తిరుమల(Tirumala)లో ఐదేళ్ల బాలుడిపై చిరుత దాడి చేసింది. బాలుడిపై దాడి చేసి ఎత్తుకెళ్లేందుకు ప్రయత్నం చేయగా అక్కడే ఉన్న పోలీసులు గట్టిగా కేకలు వేశారు. పోలీసుల కేకలకు భయపడిన చిరుత ఆ బాలుడిని అక్కడే వదిలేసి పారిపోయింది. తిరుమలలో నడకదారి మార్గం 7వ మైలు వద్ద గురువారం ఈ సంఘటన చోటుచేసుకుంది.
చిరుత దాడి(Cheetah Attack) చేయడంతో బాలుడికి స్వల్పంగా గాయాలు అయ్యాయి. టీటీడీ(TTD) సిబ్బంది వెంటనే బాలుడిని ఆస్పత్రికి తరలించారు. చిరుత దాడి ఘటన తెలిసిన వెంటనే టీటీడీ ఈవో ఏవీ ధర్మారెడ్డి ఘటనా స్థలానికి చేరుకున్నారు. బాలుడి కుటుంబీకులతో మాట్లాడారు. అయితే బాలుడ్ని చిరుత దాడి చేయడంతో భక్తులు ఆందోళన చెందుతున్నారు.
చదవండి: SPY Trailer : నిఖిల్ ‘స్పై’ ట్రైలర్ రిలీజ్
కుటుంబాలతో తిరుమల(Tirumala) శ్రీవారిని దర్శించుకునేందుకు వచ్చేవారంతా చిరుత ఎటువైపు నుంచి వచ్చి దాడి చేస్తుందేమోనని భయాందోళనను వ్యక్తం చేశారు. ఫారెస్ట్ సిబ్బంది, టీటీడీ అధికారులు త్వరగా చిరుతను గుర్తించి బంధించాలని కోరారు. పిల్లల్ని కాలినడకన తిరుమలకు తీసుకెళ్లే భక్తులు అలర్ట్ గా ఉండాలని టీటీడీ అధికారులు సూచించారు.
