళ్తున్న ముగ్గురు యువకులు గురువారం సాయంత్రం మృత్యువాత చెందారు. మృతులు విశాఖపట్నంలోని గంగవరం ప్రాంతానికి చెందిన ఎ. సోమేష్ (19), కె.వాసు (20), కె.రాజు (23)గా గుర్తించారు. సమాచారం తెలుసుకున్న పోలీసులు ఘటనా స్థలానికి చేరుకుని కేసు నమోదు చేసి..క్షతగాత్రులను ఆస్పత్రికి తరలించారు. అయితే ఈ యువకులు పుడిమడకలో శుభకార్యానికి వెళ్లేందుకు ముగ్గురు కలిసి బైకుపై వెళ్తున్న క్రమంలో విశాఖలోని సెక్టార్ 2కు చేరుకునే క్రమంలో ఈ ప్రమాదం జరిగింది.
ఆ క్రమంలోనే సోమేష్ బైక్‌ను అతివేగంతో నడపడంతో అది అదుపు తప్పి డివైడర్‌ను ఢీకొట్టిందని విశాఖపట్నం స్టీల్ ప్లాంట్ ఇన్‌స్పెక్టర్ వి.శ్రీనివాసరావు అన్నారు. బైక్ ఎలక్ట్రికల్‌ స్తంభాన్ని ఢీకొట్టడంతో బైక్‌పై వెళుతున్న ముగ్గురు చెల్లాచెదురుగా పడిపోయారు. సోమేష్, వాసు అక్కడికక్కడే మృతి చెందగా రాజు కింగ్ జార్జ్ ఆసుపత్రిలో చికిత్స పొందుతూ మరణించాడు. హెల్మెట్ ధరించినప్పటికీ సోమేష్ తలకు బలమైన గాయమై అక్కడికక్కడే మృతి చెందాడని అధికారులు తెలిపారు. ఈ విషయం తెలిసిన యువకుల తల్లిదండ్రులు బోరున విలపిస్తున్నారు. ఎంతో స్నేహంగా ఉండే ముగ్గురు స్నేహితులు ఒక్కసారిగా మృత్యువాత చెందడం పట్ల స్థానికులు కూడా విచారం వ్యక్తం చేశాారు. ఈ నేపథ్యంలో ఆ ప్రాంతంలో విషాదం అలుముకుంది.
ఇది కూడా చూడండి: Ashwini Chaubey: లిక్కర్ కేసులో కవిత జైలుకు వెళ్లడం ఖాయం.. కేంద్రమంత్రి అశ్విని చౌబే
