ఆంధ్రప్రదేశ్ ముఖ్యమంత్రి సీఎం జగన్ కడప జిల్లాలో మూడు రోజులపాటు పర్యటించనున్నారు. ఈనెల 23,24,25 తేదీల్లో కడప జిల్లాలో పర్యటించనున్నారు. రేపు ఉదయం 11. 30 గంటలకు కడపకు చేరుకొని అభివృద్ధి కార్యక్రమాలలో పాల్గొంటారు. 2 గంటలు హెలికాఫ్టర్ లో కడప జిల్లా కమలాపురం వెళ్లి అక్కడి కార్యక్రమాలలో పాల్గొని సాయంత్రం ఇడుపులపాయ చేరుకొని రాత్రి బస చేస్తారు.
24వ తేదీ మధ్యాహ్నం పులివెందుల కు వెళ్లి కొన్ని కార్యక్రమాలలో పాల్గొని రాత్రికి తిరిగి ఇడుపులపాయ చేరుకుంటారు. 25వ తేదీ ఉదయం మళ్ళీ పులివెందులకు వెళ్లి క్రిస్మస్ ప్రార్ధన సంబరాలలో పాల్గొని కడపకు వచ్చి విమానంలో అమరావతికి వెళ్ళిపోతారు.
ఈ పర్యటనలో తొలుత కడప లోని అమీన్ పీర్ దర్గా ని సందర్శిస్తారు.. అదేరోజు పులివెందులలో ఆధునీకరించిన రోడ్డు కూడళ్లను కూరగాయల మార్కెట్, మైత్రి లే అవుట్, రాయలపురం బ్రిడ్జి, వై ఎస్ ఆర్ బస్టాండ్ , అహోబిలపురం స్కూల్, 10 మిలియన్ లీటర్ల మురుగునీటి ట్రీట్మెంట్ ప్లాంట్ లను ప్రారంభించనున్నారు.
