అనంతపురంలోని బీజేపీ జిల్లా కార్యాలయంలో శనివారం జిల్లా అధ్యక్షుడు రాజేష్ కురుబ అధ్యక్షతన SIRపై సన్నాహక సమావేశం నిర్వహించారు. ఈ కార్యక్రమానికి రాష్ట్ర మీడియా అధికార ప్రతినిధి మధుసూదన్, రాష్ట్ర కార్యదర్శి శ్రీనివాసులు సందిరెడ్డి ముఖ్య అతిథులుగా హాజరయ్యారు. జిల్లా వ్యాప్తంగా వచ్చిన నాయకులకు రాబోయే కార్యక్రమాలపై దిశానిర్దేశం చేశారు.
అన్నమయ్య: రాయచోటి వాసవి క్లబ్ వనితల ఆధ్వర్యంలో కన్యకా పరమేశ్వరి దేవస్థానంలో ప్రత్యేక కార్యక్రమం నిర్వహించి, 111 మంది ముత్తయిదువులకు వడి బియ్యం అందజేశారు. ముందుగా అమ్మవారికి ఒడిబియ్యం కట్టి అనంతరం మహిళలకు పంపిణీ చేశారు. ఈ కార్యక్రమంలో క్లబ్ సభ్యులు భారీగా పాల్గొన్నారు. పూర్వ అధ్యక్షురాలు మాధవి లత, ప్రస్తుత అధ్యక్షురాలు ఉమామహేశ్వరి ఈ సేవా కార్యక్రమంపై సంతోషం వ్యక్తం చేశారు.
VZM: పశ్చిమాసియాలో యుద్ధం సమసిపోయి, ప్రపంచంలో శాంతి నెలకొనాలని అంకాంక్షిస్తూ ముస్లిం సోదరులు ఈద్గాల్లో ప్రత్యేక ప్రార్థనలు చేశారు. 30 రోజులు పాటు కఠోరమైన ఉపవాస దీక్షలు చేసిన ముస్లిం సోదరులు శనివారం నెలవంక ఉషోదయంతో దీక్షను విరమించి రంజాన్ పండగను ఘనంగా జరుపుకొన్నారు. RTC కాంప్లెక్స్ సమీపంలో గల అతి పెద్ద ఈద్గాల్లో అందరూ కలిసి సామూహిక ప్రార్థనలు చేశారు.
SKLM: సీఎం రిలీఫ్ ఫండ్ ద్వారా పేదలకు ఆర్థిక భరోసా కలుగుతుందని ఎమ్మెల్యే మామిడి గోవిందరావు అన్నారు. శనివారం తన క్యాంప్ కార్యాలయంలో పాతపట్నం నియోజకవర్గానికి చెందిన పలువురు లబ్ధిదారులకు సీఎం రిలీఫ్ ఫండ్ ద్వారా మంజూరైన చెక్కులను పంపిణీ చేశారు. ఈ నిధులను సద్వినియోగం చేసుకోవాలని ఎమ్మెల్యే కోరారు.
E.G: రాష్ట్రంలో నిరుద్యోగ సమస్యను సమూలంగా పరిష్కరించి యువతకు స్థిరమైన ఉపాధి అవకాశాలు కల్పించడమే ప్రభుత్వ లక్ష్యమని జిల్లా టీడీపీ అధ్యక్షులు బొడ్డు వెంకటరమణ చౌదరి అన్నారు. శనివారం రాజానగరంలో ఆయన మాట్లాడుతూ.. యువత భవిష్యత్తు బలోపేతం చేయడమే లక్ష్యంగా ప్రభుత్వం ముందుకు సాగుతోందని, 20 లక్షల ఉద్యోగాలు కల్పించేందుకు ప్రణాళికలు సిద్ధం చేస్తుందన్నారు.
KDP: గండి క్షేత్రం అర్చకులపై మాజీ ఛైర్మన్ రాజారావు తీవ్ర ఆరోపణలు చేశారు. డబ్బుల కోసం నైవేద్యం పెట్టకుండా అపచారం చేస్తున్నారని, క్షేత్రంలో అవినీతి తాండవం ఆడుతోందని విమర్శించారు. పూలమాలలు తిరిగి విక్రయించడం, తాయతులు అమ్మకం వంటి అక్రమాలు జరుగుతున్నాయని ఆరోపించారు. అర్చకుల ఆస్తులపై విచారణ జరిపించాలని, దేవాదాయ శాఖ ఉన్నతాధికారులను దర్యాప్తు చేయాలని డిమాండ్ చేశారు.
AKP: నక్కపల్లిలో స్టీల్ ప్లాంట్కు ఈనెల 23న శంకుస్థాపన జరుగుతున్న నేపథ్యంలో ప్రతి గ్రామంలో పండగ చేసుకోవాలని ఎమ్మెల్యే సుందరపు విజయ్ కుమార్ పిలుపునిచ్చారు. స్థానిక జడ్పీ అతిథి గృహంలో స్టీల్ ప్లాంట్ శంకుస్థాపనపై కూటమి ముఖ్యనేతలతో సమావేశం నిర్వహించారు. నియోజకవర్గం నుంచి ప్రజలను తరలించేందుకు 50 బస్సులు కేటాయించినట్లు తెలిపారు.
VSP: గరికపాటి నరసింహారావు విద్యార్థులపై చేసిన వ్యాఖ్యలకు బహిరంగ క్షమాపణ చెప్పాలని AISF డిమాండ్ చేసింది. శనివారం జిల్లా కార్యదర్శి ఉల్లం నాగరాజు ఓ ప్రకటన విడుదల చేశారు. మధ్యాహ్న భోజన పథకంపై అవమానకర వ్యాఖ్యలు చేయడం తగదన్నారు. ఈ పథకం వల్ల పేద విద్యార్థుల ఆకలి తీరి చదువుకు దోహదం అవుతుందని తెలిపారు. అలాగే, గుడ్డు ద్వారా పోషకాహారం లభిస్తుందని చెప్పారు.
VZM: గుర్ల మండలం జమ్మూపేట గ్రామంలో శనివారం శ్రీ మహాగణపతి, షిర్డీసాయి, హనుమత్, లక్ష్మణ సమేత సీతారామచంద్రస్వామి వారి ఆలయ ప్రతిష్ఠా మహోత్సవం అత్యంత భక్తిశ్రద్ధలతో, వైభవంగా నిర్వహించారు. ఈ కార్యక్రమానికి జడ్పీ ఛైర్మన్ మజ్జి శ్రీనివాసరావు ముఖ్య అతిథిగా పాల్గొన్నారు. ఈ సందర్భంగా ఆయన స్వామివార్లకు ప్రత్యేక పూజలు నిర్వహించి, తీర్థప్రసాదాలు స్వీకరించారు.
SKLM: డీఆర్ఎన్ కళాశాల తొలి ప్రిన్సిపాల్ కొర్లాం పార్వతీశం (82) శనివారం తుదిశ్వాస విడిచారు. నరసన్నపేట పట్టణం మారుతీ నగర్-2లోని ఆయన నివాసంలో పార్థివదేహానికి మాజీ ఉప ముఖ్యమంత్రి ధర్మాన కృష్ణదాస్ పూలమాల వేసి ఘనంగా నివాళులర్పించారు. అనంతరం 1999 నుంచి 2010 వరకు ప్రిన్సిపాల్గా ఆయన అందించిన సేవలను గుర్తు చేసుకున్నారు.
KDP: ఆంధ్ర జెస్యూట్ ప్రావిన్స్ ప్రొవిన్షియల్ ఆర్.జాన్ ఇవాళ పులివెందులలోని లయోలా డిగ్రీ కళాశాలను సందర్శించారు. 30 అధునాతన కంప్యూటర్లతో ఏర్పాటు చేసిన క్వాంటం టెక్నాలజీ ల్యాబ్ను ఆయన ప్రారంభించారు. అనంతరం కళాశాలలోని మూడు మ్యూజియంలను సందర్శించి, అక్కడ భద్రపరిచిన అరుదైన చారిత్రక వస్తువులను ఆసక్తిగా పరిశీలించారు.
TPT: శ్రీకాకుళం నుంచి నేరుగా తిరుపతికి వెళ్లేలా రైలు సర్వీస్ నడిపే అంశంపై పరిశీలన చేస్తున్నట్లు కేంద్రమంత్రి రామ్మోహన్ నాయుడు పేర్కొన్నారు. శ్రీకాకుళం జిల్లా హరిశ్చంద్రపురం రైల్వే హాల్ట్ ప్రారంభోత్సవంలో ఆయన మాట్లాడారు. ఈ ట్రైన్ వస్తే ఇటు శ్రీవారి భక్తులకు, వలస కార్మికులకి చాలా ఉపయోగంగా ఉండనుంది.
ప్రకాశం: కార్మిక వ్యతిరేక లేబర్ కోడ్స్ రద్దు చేయాలని సీఐటీయూ రాష్ట్ర కార్యదర్శి సీహెచ్ నరసింహారావు డిమాండ్ చేశారు. శనివారం మార్కాపురం ప్రెస్ క్లబ్లో జరిగిన జిల్లా ప్లీనరీ సమావేశంలో మాట్లాడారు. ఎన్నికల ముందు కూటమి కార్మిక వర్గానికి అనేక హామీలు ఇచ్చి నేటికి 2 ఏళ్లు అవుతున్న ఏ ఒక్క హామీ అమలు చేయలేదన్నారు.
కోనసీమ: మండపేట నియోజకవర్గ యువతకు ఉపాధి అవకాశాలను కల్పించేందుకు ఏపీ రాష్ట్ర నైపుణ్యాభివృద్ధి సంస్థ ఆధ్వర్యంలో భారీ స్థాయిలో రాయవరం రూరల్ VSR డిగ్రీ కళాశాలలో జాబ్ మేళా నిర్వహిస్తున్నట్లు ఎమ్మెల్యే వేగుళ్ల జోగేశ్వరరావు శనివారం తెలిపారు. ఈ జాబ్ మేళాకు SSC, ఇంటర్, డిగ్రీ, ఐటీఐ ఇతర విద్యా, నైపుణ్య అర్హతలు కలిగిన అభ్యర్థులు అర్హులని చెప్పుకొచ్చారు.
KRNL: సి.బెళగల్ మండల పరిధిలోని పోలకల్ గ్రామానికి చెందిన టీడీపీ సీనియర్ నాయకులు బోయ సోముడు రాత్రి గుండెపోటుతో మృతి చెందాడు. ఇవాళ సోముడు మృతి చెందిన విషయాన్ని టీడీపీ నాయకుల ద్వారా తెలుసుకున్న కెడిసిసి బ్యాంకు ఛైర్మన్ విష్ణువర్ధన్ రెడ్డి, కోడుమూరు ఎమ్మెల్యే బొగ్గుల దస్తగిరి సోమన్న పార్థివ దేహానికి పూలమాలవేసి నివాళులర్పించారు.
