ELR: వాసవి కన్యకా పరమేశ్వరి అమ్మవారి జయంతి పురస్కరించుకొని ఆదివారం ఉంగుటూరులో ఆర్యవైశ్య సంఘం ఆధ్వర్యంలో జయంతి వేడుకలు నిర్వహించారు. అమ్మవారి చిత్రపటాన్ని గ్రామంలో ఊరేగించి పలు ఆలయాలలో పూజలు నిర్వహించారు. ఈ సందర్భంగా ఆర్యవైశ్య సంఘం ఆధ్వర్యంలో చలివేంద్రం ఏర్పాటు చేశారు. ఈ కార్యక్రమంలో ఆర్యవైశ్య సంఘం నాయకులు కొత్త పుల్లేశ్వరరావు, తదితరులు పాల్గొన్నారు.
