W.G: వీరవాసరంలో జరగనున్న రాష్ట్ర స్థాయి ఆక్వా రైతుల సదస్సుకు ఆదివారం పూలపల్లి నుంచి రైతులు పెద్ద ఎత్తున తరలివెళ్లారు. జై భారత్ క్షీరారామ ఆక్వా రైతు సంఘం అధ్యక్షుడు గాంధీరాజు ఆధ్వర్యంలో ఈ యాత్ర సాగింది. ఈ సందర్భంగా ఆయన మాట్లాడుతూ.. ఫీడ్ రేట్లు తగ్గకపోవడం, రొయ్య ధరలు పెరగకపోవడం, దళారుల దోపిడీపై సదస్సులో చర్చించనున్నట్లు తెలిపారు.
CTR: చిత్తూరు కలెక్టరేట్లో ప్రజా ఫిర్యాదుల పరిష్కార వేదిక (గ్రీవెన్స్ డే) సోమవారం నిర్వహిస్తున్నట్లు జిల్లా కలెక్టర్ సుమిత్ కుమార్ ఆదివారం ఓ ప్రకటనలో తెలిపారు. రేపు ఉదయం 9:30 నుంచి మధ్యాహ్నం 2 గంటల వరకు కలెక్టరేట్లోని నూతన సమావేశపు మందిరంలో ప్రజల నుంచి అర్జీలు స్వీకరిస్తామన్నారు. ఈ కార్యక్రమానికి జిల్లా అధికారులు తప్పక హాజరుకావాలని ఆదేశించారు.
KDP: జమ్మలమడుగు మండలం భీమరాయుని కొట్టాలలో నూతనంగా నిర్మించనున్న మారెమ్మ తల్లి, సేవలాల్ మహారాజ్ దేవాలయాలకు టీడీపీ జిల్లా అధ్యక్షుడు భూపేశ్ రెడ్డి ఆదివారం భూమి పూజ చేశారు. దేవాలయ నిర్మాణ పనులు ప్రారంభం కావడంపై గ్రామస్థులు సంతోషం వ్యక్తం చేస్తూ, అతిథులకు ఘన స్వాగతం పలికారు. ఈ కార్యక్రమంలో టీడీపీ నాయకులు పాల్గొన్నారు.
అన్నమయ్య: ప్రతి సోమవారం నిర్వహించే PGRS కార్యక్రమం ఇకపై నూతన జిల్లా పోలీసు కార్యాలయంలో నిర్వహించనున్నట్లు ఎస్పీ ధీరజ్ తెలిపారు. ఆధునిక వసతులతో కూడిన ఈ కార్యాలయంలో ఫిర్యాదుదారులు నేరుగా తమ సమస్యలను తెలియజేయవచ్చని పేర్కొన్నారు. ప్రతి సమస్యను అధికారులతో కలిసి విజయవంతంగా పరిష్కరిస్తామని తెలిపారు.
ATP: గుత్తి మండల వ్యాప్తంగా డొమెస్టిక్ లేదా కమర్షియల్ గ్యాస్ సిలిండర్లు కావాల్సిన వారు ఆన్లైన్ ద్వారా బుక్ చేసుకుని సిలిండర్లు పొందాలని ఎంపీడీవో ప్రభాకర్ నాయక్ ఒక ప్రకటనలో తెలిపారు. ఆయన మాట్లాడుతూ.. గ్యాస్ సిలిండర్ల కోసం ప్రజలు ఎవరూ కూడా గ్యాస్ ఏజెన్సీల వద్దకు వెళ్లవద్దన్నారు. ఇంటి వద్దకే డెలివరీ చేస్తున్నట్లు పేర్కొన్నారు.
KRNL: హాలహర్వి మండలం సిరుగాపురం గ్రామానికి చెందిన వైసీపీ నాయకుడు కుమ్మరి వనప్ప అనారోగ్యంతో మృతిచెందారు. ఈ విషయం తెలుసుకున్న ఆలూరు ఎమ్మెల్యే బుసినే విరుపాక్షి భౌతికదేహానికి పూలమాల వేసి నివాళులు అర్పించారు. అనంతరం కుటుంబసభ్యులను పరామర్శించారు. అండగా ఉంటామని భరోసా ఇచ్చారు. ఎమ్మెల్యే వెంట పలువురు వైసీపీ నాయకులు పాల్గొన్నారు.
PLD: రెంటచింతల మండలం మల్లవరం గ్రామంలో దుర్గి మార్కెట్ యార్డ్ సౌజన్యంతో ఏర్పాటు చేసిన ఉచిత పశు వైద్య శిబిరాన్ని మాచర్ల ఎమ్మెల్యే జూలకంటి బ్రహ్మానందరెడ్డి ప్రారంభించారు. ఈ శిబిరంలో పశువులకు వైద్య పరీక్షలు నిర్వహించి, అవసరమైన మందులను ఉచితంగా పంపిణీ చేశారు. రైతులకు అమలు చేస్తున్న సంక్షేమ పథకాల గురించి ఎమ్మెల్యే వివరించారు.
ప్రకాశం: కొండపి గ్రామానికి చెందిన టీడీపీ సీనియర్ నాయకులు బోధవాటి సోమయ్య అనారోగ్యానికి గురై మెడిక్యూర్ వైద్యశాలలో చికిత్స పొందుతుండగా మంత్రి స్వామి ఆదివారం ఆయనను పరామర్శించారు. ఆయన ఆరోగ్య పరిస్థితులను అడిగి తెలుసుకున్నారు. అనంతరం వైద్యులతో మాట్లాడారు. సోమయ్యకు మంత్రి స్వామి డాక్టర్ కావడంతో పలు సూచనలు చేశారు ఆరోగ్యం పట్ల తీసుకోవాల్సిన జాగ్రత్తలను వివరించారు.
GNTR: జిల్లా ప్రజల సమస్యలకు త్వరిత పరిష్కారం కోసం పబ్లిక్ గ్రీవెన్స్ సేవలను వినియోగించుకోవాలని జిల్లా కలెక్టర్ తమీమ్ అన్సారియా సూచించారు. ‘మీ కోసం’ వెబ్సైట్లో ఆన్లైన్ ద్వారా ఫిర్యాదులు నమోదు చేసుకోవచ్చని తెలిపారు. ప్రతి సోమవారం జిల్లాలో PGRS, రెవెన్యూ క్లినిక్స్ నిర్వహిస్తూ ప్రజల సమస్యలను స్వీకరించి పరిష్కరిస్తున్నట్లు వెల్లడించారు.
అనంతపురం ఆర్డీటీ స్టేడియంలో జరిగిన 104 ఉద్యోగుల రాష్ట్రస్థాయి క్రికెట్ పోటీల్లో శ్రీ సత్యసాయి జిల్లా జట్టు ఘనవిజయం సాధించింది. అనంతపురం జట్టుతో జరిగిన ఉత్కంఠ పోరులో 19 పరుగుల తేడాతో గెలుపొందింది. గంగులప్ప 39 పరుగులు చేసి ‘మ్యాన్ ఆఫ్ ది మ్యాచ్’ అందుకున్నారు. బౌలింగ్లో విజయ్, నాగార్జున తలో మూడు వికెట్లు తీసి ప్రత్యర్థిని కట్టడి చేశారు.
ASR: ఇండియన్ రెడ్ క్రాస్ సొసైటీ ఆధ్వర్యంలో ‘మీ ఇంటికి మీ డాక్టర్’ ప్రాజెక్టు ద్వారా, మొబైల్ క్లినిక్ ఏర్పాటు కోసం నాలుగు పోస్టులు తీయడం జరిగిందని ఏఐటీయూసీ జిల్లా కో కన్వీనర్ అమర్ తెలిపారు. ఈ పోస్టుల భర్తీలో అవకతవకలు జరిగాయని ఆయన ఆరోపించారు. ఆదివారం పాడేరులో మాట్లాడుతూ.. డాక్టర్, ఫార్మాసిస్ట్, స్టాఫ్ నర్స్, డ్రైవర్ పోస్టులను తప్పులతడకగా భర్తీ చేశారన్నారు.
NTR: నందిగామలో పీపుల్స్ వెల్ఫేర్ అసోసియేషన్ ఆధ్వర్యంలో నిర్వహించిన ఉచిత వీల్చైర్ల పంపిణీ కార్యక్రమంలో ఎమ్మెల్యే తంగిరాల సౌమ్య పాల్గొని, దివ్యాంగులకు ఉచిత వీల్చైర్లు అందజేశారు. దివ్యాంగుల సంక్షేమం పట్ల ప్రభుత్వం కట్టుబడి ఉందని, వారికి అవసరమైన సహాయక పరికరాలు అందించడం ద్వారా జీవన ప్రమాణాలు మెరుగుపడతాయని అన్నారు.
ATP: వాహనదారులు తప్పనిసరిగా రోడ్డు నిబంధనలు పాటించాలని, ఉల్లంఘిస్తే చట్ట ప్రకారం కఠిన చర్యలు తీసుకుంటామని గుత్తి సీఐ రామారావు పట్టణ ప్రజలకు హెచ్చరించారు. ఆదివారం సీఐ ఆధ్వర్యంలో పోలీసులు వాహనాల తనిఖీలు నిర్వహించారు. ఈ సందర్భంగా ఆయన మాట్లాడుతూ.. ప్రతి ఒక్కరూ తప్పనిసరిగా రోడ్డు నిబంధనలు పాటిస్తూ… ప్రమాదాల నివారణకు సహకరించాలని కోరారు.
CTR: పులిచెర్ల మండలం మంగళంపేటలోని ప్రసన్న వేంకటేశ్వర స్వామి ఆలయానికి చిత్తూరుకు చెందిన దాత కస్తూరి రంగన్ రోహిణి రంగన్ దంపతులు రూ.5 లక్షలు విలువైన వెండి వస్తువులు వితరణ చేశారు. ఆలయానికి చేసిన వీరికి స్వామి దర్శనం కల్పించారు. అనంతరం శేష వస్త్రంతో సత్కరించి తీర్థప్రసాదాలు అందజేశారు. అర్చకులు శేషాద్రి ఆచార్యులు, సర్పంచ్ మధు, భక్తులు పాల్గొన్నారు.
AKP: నర్సీపట్నం మున్సిపాలిటీ అభివృద్ధికి ప్రభుత్వం పెద్దపీట వేస్తోందని స్పీకర్ చింతకాయల అయ్యన్నపాత్రుడు ఆదివారం తెలిపారు. గత రెండేళ్లలో రూ.24 కోట్లతో రోడ్లు, డ్రైనేజీలతో కలిపి 341 పనులు పూర్తయ్యాయని చెప్పారు. తాజాగా VMRDA ద్వారా మరో రూ.8 కోట్లు మంజూరయ్యాయని వెల్లడించారు. 28 వార్డుల్లో 81 పనులకు ప్రణాళికలు సిద్ధమయ్యాయని చెప్పుకొచ్చారు.
