ప్రకాశం: మార్కాపురం మండలం నికరంపల్లిలో సోమవారం ఉదయం ఎమ్మార్వో చిరంజీవి ఆధ్వర్యంలో రెవెన్యూ సదస్సును నిర్వహించారు. ఈ సందర్భంగా ఆయన ప్రజల నుండి అర్జీలను స్వీకరించారు. ప్రభుత్వం ప్రతిష్టాత్మకంగా చేపట్టిన రెవెన్యూ సదస్సును ప్రజలంతా వినియోగించుకోవాలని, భూ సమస్యల పరిష్కారానికి ప్రభుత్వం పని చేస్తుందని పేర్కొన్నారు.
కడప: న్యూ ఇయర్ వేడుకలను కుటుంబసభ్యులతో సంతోషంగా జరుపుకోవాలని కడప వన్ టౌన్ సీఐ రామకృష్ణ ప్రజలకు సూచించారు. రేపు రాత్రి 9గంటల నుంచి కడప నగరంలో ఉన్నతాధికారుల ఆదేశాల మేరకు ఆంక్షలను కఠినతరం చేసినట్టు ఆయన పేర్కొన్నారు. బహిరంగంగా డీజేలకు అనుమతి లేదని, నిబంధనలు అతిక్రమిస్తే కఠిన చర్యలు తప్పవని హెచ్చరించారు.
కృష్ణా: కేంద్రమంత్రి అమిత్ షా అంబేద్కర్ పట్ల చేసిన అనుచిత వ్యాఖ్యలను నిరసిస్తూ గుడివాడ సీపీఎం ఆధ్వర్యంలో సోమవారం నెహ్రూ చౌక్ సెంటర్లో నిరసన కార్యక్రమం చేపట్టారు. సీపీఎం గుడివాడ డివిజన్ కార్యదర్శి ఆర్సీపీ రెడ్డి ఆధ్వర్యంలో జరిగిన కార్యక్రమంలో అమిత్ షాను మంత్రి పదవి నుంచి బర్తరఫ్ చేయాలని, తన వ్యాఖ్యలను ఉపసంహరించుకొని క్షమాపణ చెప్పాలని డిమాండ్ చేశారు.
కడప: బద్వేల్ పట్టణంలోని ఆర్టీసీ బస్టాండ్ వెనుక వీధిలో రాత్రి ఇంటి ముందు పార్క్ చేసిన బైక్‌ను గుర్తుతెలియని దుండగులు ఎత్తుకెళ్లారు. బాధితుడు స్థానిక పోలీస్ స్టేషన్లో ఫిర్యాదు చేశాడు. రంగంలోకి దిగిన పోలీసులు పట్టణంలోని సీసీ కెమెరాలు పరిశీలిస్తున్నారు. పట్టణంలో వరుసగా బైక్ దొంగతనాలు జరుగుతున్న నేపథ్యంలో ప్రజలు అప్రమత్తంగా ఉండాలని పోలీసులు సూచించారు.
కోనసీమ: అంబేద్కర్ పై అనుచిత వ్యాఖ్యలు చేసిన కేంద్ర హోం మంత్రి అమిత్ షాను వెంటనే భర్తరఫ్ చేయాలి అని డిమాండ్ చేస్తూ ముమ్మిడివరంలో సీపీఎం పార్టీ ఆధ్వర్యంలో సోమవారం నిరసన వ్యక్తం చేశారు. ఈ సందర్భంగా వారు మాట్లాడుతూ.. దేశ ప్రజలకు అమిత్ షా సమాధానం చెప్పాలని, కేంద్ర మంత్రి పదవికి వెంటనే రాజీనామా చేయాలని డిమాండ్ చేస్తున్నామని అన్నారు.
NDL: రైతులు తమ సమస్యలు పరిష్కరించాలని కోరుతూ రాంకో సిమెంట్ ఫ్యాక్టరీ వద్ద సోమవారం నాడు ధర్నా చేపట్టారు. రాంకో సిమెంట్ ఫ్యాక్టరీ వద్ద రైతులు ధర్నా చేస్తుండడంతో పోలీసులు అక్కడికి చేరుకొని రైతులను బలవంతంగా బయటకు పంపించారు. రైతులు పోలీసుల మధ్య కొద్దిసేపు వాగ్వాదం చోటుచేసుకుంది. ఫ్యాక్టరీ ప్రతినిధులు రైతులతో చర్చిస్తున్నారు.
కృష్ణా: గన్నవరం నియోజకవర్గం హనుమాన్ జంక్షన్లో జరుగుతున్న 7వ ప్రపంచ మాదిగ దినోత్సవం కార్యక్రమం సోమవారం జరిగింది. తిరువూరు ఎమ్మెల్యే కొలికపూడి శ్రీనివాసరావు కార్యక్రమంలో స్వయంగా డప్పు కొట్టి పలువురిని అలరించారు. ఈ కార్యక్రమంలో కొలికపూడి ప్రత్యేక ఆకర్షణగా నిలిచారు. వేడుకలు సందర్భంగా కొలికపూడి కొద్దిసేపు మాట్లాడారు.
కడప: ఖాజీపేట మండల పరిధిలోని పుల్లూరు గ్రామ సచివాలయాన్ని సోమవారం ఎమ్మెల్యే పుట్టా సుధాకర్ యాదవ్ పరిశీలించారు. ఈ క్రమంలో సచివాలయ సిబ్బంది హాజరు పట్టికలో సంతకాలు చేసి కార్యాలయంలో లేకపోవడంపై ఎమ్మెల్యే ఆగ్రహం వ్యక్తం చేశారు. సచివాలయ సిబ్బంది ప్రజలకు అందుబాటులో ఉండాలని, లేకపోతే ప్రభుత్వపరమైన చర్యలు తీసుకుంటామని హెచ్చరించారు.
CTR: పుంగనూరు ప్రవేట్ బస్టాండ్ సమీపంలో ఉన్న మహిమాన్విత శక్తి స్వరూపిణి విరుపాక్షి మారెమ్మ ఆలయంలో అమావాస్య సందర్బంగా అమ్మవారిని అర్చకులు ప్రత్యేకంగా మహిశాసుర మర్దిని అలంకారంలో అలంకరించి భక్తులకు దర్శన భాగ్యం కల్పించారు. రాహుకాల పూజకు మహిళలు అధిక సంఖ్యలో పాల్గొన్నారు. పూజ కార్యక్రమం అనంతరం ఆలయ కమిటీ వారు భక్తదులకు తీర్థ ప్రసాదాలు అందజేశారు.
VZM: గజపతినగరంలో హెల్మెట్ పై అవగాహన ర్యాలీ జరిగింది. బొబ్బిలి డీఎస్పీ శ్రీనివాసరావు పర్యవేక్షణలో సోమవారం సర్కిల్ పరిధిలో గల ఎస్ఐలు, మహిళా పోలీసులు పోలీసు సిబ్బంది హెల్మెట్ ధరించి ద్విచక్ర వాహనాలపై అవగాహన ర్యాలీ చేశారు. పోలీస్ స్టేషన్ నుంచి పెట్రోల్ బంక్ వరకు ర్యాలీ జరిపారు. ప్రతి ఒక్కరూ హెల్మెట్ ధరించాలని సూచించారు. ఎస్ఐలు లక్ష్మణరావు మహేష్ పాల్గొన్నారు.
E.G: దేవీపట్నం మండలం నుంచి పాపికొండలు విహారయాత్రకి సోమవారం 6 పర్యాటక బోట్లు వెళ్లాయని టూరిజం శాఖ అధికారి సాంబశివరావు తెలిపారు. వివిధ ప్రాంతాల నుంచి వచ్చిన పర్యాటకులు అందర్నీ బోట్లు ఎక్కించి, లైఫ్ జాకెట్లు ఇచ్చామని తెలిపారు. ఆరు బాటలలో 300 మంది ప్రయాణికులు విహారయాత్రకు వెళ్లారని తెలిపారు.
బాపట్ల: నియోజకవర్గంలో నెలకొన్న రెవెన్యూ సమస్యలు అన్నింటిని రాష్ట్ర ప్రభుత్వం పరిష్కరించేందుకు కృషి చేస్తుందని నియోజకవర్గం జనసేన పార్టీ సమన్వయకర్త నామన వెంకట శివన్నారాయణ అన్నారు. బాపట్ల మండలం కొండుబోట్లపాలెం గ్రామంలో సోమవారం నిర్వహించిన రెవెన్యూ సదస్సులో ఆయన పాల్గొన్నారు. ఈ కార్యక్రమంలో మండల రెవెన్యూ ఆఫీసర్ షాలిమ, సచివాలయ సిబ్బంది పాల్గొన్నారు.
NDL: నంద్యాల జిల్లా కోర్టులో న్యాయవాదులు సోమవారం విధులను బహిష్కరించారు. అనంతపురంలో న్యాయవాది శేషాద్రి పోలీసుల వల్ల గుండెపోటుతో మరణించారని, న్యాయవాదుల సంఘం అధ్యక్షుడు దుర్గా ప్రసాద్ పేర్కొన్నారు. నేడు కోర్టు విధులు బహిష్కరించి, రేపు పోలీస్ స్టేషన్ ఎదుట ధర్నా నిర్వహించనున్నట్లు తెలిపారు. న్యాయవాదుల రక్షణ చట్టం అమలు చేయాలని డిమాండ్ చేశారు.
ATP: గుత్తి పట్టణంలోని గాంధీ సర్కిల్ వద్ద సోమవారం ప్రజాసంఘాలు, అఖిలపక్షాలు ఆధ్వర్యంలో నిరసన కార్యక్రమం చేపట్టారు. ఈ సందర్భంగా అఖిలపక్ష నాయకులు నిర్మల, నాగభూషణం మాట్లాడుతూ.. పార్లమెంటులో రాజ్యాంగ నిర్మాత డాక్టర్ బీ.ఆర్ అంబేద్కర్‌పై అనుచిత వ్యాఖ్యలు చేసినందుకు ఈ నిరసన కార్యక్రమం చేస్తున్నామన్నారు.
కర్నూలు నగరంలోని ఏపీఎస్పీ రెండో బెటాలియన్ మైదానంలో ఈ రోజు నుంచి కానిస్టేబుల్ అభ్యర్థులకు దేహదారుఢ్య పరీక్షల రిహార్సల్స్ ఏర్పాట్లను ఎస్పీ జి. బిందుమాధవ్ పరిశీలించారు. పరీక్షల నేపథ్యంలో పాల్గొనే పోలీసు అధికారులు, కొంత మంది యువకులతో ఆయన రిహార్సల్స్ నిర్వహించారు. పోలీసు అధికారులకు, సిబ్బందితో సమావేశమై పకడ్బందీగా, నిర్వహించాలని ఆదేశించారు.
